Read William Morgan Bible 1588 original edition 1.Machabæaid 16 Bible Online

1.Machabæaid 16 - William Morgan Bible 1588 original edition bible

1.Machabæaid 16

¹Araith Simon wrth ei feibion. 4 Ioan yn myned yn erbyn Cendebeus, ac yn ei orchfygu ef. 15 A brâd Ptolomeus. AC Ioan a aeth i fynu o Gazara, ac a fynegodd i Simon ’ei dad yr hyn a wnaethe Cendebeus.

²A Simon a alwodd ei ddau fab hynaf Iudas ac Ioan, ac a ddywedodd wrthynt hwy: myfi a’m brodyr a thŷ fy nhad a ryfelasom yn erbyn gelyniō Israel o’n ieuengtid hyd heddyw, ac fe a ffynnodd gennym ni waredu Israel lawer gwaith.

³Ond yr awron mi a heneiddiais, a thrwy drugaredd [Dduw] yr ydych chwi yn ddigonol o oedran: byddwch chwi yn fy lle i a’m brawd ac ewch allan a rhyfelwch tros ein cenedl ni, a chymmorth o’r nefoedd fyddo gyd â chwi.

⁴Ac efe a etholodd o’r wlad vgein-mil o ryfelwŷr, a gwŷr meirch: ac hwy a aethant yn erbyn Cendebeus, ac a gyscasant ym Modin.

⁵Ac hwy a godasant yn foreu, ac a aethant i’r maes, ac wele lu mawr yn eu herbyn hwynt ar draed, ac ar feirch: ac yr oedd aber rhyngddynt hwynt.

⁶Ac efe a werssyllodd oi blaen hwynt, efe ai bobl, a phan welodd efe y bobl yn ofni myned trwy ’r aber, efe a aeth trwodd yn gyntaf, a phan welodd y gwŷr ef, hwythau a aethant ar ei ôl ef.

⁷Yna y rhannodd efe y bobl, a’r gwŷr meirch [a roddwyd] yng-hanol y gwŷr traed, oblegit gwŷr meirch y gelynion oeddynt lawer.

⁸A phā ganodd efe ag vdcyrn y ffôdd Cendebeus ai werssyll, a llawer o honynt a syrthiasant yn archolledig, a’r lleill a ffoasant i’r castell.

⁹Yna y clwyfwyd Iudas brawd Ioan, ac Ioan ai hymlidiodd hyd oni ddaeth efe i Cedron yr hon a adailadase [Cendebeus.]

¹⁰Ac hwy a ffoasant hyd y tyrau y rhai ydynt ym maes Azotus, ac yntef ai lloscodd hi â than, ac fe a syrthiodd o honynt hwy gymmaint a dwy-fil o wŷr, ac efe a ddychwelodd i dir Iudaea yn heddychlon.

¹¹Ac yr oedd Ptolomeus mab Abubus wedi ei osod yn gapten ym maes Iericho, ac yr oedd ganddo ef arian ac aur lawer.

¹²O blegit daw yr arch-offeiriad oedd efe.

¹³Ai galon ai cododd ef, ac efe a chwennychase feddiannu y wlâd, ac a fynnase trwy dwyll yn erbyn Simon ai feibion eu difetha hwynt.

¹⁴Ac yr oedd Simon yn rhodio trwy ddinasoedd y wlad, ac yn ofalus am eu llywodraeth hwynt, ac efe a aeth i wared i Iericho, efe a Mattathias, ac Iudas ei feibion yn yr ail flwyddyn a’r bymtheg a thrugain a chant, yn yr vnfed mis a’r ddeg, hwn yw ’r mîs Sabbat.

¹⁵A mab Abubus ai derbyniodd hwynt trwy dwyll i gastell a elwid Docus, yr hwn a adailadase efe, ac efe a wnaeth iddynt wledd fawr, ac a guddiodd yno wŷr.

¹⁶Ac wedi meddwi Simon ai feibion y cododd Ptolomeus a’r rhai oeddynt gyd ag ef, ac hwy a gymmerasant eu harfau, ac a ruthrasant i Simon yn y wledd, ac ai lladdasant ef ai ddau fab, a rhai oi weision.

¹⁷Felly y gwnaeth efe dwyll fawr, ac y talodd ddrwg am dda.

¹⁸Ac Ptolomeus a scrifennodd hyn, at a anfonodd ac y brenin i anfon atto ef lu yn gymmorth, ac efe a rodde iddo ef y wlad a’r dinasoedd.

¹⁹Ac efe a yrrodd eraill i Gazara i ddifetha Ioan, ac a anfonodd lythyrau at y milwriaid [i erchi] iddynt ddyfod atto ef i roddi iddynt arian, ac aur a rhoddion.

²⁰Ac efe a yrrodd eraill i ennill Ierusalem a mynydd y Deml.

²¹Ac vn a redodd o’r blaen ac a fynegodd i Ioan yn Gazara ddifetha ei dad ef, ai frodyr: ac efe a anfonodd i’th ladd dithe [eb efe.]

²²Yntef pan glybu a ofnodd yn ddirfawr, ac a ddaliodd y gwŷr a ddaethent iw ddifetha ef ac ai lladdodd hwynt: oblegit efe a ŵybu eu bod hwynt yn ceisio ei ddifetha ef.

²³A’r rhan arall o ymadroddion Ioan, ai cyfeloedd, ai ŵrolaeth yr hyn a wnaeth efe, ac adailadaeth y caerau y rhai a adailadodd efe, ai weithredoedd,

²⁴Wele fe a scrifennwyd hyn yn llyfrau cronicl ei arch-offeiriadaeth ef, er pan wnaethpwyd ef yn arch-offeiriad ar ôl ei dâd. Terfyn y llyfr cyntaf o’r Machabæaid.