Read William Morgan Bible 1588 original edition Mathew 23 Bible Online

Mathew 23 - William Morgan Bible 1588 original edition bible

Mathew 23

¹Crist yn dangos awdurdod a buchedd y Pharisæaid. Yn dyscu gostyngeiddrwydd. Crist yn cyhoeddi gwae i’r Pharisæaid a’r scrifennyddion am eu hamryw amryfusedd a’u rhagrith. Crist yn cwyno i Ierusalem ei hanwybodaeth a’i dinistr. Yna y dywedodd yr Iesu wrth y bobl a’i ddiscyblion,

²Gan ddywedyd, yng-hadair Moses y mae yr scrifennyddion a’r Pharisæaid yn eistedd.

³Yr hyn oll gan hynny a ddywedant wrthych am eu cadw, cedwch a gwnewch: eithr ar ôl eu gweithredoedd na wnewch, canys y maent yn dywedyd, ac heb wneuthur.

⁴O blegit y maent yn rhwymo beichiau trymmion, ac anhawdd eu dwyn, ac yn eu gosod ar yscwyddau dynion: ac hwy eu hunain ni syflant hwynt ag vn o’u bysedd.

⁵Y maent yn gwneuthur eu holl weithredoedd iw gweled o ddynion: canys y maent yn gwneuthur yn llydan eu Phylacterau, ac yn gwneuthur ymylwaith eu gwiscoedd yn fawr.

⁶Caru y maent y lle vchaf mewn gwleddoedd, a’r prif eisteddleoedd mewn cymmanfâu,

⁷A chyfarch yn y marchnadoedd, a’u galw gan ddynion, Rabbi, Rabbi.

⁸Eithr na’ch galwer chwi Rabbi: canys vn yw eich Athro, Crist: chwithau oll brodyr ydych.

⁹Ac na elwch nêb yn dâd i chwi ar y ddaiar: canys vn Tâd sydd i chwi, yr hwn [sydd] yn y nefoedd.

¹⁰Ac na’ch galwer yn athrawon: canys vn yw eich athro Athro chwi, [sef] Crist.

¹¹A’r mwyaf yn eich plith, bydded yn weinidog i chwi.

¹²A phwy bynnac a ymdderchaf a ostyngir: a phwy bynnac a ymostyngo a dderchefir.

¹³Eithr gwae chwi scrifennyddion, a Pharisæaid ragrith-wŷr canys yr ydych yn cau teyrnas nefoedd o flaen dynion: canys chwi nid ydych yn myned i mewn, ac nid ydych yn gadel i’r rhai a aent i mewn, fyned i mewn.

¹⁴Gwae chwi scrifennyddion a Pharisæaid ragrithwŷr canys yr ydych yn difa tai y gwragedd gweddwon, a [hynny] yn rhith hir weddio, am hynny y derbyniwch farn fwy.

¹⁵Gwae chwi scrifennyddion a Pharisæaid ragrith-wŷr, canys amgylchu yr ydych y Môr a’r tîr i wneuthur vn proselit: ac wedi y gwneler, yr ydych yn ei wneuthur ef yn fâb vffern yn ddau mwy nâ chwi eich hunain.

¹⁶Gwae chwi dywysogion deillion, y rhai ydych yn dywedyd, pwy bynnac a dwng i’r Deml nid yw ddim: ond pwy bynnac a dwng i aur y Deml y mae efe mewn dylêd.

¹⁷Chwychwi ffyliaid a deillion, pa vn fwyaf ai’r aur, ai’r Deml sydd yn sancteiddio’r aur?

¹⁸A phwy bynnac a dwng i’r allor, nid yw ddim: ond pwy bynnac a dyngo i’r offrwm yr hwn sydd arni, y mae efe mewn dylêd.

¹⁹Chwi ffyliaid a deillion, pwy vn fwyaf ai’r offrwm, ai’r allor yr hon sydd yn sancteiddio’r offrwm?

