Read William Morgan Bible 1588 original edition Malachi 4 Bible Online

Malachi 4 - William Morgan Bible 1588 original edition bible

Malachi 4

¹Dyfodiad Elias o flaen dydd yr Arglwydd. Canys wele y dydd yn dyfod yn llosci megis ffwrn, a’r holl feilchion, a’r holl weithred-wŷr anwiredd a fyddant sofl: a’r dydd sydd yn dyfod ai llysc hwynt medd Arglwydd y lluoedd, yr hwn ni âd iddynt na gwreiddin, na changen.

²Onid haul cyfiawnder a gyfyd i chwi y rhai ydych yn ofni fy enw, a meddiginiaeth [a sydd] tann ei ascell: a chwi a ewch allan, ac a gynnyddwch megis lloi pascedic.

³A chwi a wasernwch yr annuwolion, canys byddant yn llwch tann wadnau eich traed chwi: yn y dydd yr hwn a baraf i, medd Arglwydd y lluoedd.

⁴Cofiwch gyfraith Moses fyng-wâs yr hon a orchymynnais iddo ef yn Horeb, am holl Israel yn ddeddfau, a barnedigaethau.

⁵Wele mi a anfonaf attoch chwi Elias y prophwyd, cyn dyfod y mawr a’r ofnadwy ddydd yr Arglwydd.

⁶Ac efe a dychwel galon y tadau at y plant, a chalon y plant at eu tadau, rhag i mi daro y ddaiar â difrod. Terfyn y Prophwyd Malachi, ac hefyd o’r holl brophwydi.