Read William Morgan Bible 1588 original edition Mathew 3 Bible Online

Mathew 3 - William Morgan Bible 1588 original edition bible

Mathew 3

¹1 Pregeth Ioan, a’i swydd, a’i fuchedd, a’i fedydd; 7 y mae yn ceryddu y Pharisæaid, 13 ac yn bedyddio Crist yn yr Iorddonen. Ac yn y dyddiau hynny y daeth Ioan Fedyddiwr gan bregethu yn niffaethwch Iudæa,

²A chan ddywedyd, edifarhewch, canys daeth teyrnas nefoedd yn agos.

³Oblegid hwn yw efe, yr hwn y dywedwyd am dano trwy y prophwyd Esaias, gan ddywedyd, llef vn yn llefain yn y diffaethwch, paratoiwch ffordd yr Arglwydd, iniawnwch ei lwybrau ef.

⁴A’r Ioan hwnnw oedd a’i ddillad o flew camel, a gwregis o groen yng-hylch ei lwynau: a’i fwyd oedd locustiaid, a mêl gwyllt.

⁵Yna yr aeth allan atto ef Ierusalem ac holl Iudæa, â’r holl wlâd oddi amgylch yr Iorddonen.

⁶Ac hwy a fedyddiwyd ganddo ef yn yr Iorddonen, gan gyffessu eu pechodau.

⁷A phan welodd efe lawer o’r Pharisæaid ac o’r Saducæaid yn dyfod iw fedydd ef, efe a ddywedodd wrthynt hwy: ô genhedlaeth gwiberod, pwy a’ch racrybuddiodd i ffoi rhag y llid a fydd?

⁸Am hynny dygwch ffrwythau addas i edifeirwch.

⁹Ac na feddyliwch ddywedyd ynoch eich hunain, y mae genym ni Abraham yn dad: canys yr ydwyf yn dywedyd i chwi, y dichon Duw o’r meini hyn gyfodi i fynu blant i Abraham.

¹⁰Ac yr awr hon gosodwyd y fwyall ar wreiddin y prennau: pob pren yr hwn ni ddwg ffrwyth da a dorrir i lawr, ac a deflir i’r tân.

¹¹Myfi yn ddiau ydwyf yn eich bedyddio chwi â dwfr i edifeirwch, eithr yr hwn a ddaw ar fy ôl i sydd gadarnach nâ myfi, escidiau yr hwn nid ydwyf deilwng iw dwyn, efe a’ch bedyddia â’r Ysbryd glân; ac â thân.

¹²Yr hwn [y mae] ei wyntill yn ei law, ac efe a lwyr lanhâ ei lawr dyrnu, ac a gascl ei wenith iw yscubor, eithr yr vs a lysc efe â thân anniffoddadwy.

¹³Yna y daeth yr Iesu o Galilæa i’r Iorddonen at Ioan iw fedyddio ganddo.

¹⁴Eithr Ioan a orafunodd iddo ef, gan ddywedyd, y mae arnaf eisieu fy medyddio gennit ti, ac a ddeui di attafi?

¹⁵Yna yr Iesu gan atteb a ddywedodd wrtho ef, gâd yr awr hon, canys fel hyn y gwedde i ni gyflawni pob cyfiawnder: yna efe a adawodd iddo ef.

¹⁶A’r Iesu wedi ei fedyddio a ddaeth yn y fan i fynu o’r dwfr, ac wele y nefoedd a agorwyd iddo, ac [Ioan] a welodd Ysbryd Duw yn descyn fel colomen, ac yn dyfod arno ef.

¹⁷Ac wele lef o’r nefoedd yn dywedyd, hwn yw fŷ annwyl Fab yn yr hwn i’m bodlonwyd.