²⁰Pwy bynnac gan hynny a dwng i’r allor, sydd yn tyngu iddi i’r hyn oll sydd arni.

²¹A phwy bynnac a dwng i’r Deml, sydd yn tyngu iddi, ac i’r hwn sydd yn presswylio ynddi:

²²A’r hwn a dwng i’r nefoedd, sydd yn tyngu i orsedd-faingc Duw, ac i’r hwn sydd yn eistedd arni.

²³Gwae chwi scrifennyddion a Pharisæaid ragrithwŷr, canys yr ydych yn degymmu y mintys, a’r anys, a’r cwmin, ac yn gadel pethau trymmach o’r gyfraith, sef barn, a thrugaredd, a ffyddlondeb, y pethau hyn sy raid eu gwneuthur, ac na adawer y lleill.

²⁴Chwychwi dywysogion deillion, y rhai ydych yn hidlo gŵybedyn, ac yn llyngcu camel.

²⁵Gwae chwi scrifennyddion a Pharisæaid rhagrithwŷr: canys yr ydych yn glanhau y tu allan i’r cwppan a’r ddyscl, ac o’r tu mewn y maent in llawn yspail a gormodedd.

²⁶Tydi Pearisæad dall, glanhâ yn gyntaf y tu mewn i’r cwppan a’r ddyscl, fel y byddo y tu allan yn lân hefyd.

²⁷Gwae chwi scrifennyddion a Pharisæaid ragrith-wŷr: canys tebyg ydych chwi i feddau wedi eu gwyn-galchu, y rhai a welir yn brydferth oddi allan, ond oddi mewn ydynt yn llawn o escyrn y meirw, a phôb aflendid.

²⁸Ac felly yr ydych chwithau: oddi allan yr ydych yn ymddangos i ddynion yn gyfiawn, ac o fewn yr ydych yn llawn rhagrith, ac anwiredd.

²⁹Gwae chwi scrifennyddion a Pharisæaid rhagrith-wŷr: canys yr ydych yn adailadu beddau’r prophwydi, ac yn addurno beddau y rhai cyfiawn,

³⁰Ac yr ydych yn dywedyd, pe buasem ni yn nyddiau ein tadau, ni buasem ni gyfrannogion â hwynt o waed y prophwydi.

³¹Ac felly yr ydych yn testiolaethu am danoch eich hunain, eich bod yn blant i’r rhai a laddasant y prophwydi.

³²Cyflawnwch chwithau hefyd fesur eich tadau.

³³Oh seirph, hiliogaeth gwiberod, pa fodd y gellwch ddiangc rhag barn vffern?

³⁴Am hynny [30]Wele, yr ydwyf yn anfon attoch brophwydi, a doethion, ac scrifennyddion, a rhai o honynt a leddwch, ac a groes-hoeliwch, a rhai o honynt a ffrewyllwch yn eich Synagogau, ac a erlidiwch o dref i dref.

³⁵Fel y del arnoch chwi yr holl waed gwirion a’r a ollyngwyd ar y ddaiar, o waed Abel gyfiawn, hyd waed Zacharias fâb Barachias yr hwn a laddasoch rhwng y deml a’r allor.

³⁶Yn wir meddaf i chwi, daw hyn oll ar yr oes hon.

³⁷Ierusalem, Ierusalem, yr hon wyt yn lladd y prophwydi, ac yn llabyddio y rhai a ddanfonir attat, pa sawl gwaith y mynnaswn gasclu dy blant yng-hŷd, megis y cascl yr iâr ei chywion tann ei hadenydd, ac ni’s mynnech.

³⁸Wele yr ydys yn gadel eich tŷ chwi yn anghyfannedd.

³⁹Canys meddaf i chwi, ni’m gwelwch yn ôl hyn, hyd oni ddywedoch, bendigedic yw’r hwn sydd yn dyfod yn enw yr Arglwydd.