Read William Morgan Bible 1588 original edition Mathew 15 Bible Online

Mathew 15 - William Morgan Bible 1588 original edition bible

Mathew 15

¹Crist yn escusodi ei ddyscyblion am fwyta y tywys yd ar y Sabboth gan ddangos rhagrith y Pharisæaid, 15 A chan egluro iw ddiscyblion nad yr hyn sydd yn myned i’r corph sydd yn halogi y corph, 32 Ac yn porthi llawer â phedair torth o fara. Yna yr scrifennyddion a’r Pharisæaid y rhai oeddynt o Ierusalem a ddaethant at yr Iesu gan ddywedyd,

²Pa ham y mae dy ddiscyblion di yn torri traddodiadau yr henafiaid? canys nid ydynt yn golchi eu dwylo pan fwyttânt fara.

³Ac efe a attebodd ac a ddywedodd wrthynt, a pha ham yr ydych chwi yn torri gorchymyn Duw trwy eich traddodiad chwi?

⁴Canys Duw a orchymynnodd, gan ddywedyd, Anrhydedda dy dâd a’th fam: a’r hwn a felldithio dâd neu fam, lladder ef yn farw.

⁵Eithr yr ydych chwi yn dywedyd, pwy bynnac a ddywed wrth dâd neu fam, drwy y rhodd [a offrymmir] gennifi y daw llesâd i ti,

⁶Er nas anrhydedda efe ei dâd neu ei fam, [di-fai fydd:] ac fel hyn y gwnaethoch orchymyn Duw yn ofer trwy eich traddodiad eich hun.

⁷Oh ragrith-wŷr, da y prophwydodd Esaias am danoch chwi, gan ddywedyd,

⁸Nesau y mae y bobl hyn attaf â’i genau, a’m anrhydeddu â’u gwefusau, a’u calon sydd bell oddiwrthif.

⁹Eithr ofer i’m hanrhydeddant i gan ddyscu gorchymynnion dynion yn ddysceidiaeth.

¹⁰Yna y galwodd efe y dyrfa atto gan ddywedyd wrthynt, clywch a dehellwch.

¹¹Nid yr hyn sydd yn myned i’r genau, sydd yn halogi dŷn, ond yr hyn sydd yn dyfod allan o’r genau, hynny sydd yn halogi dŷn.

¹²Yna y daeth ei ddiscyblion, ac a ddywedasant wrtho, oni ŵyddosti rwystro y Pharisæaid wrth glywed yr ymadrodd hyn?

¹³Ac yntef a attebodd, ac a ddywedodd, pob planhigin a’r ni’s plannodd fy Nhâd nefol a ddiwreiddir.

¹⁴Gadewch iddynt, tywysogion deillion i’r deillion ydynt, ac os y dall a dywys y dall, y ddau a syrthiant yn y ffôs.

¹⁵Yna yr attebodd Petr ac a ddywedodd wrtho, eglura i ni y ddammeg hon.

¹⁶Yna y dywedodd yr Iesu, a ydych chwi etto heb ddeall?

¹⁷Onid ydych chwi yn deall etto fôd yr hyn oll sydd yn myned i mewn i’r genau, yn cilio i’r bola, ac y bwrir ef allan i’r gaudŷ?

¹⁸Eithr y pethau a ddeuant allan o’r genau sy yn dyfod o’r galon, a hwynt hwy a halogant ddŷn.

¹⁹Canys o’r galon y mae meddyliau drwg yn dyfod, llofruddiaeth, tor-priodas, godinebu, lledrat, cam destiolaeth, cabledd.

²⁰Dymma y pethau sy yn halogi dŷn, eithr bwytta â dwylo heb olchi ni haloga ddŷn.

²¹[19]A’r Iesu a aeth oddi yno, ac a giliodd i dueddau Tyrus a Sidon.

²²Ac wele, gwraig o Canaan a ddaeth o’r parthau hynny, ac a lefodd, gan ddywedyd wrtho, trugarhâ wrthif, ô Arglwydd fâb Dafydd: y mae fy merch yn ddrwg ei hwyl gan gythrael.

²³Eithr nid attebodd efe iddi vn gair, yna y daeth ei ddiscyblion atto, ac yr attolygâsant iddo, gan ddywedyd, gollwng hi ymmaith, canys y mae hi yn llefain ar ein hôl.

²⁴Ac efe a attebodd, ac a ddywedodd, ni’m danfonwyd onid at ddefaid colledic tŷ Israel.

²⁵Er hynny hi a ddaeth, ac a’i haddolodd ef, gan ddywedyd, ô Arglwydd cymmorth fi.

²⁶Ac efe a attebodd, ac a ddywedodd, nid da cymmeryd bara y plant ai fwrw i’r cenawon cŵn.

²⁷Hithe a ddywedodd, gwîr yw ô Arglwydd, er hynny y mae’r cenawon cŵn yn bwytta’r briwsion a syrth oddi ar fwrdd eu harglwyddi.

²⁸Yna yr attebodd yr Iesu, ac a ddywedodd wrthi, ha wraig mawr yw dy ffydd, bydded i ti fel yr wyt yn ewyllysio: a’i merch a iachawyd yn yr awr honno.

²⁹A’r Iesu gan fyned oddi yno, a ddaeth ger llaw môr Galilæa, ac efe a escynnodd i’r mynydd, ac a eisteddodd yno.

³⁰A daeth atto dorfeudd mawrion, a chanddynt gloffion, deillion, mudion, efryddion, ac eraill lawer: a hwy a’u bwriasant i lawr wrth draed yr Iesu, ac efe a’u hiachaodd hwynt.

³¹Fel y rhyfeddodd y dyrfa, wrth weled y mudion yn dywedyd, y rhai anafus yn iach, y cloffion yn rhodio, a’r deillion yn gweled: ac hwy a ogoneddâsant Dduw yr Israel.

³²Yna y galwodd yr Iesu ei ddiscyblion atto, ac a ddywedodd, yr ydwyf yn tosturio wrth y dyrfa, am iddynt aros gyd â mi er ys tri-diau bellach, ac nad oes ganddynt ddim i’w fwytta: a’u gollwng hwy ar eu cythlwng ni’s gwnaf, rhag eu llewygu ar y ffordd.

³³A’i ddiscyblion a ddywedasant wrtho, o ba le y caem ni gymmaint o fara yn y dyffaethwch, ag y diwellid tyrfa gymmaint?

³⁴A’r Iesu a ddywedodd wrthynt, pa sawl torth sydd gennych? a hwy a ddywedâsant, saith, ac ychydig byscod bychein.

³⁵Yna y gorchymynnodd efe i’r dyrfa eistedd ar y ddaiar.

³⁶A chan gymmeryd y saith dorth, a’r pyscod, a diolch, efe a’u torrodd, ac a’u rhoes iw ddiscyblion, a’r discyblion i’r dyrfa.

³⁷Ac hwy oll a fwyttasant, ac a gawsant ddigon: ac a godasant o’r briwfwyd yr hwn oedd yng-weddill saith fascedaid.

³⁸A’r rhai a fuasent yn bwytta oeddynt bedeir-mil o wŷr, heb law gwragedd a phlant.

³⁹Yna wedi iddo ollwng y dyrfa i ffordd, efe a aeth i long, ac a ddaeth i dueddau Magdala.