Read William Morgan Bible 1588 original edition Mathew 4 Bible Online

Mathew 4 - William Morgan Bible 1588 original edition bible

Mathew 4

¹Crist yn ymprydio, yn cael ei demptio, 4 Ac yn gorchfygu diafol â’r scrythyrau. 11 Yr Angelion yn gwasanaethu iddo. 12 Efe yn dechreu pregethu edifeirwch. 18 Yn galw Petr, Andreas, Iaco, ac Ioan. 23 Yn pregethu yr Efengyl, ac yn iachau’r holl gleifion. [4] Yna yr arweinwyd yr Iesu i’r anialwch drwy yr yspryd iw demptio gan ddiafol.

²Ac wedi iddo ymprydio ddeugain nhiwrnod a deugain nôs, yn ôl hynny efe a newynodd.

³Yna y daeth y temptiwr atto ef, ac a ddywedodd, os ti yw Mâb Duw, arch i’r cerric hyn fod yn fara.

⁴Ac yntef a attebodd ac a ddywedodd, y mae yn scrifennedic, nid trwy fara yn vnig y bydd byw dŷn, ond trwy bob gair a ddaw o enau Duw.

⁵Yna y cymmerth diafol ef i’r ddinas sanctaidd, ac a’i gosodes ef ar binacl y deml,

⁶Ac a ddywedodd wrtho, os Mab Duw wyt, bwrw dy hun i lawr: canys scrifennedic yw, y rhydd efe orchymyn iw angelion am danat, ac hwy a’th ddygant yn eu dwylo, rhag taro o honot dy droed wrth garreg.

⁷Yr Iesu a ddywedodd wrtho, y mae yn scrifennedic trachefn, na themptia’r Arglwydd dy Dduw.

⁸Trachefn y cymmerth diafol ef i fynydd tra vchel, ac a ddangosodd iddo holl deyrnasoedd y byd, a’u gogoniant,

⁹Ac a ddywedodd wrtho, hyn oll a roddaf i ti, os syrthi i lawr a’m haddoli i.

¹⁰Yna y dywedodd’r Iesu wrtho, ymmaith Satan: canys scrifennedic yw, yr Arglwydd dy Dduw a addoli, ac ef yn vnig a wasanaethi.

¹¹Yna y gadawodd diafol ef, ac wele angelion a ddaethant, ac a weinasant iddo ef.

¹²A phan glybu’r Iesu draddodi Ioan, efe a ddychwelodd i Galilæa,

¹³A chan ado Nazareth, efe a aeth, ac a arhosodd yn Capernaum yr hon sydd wrth y môr yng-hyffiniau Zabulon a Nephthalim:

¹⁴Fel y cyflawnid yr hyn a ddywetpwyd trwy Esaias y prophwyd, gan ddywedyd,

¹⁵Tir Zabulon a thir Nephthalim [wrth] ffordd y môr o’r tu hwnt i’r Iorddonen, Galilæa y cenhedloedd:

¹⁶Y bobl oedd yn eistedd mewn tywyllwch a welodd oleuni mawr: ac i’r rhai a eisteddent ym mro a chyscod angeu, y cyfododd goleuni.

¹⁷O’r pryd hynny y dechreuodd yr Iesu bregethu, a dywedyd, edifarhewch o herwydd teyrnas nefoedd a nessaodd.

¹⁸[5] Fel yr oedd yr Iesu yn rhodio wrth fôr Galilæa, efe a ganfu ddau frodyr, Simon yr hwn a elwir Petr, ac Andreas ei frawd yn bwrw rhwyd i’r môr, (canys pyscod-wŷr oeddynt)

¹⁹Ac efe a ddywedodd wrthynt, deuwch ar fy ôl i, ac mi a’ch gwnaf yn byscod-wŷr dynion.

²⁰Ac hwy yn y fan, gan adel y rhwydau a’i dilynasant ef.

²¹Ac wedi ei fyned ef oddi yno, efe a welodd ddau frodyr eraill, Iaco [fab] Zebedeus, ac Ioan ei frawd mewn llong gyd â Zebedeus eu tad, yn cyweirio eu rhwydau, ac a’u galwodd hwy.

²²Ac hwy yn ebrwydd gan adel y llong a’u tâd a’i canlynasant ef.

²³Ac yna’r aeth yr Iesu o amgylch holl Galilæa gan ddyscu yn eu synagogau, a phregethu Efengyl y deyrnas, ac iachau pob clefyd, a phob afiechyd ym mhlith y bobl.

²⁴Ac aeth sôn am dano ef trwy holl [wlâd] Syria: a hwy a ddugasant atto yr holl rai drwg eu hwyl o amryw glefydau, ac wedi eu nychu gan gnofeudd, a’r rhai cythreulic, â’r rhai lloeric, a’r sawl oeddynt a’r parlys arnynt, ac efe a’u hiachaodd hwynt.

²⁵A thyrfa fawr ai canlynodd ef o Galilæa, a Decapolis, ac o Ierusalem, ac o Iudæa, ac o’r gwledydd o’r tu hwnt i’r Iorddonen.