Read William Morgan Bible 1588 original edition Malachi 3 Bible Online

Malachi 3 - William Morgan Bible 1588 original edition bible

Malachi 3

¹Am gennadwriaeth yr Arglwydd, ac am swydd Crist. Wele fi yn anfon fyng-hennad, ac efe a arloesa y ffordd o’m blaen: ac yn ddisymmwth y daw’r Arglwydd yr hwn yr ydych yn ei geisio i’w Deml, ac angel y cyfammod yr hwn a ddymunwch: wele efe yn dyfod medd Arglwydd y lluoedd.

²A phwy a oddef ddydd ei ddyfodiad ef? a phwy a saif pan ymddangoso efe? canys y mae efe fel tân puradwy, ac fel sebon y golchyddion.

³Efe a eistedd [fel] purudd, a glanheudd arian, ac efe a burhâ feibion Lefi, ac ai coetha hwynt fel aur, ac fel arian: fel y bŷddont yn offrymmu i’r Arglwydd offrwm mewn cyfiawnder.

⁴Yna y bydd melys gan yr Arglwydd fwyd offrwm Iuda, ac Ierusalem: megis yn y dyddiau gynt, ac fel blynyddoedd y cynfyd.

⁵A mi a nesâf attoch chwi mewn barn, a byddaf dyst cyflym yn erbyn yr hudolion, ac yn erbyn y godineb-wŷr, ac yn erbyn yr anudon-wŷr, ac yn erbyn camattal-wŷr cyflog y cyflogedic, y weddw, a’r ymddifad, ac yn gorthrymmu y dieithr, ac heb fy ofni i medd Arglwydd y lluoedd.

⁶Canys myfi’r Arglwydd ni’m newidîr: am hynny ni ddifethwyd chwi meibion Iacob.

⁷Er dyddiau eich tadau y ciliasoch oddi wrth fy neddfau, ac ni chadwasoch [hwynt:] dychwelwch attaf fi, a mi a ddychwelaf attoch chwitheu, medd Arglwydd y lluoedd: a chwi a ddywedwch ym-mha beth y dychwelwn?

⁸A yspeilia dyn Dduw? etto chwi a’m hyspeiliasoch i: a chwi a ddywedwch, ym-mha beth i’th yspeiliasom? [yn] y degwm, ac offrwm.

⁹Melldigedic ydych drwy felldith, canys chwi a’m hyspeiliasoch i, [sef] yr holl genhedlaeth.

¹⁰Dygwch yr holl ddegwm i’r tryssor-dŷ, fel y bydde bwyd yn fy nhŷ: a phrofwch fi’r awr hon yn hyn medd Arglwydd y lluoedd: onid agoraf i chwi ffenestri y nefoedd, a thywallt arnoch chwi fendith yn anfeidrol.

¹¹Myfi hefyd a argyoeddaf er eich mwyn chwi’r ormes, fel na ddifwyno i chwi ffrwyth y ddaiar: a’r winwydden yn y maes ni bydd ddiffrwythlon i chwi medd Arglwydd y lluoedd

¹²A’r holl genhedloedd a’ch [galwant] chwi yn wynfydedig, canys byddwch chwi wlâd hyfrydaidd, medd Arglwydd y lluoedd.

¹³Eich geiriau chwi a’m gorchfygasant medd yr Arglwydd: a chwi a ddywedwch, pa beth ydym ni yn ei ddywedyd yn dy erbyn di?

¹⁴Dywedasoch, oferedd yw gwasanaethu Duw, a pha lesiant [sydd] er i ni gadw ei orchymynnion ef? ac er i ni rodio yn ostyngedig ger bron Arglwydd y lluoedd?

¹⁵Ac yr awr hon yr ydym yn galw y beilchion yn wynfydedig, a gweithred-wŷr drygioni a adailadwyd: temptiasant hefyd Dduw a gwaredwyd hwynt.

¹⁶Yna’r rhai oeddynt yn ofni’r Arglwydd a lefarasant bôb vn wrth ei gymydog: a’r Arglwydd a wrandawodd, ac a glybu, ac scrifennwyd llyfr coffadwriaeth ger ei fron ef i’r rhai oeddynt yn ofni’r Arglwydd, ac i’r rhai oeddynt yn ystyried ei enw ef.

¹⁷A byddant eiddo fi medd Arglwydd y lluoedd y dydd yn yr hwn y gwnelwyf briodoledd: arbedaf hwynt hefyd fel yr arbed gŵr ei fâb sydd yn ei wasanaethu ef.

¹⁸Yna y dychwelwch, ac y gwelwch [ragor] rhwng y cyfiawn, a’r drygionus, rhwng gwasanaethudd Duw, a’r hwn ni’s gwasanaetho ef.