Read William Morgan Bible 1588 original edition Mathew 19 Bible Online

Mathew 19 - William Morgan Bible 1588 original edition bible

Mathew 19

¹Am yscariaeth, ac am rai diwair Plant yn cael dyfod at Grist. Yr ymrysymiad a fu rhwng y gwr ieuangc goludog â Christ. a’r ymrysymiad a dyfodd o hynny rhwng Crist a’i ddyscyblion. Ac wedi i’r Iesu orphen yr ymmadroddion hynny, efe a ymadawodd â Galilæa, ac a ddueddau Iudæa tu hwnt i’r Iorddonen.

²A thyrfeuydd lawer a’i dilynasant ef, ac efe a’u hiachaodd hwynt yno.

³Yna y daeth y Pharisæaid atto gan ei demtio a dywedyd wrtho, ai cyfraithlawn i ŵr yscar â’i wraig am bob achos?

⁴Ac efe a attebodd, ac a ddywedodd wrthynt, oni ddarllennasoch, i’r hwn a’u gwnaeth o’r dechrau, eu gwneuthur yn wrryw a benyw?

⁵Ac efe a ddywedodd, o blegit hynny y gâd dŷn dâd a mam, ac y glŷn wrth ei wraig, a’r ddau fyddant vn cnawd.

⁶Ac felly nid ydynt mwy yn ddau, onid yn vn cnawd, am hynny nac yscared dŷn yr hyn a gysylltodd Duw.

⁷Hwythau a ddywedâsant wrtho, pa ham gan hynny y gorchymynnodd Moses roddi llythyr yscar, a’i gollwng hi ymmaith?

⁸Yntef a ddywedodd wrthynt, Moses o herwydd caledrwydd eich calonnau a oddefodd i chwi yscar â’ch gwragedd: eithr o’r dechreu nid felly yr oedd.

⁹Ac meddaf i chwi, pwy bynnac a wrthodo ei wraig, onid am odineb, a phriodi vn arall, ei fôd yn torri priodas, a bôd pwy bynnac a briodo yr hon a yscarwyd, yn torri priodas.

¹⁰[Yna] y dywedodd ei ddyscyblion wrtho, os felly y mae’r matter rhwng gŵr a gwraig, nid da gwreica.

¹¹Ac efe a ddywedodd wrthynt, nid yw pawb yn derbyn y gair hwn, onid y rhai y rhoddwyd iddynt.

¹²Canys y mae rhai diweir a aned felly o groth [eu] mam: ac y mae rhai diweir a wnaeth dynion yn rai diweir, ac y mae rhai diweir y rhai a’u gwnaethant eu hun yn ddiweir er mwyn teyrnas nefoedd: y neb a ddichon ei dderbyn [hyn,] derbynied.

¹³Yna y dygpwyd atto blant, fel y rhodde ei ddwylo arnynt, ac y gweddie: a’r discyblion a’u ceryddodd hwynt.

¹⁴A’r Iesu a ddywedodd, gadewch i blant, ac na waherddwch iddynt ddyfod attafi: canys i’r cyfryw rai y mae teyrnas nefoedd.

¹⁵Ac wedi iddo roddi ei ddwylo arnynt, efe a aeth ymmaith oddi yno.

¹⁶Ac wele vn a ddaeth, ac a ddywedodd wrtho, Athro da, pa beth da a wnaf, fel y caffwyf fywyd tragywyddol?

¹⁷Yntef a ddywedodd wrtho, pa ham y gelwi fi yn dda? nid da neb ond vn, sef Duw: ond os ewyllysi fyned i mewn i’r bywyd, cadw’r gorchymynnion.

¹⁸Efe a ddywedodd wrtho yntef, pa rai? a’r Iesu a ddywedodd, y rhai hyn, na ladd, na thor briodas, na ledrata, na ddwg gam destiolaeth.

¹⁹Anrhydedda dy Dâd a’th fam: a châr dy gymydog fel ty hun.

²⁰Y gŵr ieuangc a ddywedodd wrtho, mi a gedwais hyn oll o’m hieuengtid, beth sydd yn eisieu i mi etto?

²¹Yr Iesu a ddywedodd wrtho, os ewyllysi fôd yn berffaith, dos, gwerth yr hyn sydd gennit, a dyro i’r tlodion, a thi a gei dryssor yn y nefoedd: a thyret dilyn fi.

²²A phan glybu y gŵr ieuangc yr ymmadrodd hyn, efe a aeth i ffordd yn drist: canys yr oedd yn berchen da lawer.

²³Yna y dywedodd yr Iesu wrth ei ddiscyblion, yn wîr y dywedaf i chwi, mai yn anhawdd yr aiff y goludog i deyrnas nefoedd.

²⁴A thrachefn meddaf i chwi, haws yw i gamel fyned trwy grau y nodwydd ddur, nag i oludog fyned i mewn i deyrnas nef.

²⁵A phan glybu ei ddiscyblion ef hyn, synnu a wnaethant yn aruthr, gan ddywedyd, pwy gan hynny a all fôd yn gadwedic?

²⁶A’r Iesu a edrychodd arnynt, ac a ddywedodd wrthynt, gyd â dynion amhossibl yw hyn, ond gyd â Duw pob peth sydd yn bossibl.

²⁷[23]Yna Petr a attebodd, ac a ddywedodd wrtho, wele nyni a adawsom bob peth, ac a’th ddilynasom di: beth gan hynny a fydd i ni?

²⁸A’r Iesu a ddywedodd wrthynt, yn wîr meddaf i chwi pan eisteddo Mâb y dŷn ar orsedd ei ogoniant, chwychwi y rhai a’m dilynasoch i yn yr adenedigaeth, îe, chwychwi a eisteddwch ar ddeuddec gorsedd, ac a fernwch ddeuddec-llwyth Israel.

²⁹A phwy bynnac a wrthodo dai, neu frodyr neu chwiorydd, neu dâd, neu fam, neu wraig, neu blant, neu diroedd, er mwyn fy enw i, efe a dderbyn y cant cymmaint, a bywyd tragywyddol a etifedda efe.

³⁰Ond llawer o’r rhai blaenaf a fyddant yn olaf, a’r rhai olaf yn flaenaf.