Read William Morgan Bible 1588 original edition Zacharias 8 Bible Online

Zacharias 8 - William Morgan Bible 1588 original edition bible

Zacharias 8

¹Dychweliad y bobl i Ierusalem, Daioni Duw iddynt. Gwir wasanaeth Duw. Galwedigaeth y cenhedloedd. Yna y daeth gair Arglwydd y lluoedd [attaf] gan ddywedyd:

²Fel hyn y dywed Arglwydd y lluoedd, eiddigeddais eiddigedd mawr dros Sion, ac mewn llid mawr yr eiddigeddais drosti.

³Fel hyn y dywed yr Arglwydd, dychwelaf at Sion, a thrigaf yng-hanol Ierusalem, ac Ierusalem a elwir, dinas y gwirionedd, a mynydd Arglwydd y lluoedd, mynydd sanctaidd.

⁴Fel hyn y dywed Arglwydd y lluoedd, hên wŷr, a hên wragedd a eisteddant etto yn heolydd Ierusalem, a’r gŵr ai ffon yn ei law o amlder dyddiau.

⁵Heolydd y ddinas a lenwir o fechgin, a genethod, yn chware yn ei heolydd.

⁶Fel hyn y dywed Arglwydd y lluoedd, os anhawdd yw [hyn] yn y dyddiau hynny yng-olwg gweddill y bobl hyn: ai anhawdd fydde hefyd yn fyng-olwg innef, medd Arglwydd y lluoedd?

⁷Fel hyn y dywed Arglwydd y lluoedd, wele fi yn gwaredu fy mhobl o dîr codiad, ac o dîr machludiad haul.

⁸A gwnaf iddynt ddyfod fel y presswyliant yng-hanol Ierusalem: a byddant yn bobl i mi, a byddaf iddynt hwythau yn Dduw, mewn gwirionedd ac mewn cyfiawnder.

⁹Fel hyn y dywed Arglwydd y lluoedd cryfhaer eich dwylo chwi y rhai ydych yn clywed (yn y dyddiau hyn) y geiriau hyn o enau y prophwydi (y rhai [oeddynt] yn y dydd y sylfaenwyd tŷ Arglwydd y lluoedd) am adailadu y Deml.

¹⁰Canys cyn y dyddiau hyn nid oedd tal [llafur] i ddŷn, na thâl i anifail, na heddwch i’r [vn] a ele allan, nac a ddele i mewn gan y gorthrymmwr: o blegit gyrrais ddynion bob vn ym mhen ei gymydog.

¹¹Ond bellach ni [byddaf] fi i weddill y bobl hyn, megis yn y dyddiau cyntaf, medd Arglwydd y lluoedd.

¹²Canys [bydd] hâd heddwch, y winwydden a rydd ei ffrwyth, a’r ddaiar, a ddŷd ei chynnyrch, a’r nefoedd a roddant eu gwlith, a pharaf i weddill y bobl hyn etifeddu yr holl bethau hyn.

¹³A bydd mai megis y buoch chwi tŷ Iuda, a thŷ Israel yn felldith ym mysc y cenhedloedd: felly i’ch gwaredaf chwi, a byddwch yn fendith, nac ofnwch, cryfhaer eich dwylo.

¹⁴Fel hyn y dywed Arglwydd y lluoedd, fel yr amcenais eich drygu chwi, pan i’m cyffrôdd eich tadau chwi fi, medd Arglwydd y lluoedd, ac nid arbedais:

¹⁵Felly y trois, [ac] yr amcenais y dyddiau hyn wneuthur llês i Ierusalem, ac i dŷ Iuda, nac ofnwch.

¹⁶Hyn [yw’r] pethau a wnewch chwi, dywedwch y gwîr bawb wrth ei gymydog, a bernwch farn gwirionedd [a] thangneddyf yn eich pyrth.

¹⁷Ac na fwriedwch ddrwg neb iw gilydd yn eich calonnau, ac na hoffwch lwon celwyddoc: canys yr holl bethau hyn a gaseais, medd yr Arglwydd y lluoedd.

¹⁸A gair Arglwydd y lluoedd a ddaeth attaf gan ddywedyd:

¹⁹Fel hyn y dywed Arglwydd y lluoedd: ympryd y pedwerydd [mîs] ac ympryd y pummed, ac ympryd y seithfed, ac ympryd y decfed a fydd i dŷ Iuda, yn llawenydd a hyfrydwch, ac yn vchel wyliau daionus: gan hynny cerwch wirionedd, a heddwch.

²⁰Fel hyn y dywed Arglwydd y lluoedd, [bydd] etto y daw pobloedd, a phresswylwŷr dinasoedd lawer.

²¹Ac aiff presswylwŷr y naill i’r llall, gan ddywedyd: awn i fyned i weddio ger bron yr Arglwydd, ac i ymgais ag Arglwydd y lluoedd, minne a ddeuaf hefyd.

²²Ie pobloedd lawer, a chenhedlaethau cryfion a ddeuant i geisio Arglwydd y lluoedd yn Ierusalem: ac i weddio ger bron yr Arglwydd.

²³Fel hyn y dywed Arglwydd y lluoedd, yn y dyddiau hynny [y bydd] i ddêc o ddynion o bob tafod-iaith y cenhedloedd, ymafelyd yn ymyl [dilledyn] vn Iddew, gan ddywedyd: awn gyd â chwi, canys clywsom [fod] Duw gyd â chwi.