Read William Morgan Bible 1588 original edition Malachi 1 Bible Online

Malachi 1 - William Morgan Bible 1588 original edition bible

Malachi 1

¹Cwyn yn erbyn Israel, a’r offeiriaid. Baich gair yr Arglwydd, at Israel drwy law Malachi.

²Hoffais chwi medd yr Arglwydd, a chwi a ddywedwch, ym mha beth yr hoffaist ti ni? onid brawd [oedd] Esau i Iacob, medd yr Arglwydd? etto Iacob a hoffais,

³Ac Esau a gasseais, ac a osodais ei fynyddoedd yn ddiffaethwch, ai etifeddiaeth yn anialwch dreigiau.

⁴Os dywed Edom, tlodwyd ni, etto dychwelwn, ac adailadwn yr anghyfannedd [leoedd:] fel hyn y dywed Arglwydd y lluoedd, hwynt a adailadant, ond minne a ddinistriaf, a gelwir hwynt yn gyffinid drygioni: a’r bobl [wrth] y rhai y llidiodd yr Arglwydd yn dragywydd.

⁵Eich llygaid hefyd a welant, a chwitheu a ddywedwch, mawrheuir yr Arglwydd oddi ar derfyn Israel.

⁶Mab a anrhydedda ei dâd, a gwenidog ei feistr, ac os [ydwyf] fi dâd, pa le [y mae] fy anrhydedd? ac os [ydwyf] fi feistr, pa le y mae fy ofn, medd Arglwydd y lluoedd wrthych chwi’r offeiriaid, y rhai ydych yn dirmygu fy enw? a chwi a ddywedwch, ym mha beth y dirmygasom dy enw di?

⁷Offrymmu yr ydych ar fy allor fara halogedic, a chwi a ddywedwch, ym mha beth yr halogasom di? am i chwi ddywedyd, dirmygus yw bwrdd yr Arglwydd.

⁸Pan ddygech hefyd [anifail] dall iw aberthu, onid drwg [hynny?] a phan ddygech gloff, neu glwyfus, onid drwg [hynny?] dŵg ef yr awron i’th dywysog, a fydd efe fodlon it? neu a dderbyn efe dy wyneb, medd Arglwydd y lluoedd?

⁹Ac yn awr gweddiwch attolwg ger bron Duw fel y trugarhao wrthych: o’ch llaw chwi y mae hyn, a dderbyn efe wyneb [vn] o honoch, medd Arglwydd y lluoedd?

¹⁰A phwy hefyd o honoch a gaeue y dôrau? neu a oleue fy allor yn rhâd? nid [oes] genif foddlonrwydd ynoch chwi medd Arglwydd y lluoedd: ac ni byddaf bodlon i fwyd offrwm o’ch llaw.

¹¹Canys o gyfodiad haul hyd ei fachludiad hefyd, mawrheuir fy enw ym mysc y cenhedloedd: ac ym mhob lle arogldarth a offrymmir i’m henw, a bwyd offrwm pûr: canys mawr [yw] fy enw ym mhlith y cenhedloedd, medd Arglwydd y lluoedd.

¹²Ond chwi ai halogasoch ef, pan ddywedasoch, bwrdd yr Arglwydd [sydd] halogedic, ai ffrwyth, [sef] ei fwyd sydd ddirmygus.

¹³Chwi hefyd a ddywedasoch, wele flinder, a ffroenassoch arno medd Arglwydd y lluoedd; Dygasoch hefyd y treisiedic, a’r cloff, a’r clwyfus pan ddygasoch fwyd offrwm: a fyddaf fi fodlon i hynny o’ch llaw chwi, medd yr Arglwydd?

¹⁴Melldigedic yw y dichellgar, pan fyddo yn ei gorlan wryw, os efe a adduna, ac a abertha [un] llygredic i’r Arglwydd: canys Brenin mawr [ydwyf] medd Arglwydd y lluoedd, a’m henw [sydd] ofnadwy ym-mhlith y cenhedloedd.