Read William Morgan Bible 1588 original edition Mathew 11 Bible Online

Mathew 11 - William Morgan Bible 1588 original edition bible

Mathew 11

¹1 Crist yn pregethu, 2 Ioan yn anfon ei ddiscyblion at Grist. 21 dialedd Duw yn erbyn gwrandawyr anniolchgar, 25 a’r diolch a roddodd Crist am egluro o’r Tâd yr Efengyl i’r dynion gwirion. A darfu wedi gorphe o’r Iesu orchymyn iw ddeuddec Apostol, iddo ef fyned oddi yno i ddyscu a phregethu yn eu dinasoedd hwy.

²[16]A phan glybu Ioan yng-harchar [am] weithredoedd Crist, efe a ddanfonodd ddau o’i ddiscyblion, ac a ddywedodd wrtho,

³Ai tydi yw’r hwn a ddaw, ai disgwil yr ydym ni am arall?

⁴A’r Iesu a attebodd, ac a ddywedodd wrthynt, ewch, a mynegwch i Ioan y pethau a glywsoch ac a welsoch.

⁵Y mae’r deillion yn gweled eil-waith, a’r cloffion yn rhodio: a’r cleiffon gwahanol wedi eu glanhau, a’r byddariaid yn clywed: y mae y meirw yn cyfodi, a’r tlodion yn cael pregethu yr Efengyl iddynt.

⁶A dedwydd yw’r hwn ni rwystrir o’m plegit i.

⁷A hwy yn myned ymmaith, yr Iesu a ddechreuodd ddywedyd wrth y dyrfa am Ioan, pa beth yr aethoch allan i’r anialwch i edrych am dano? a’i corsen yn escwyd gan y gwynt?

⁸Eithr pa beth yr aethoch iw weled? ai dŷn wedi ei wisco â dillad esmwyth, wele, y rhai sy yn gwisco dillad esmwyth, mewn tai brenhinoedd y maent.

⁹Eithr pa beth yr aethoch allan i’w weled? ai prophwyd? îe, meddaf i chwi, a mwy nâ phrophwyd.

¹⁰Canys hwn ydyw y neb y mae yn scrifennedic am dano, wele, yr ydwyf yn anfon fyng-hennad o flaen dy wyneb, yr hwn a barotoa dy ffordd o’th flaen.

¹¹Yn wir meddaf i chwi, ym mlith plant gwragedd ni chododd neb mwy nag Ioan Fedyddi-wr, er hynny yr hwn sydd leiaf yn nheyrnas nefoedd, sydd fwy nag ef.

¹²Ac o amser Ioan Fedyddi-wr hyd hyd, y treisir teyrnas nefoedd, a threiswŷr sy yn myned â hi wrth nerth.

¹³Canys yr holl brophwydi a’r gyfraith a brophwydasant hyd Ioan.

¹⁴Ac os ewyllysiwch ei dderbyn, efe yw Elias yr hwn oedd ar ddyfod.

¹⁵Y neb sydd iddo glustiau i wrando gwrandawed.

¹⁶Eithr i ba beth y cyffelybafi y genhedlaeth hon? cyffelyb yw i blant yn eistedd yn y marchnadoedd, ac yn llefain wrth eu cyfeillion,

¹⁷Ac yn dywedyd, canasom bibell i chwi, ac ni ddawnsiasoch: canasom alar-nad i chwi, ac ni chwynfanasoch.

¹⁸Canys daeth Ioan heb na bwytta nac yfed, ac meddant, y mae cythrael ganddo.

¹⁹Daeth Mâb y dyn yn bwytta ac yn yfed, ac meddant, wele ddŷn glwth, ac yfwr gwin, cyfaill publicanod a phechaduriaid: a doethineb a gyfiawnhauwyd gan ei phlant ei hun.

²⁰Yna y dechreuodd efe edliw i’r dinasoedd, yn y rhai y gwnaethid y rhan fwyaf o’i weithredoedd mawrion ef, am nad edifarhausent.

²¹Gwae tydi Corazin: gwae tydi Bethsaida: canys pe gwnaethid yn Tirus a Sidon y gwrthiau a wnaethpwyd ynoch chwi, hwy a edifarhausent er ys talm mewn lliain sach a lludw.

²²Eithr dywedaf i chwi, mai esmwythach fydd i Tirus a Sidon yn nydd y farn nag i chwi.

²³A thydi Capernaum, yr hon a dderchefir hyd y nefoedd, a dynnir i lawr hyd yn vffern: canys pe gwnaethid yn Sodoma y gwrthiau a wnaethpwyd ynot ti, hwy a fuasent yn aros hyd heddyw.

²⁴Eithr yr ydwyf yn dywedyd i chwi, mai esmwythach fydd i dîr Sodoma yn-nydd y farn, nag i ti.

²⁵[17]Yn yr amser hynny yr attebodd yr Iesu, ac efe a ddywedodd, I ti yr ydwyf yn diolch, ô Dad, Arglwydd nef a daiar, am i ti guddio y pethau hyn rhag y doethion a’r rhai call, ai dangos o honot i’r rhai bychain.

²⁶Diau ô Dâd, mai felly y rhyngodd bodd i ti.

²⁷Pob peth a roddwyd i mi gan fy Nhâd: ac nid edwyn neb y Mâb, eithr y Tâd: ac nid edwyn neb y Tâd ond y Mâb: a’r hwn yr ewyllysio’r Mâb ei ddangos iddo.

²⁸Dewch attafi bawb a’r y sydd yn flinderog, ac yn llwythog, ac mi a esmwythâf arnoch.

²⁹Cymmerwch fy iau arnoch, a dyscwch gennif, am fy mod yn fwyn, ac yn ostyngedic o galon: a chwi a gewch orphywysdra i’ch eneidiau.

³⁰Canys fy iau sydd esmwyth, a’m baich sydd yscafn.