Read William Morgan Bible 1588 original edition Mathew 7 Bible Online

Mathew 7 - William Morgan Bible 1588 original edition bible

Mathew 7

¹1 Crist yn gwahardd barn ehud 6 a bwrw pethau sanctaidd i gwn. 13 Am y porth cyfyng, a’r vn ehang. 15 Am y gau brophwydi. 18 Y pren a’i ffrwyth. 24 Am y ty ar y graig, a’r ty ar y tyfod. Na fernwch, fel na’ch barner.

²Canys â pha farn y barnoch, i’ch bernir: ac â pha fesur y mesuroch, y mesurir i chwithau trachefn.

³A pha ham y gweli di y brycheun sydd yn llygad dy frawd, ac na ddealli di y trawst sydd yn dy lygad dy hun?

⁴Neu pa fodd y dywedi wrth dy frawd, gâd ti i mi fwrw allan y brycheun o’th lygad, ac wele drawst yn dy lygad dy hun?

⁵Oh ragrithiwr, bwrw allan yn gyntaf y trawst o’th lygad dy hun, ac yna y canfyddi fwrw allan y brycheun o lygad dy frawd.

⁶Na roddwch y peth sydd sanctaidd i gŵn, ac na theflwch eich gemmau o flaen môch, rhag iddynt eu sathru dan draed, a throi trachefn a’ch llarpio chwi.

⁷Gofynnwch, a rhoddir i chwi, ceisiwch, ac chwi a gewch: curwch, ac fe agorir i chwi:

⁸Canys pwy bynnac a ofynno, a dderbyn: a’r neb a gais a gaiff: ac i hwn a guro’r agorir.

⁹Neu a oes vn dŷn o honoch yr hwn os gofyn ei fab iddo fara, a rydd iddo gareg?

¹⁰Neu os gofyn efe byscodyn, a ddyry efe sarph iddo?

¹¹Os chwy-chwi gan hynny, a chwi yn ddrwg, a fedrwch roddi rhoddion da i’ch plant, pa faint mwy y rhydd eich Tad yr hwn sydd yn y nefoedd bethau da i’r rhai a ofynnant iddo?

¹²Am hynny, beth bynnac a ewyllysioch ei wneuthur o ddynion i chwi, felly gwnewch chwithau iddynt hwy: canys hyn yw’r gyfraith a’r prophwydi.

¹³Ewch i mewn trwy’r porth cyfyng: canys ehang [yw]’r porth, a llydan [yw] y ffordd sydd yn arwain i ddestryw, a llaweroedd ydynt yn myned i mewn yno.

¹⁴O blegit cyfyng [yw’r] porth, a chûl yw’r ffordd yr hon sydd yn arwain i’r bywyd, ac ychydig sydd yn ei chael hi,

¹⁵[10]Ymogelwch rhag y gau brophwydi, y rhai a ddeuant attoch yng-wiscoedd defaid, onid oddi mewn bleiddiaid rheupus ydynt hwy.

¹⁶Wrth eu ffrwyth yr adnabyddwch hwynt: a gesclir grawn-win oddi ar ddrain, neu ffigus oddi ar yscall?

¹⁷Felly pob pren da a ddwg ffrwyth da, a phren drwg ffrwyth drwg.

¹⁸Ni ddichon pren da ddwyn ffrwythau drwg, na phren pwdr ddwyn ffrwythau da.

¹⁹Pob pren heb ddwyn ffrwyth da, a dorrir i lawr, ac a deflir i’r tân.

²⁰O herwydd pa ham, wrth eu ffrwyth yr adnabyddwch hwynt.

²¹Nid pwy bynnac a ddywed wrthif, Arglwydd Arglwydd, a ddaw i deyrnas nefoedd, ond yr hwn a wna ewyllys fy Nhâd yr hwn [sydd] yn y nefoedd.

²²Llaweroedd a ddywedant wrthif yn y dydd hwnnw, Arglwydd, Arglwydd, oni phrophwydasom yn dy enw di, ac oni fwriasom allan gythreuliaid yn dy enw di, ac oni wnaethom weithredoedd mawrion trwy dy enw di?

²³Ac yna yr addefaf iddynt, ni’s adnabum chwi er ioed, ewch ymmaith oddi wrthif, ô weithred-wŷr anwiredd.

²⁴Pwy bynnac gan hynny a glywo gennif y geiriau hyn, ac a’u gwna, mi ai cyffelybaf ef i ŵr doeth, yr hwn a adailadodd ei dŷ ar graig:

²⁵A’r glaw a ddescynnodd, a’r llifeiriaint a ddaethant, a’r gwyntoedd a chwythasant, ac a ruthrasant ar y tŷ hwnnw, ac ni syrthiodd, am ei sylfaenu ar graig.

²⁶A Ond pwy bynnac a glywo fyng-eiriau hyn, ac ni’s gwna, a gyffelybir i ŵr ffôl, yr hwn a adailadodd ei dŷ ar dywod,

²⁷A’r glaw a ddescynnodd, a’r llif-ddyfroedd a ddaethant, a’r gwyntoedd a chwythasant, ac a gurasant y tŷ hwnnw, ac efe a syrthiodd, a’i gwymp a fu fawr.

²⁸Ac fe ddarfu wedi i’r Iesu orphen y geiriau hyn, synnu ar y dyrfa gan ei ddysc ef.

²⁹Canys yr oedd efe yn eu dyscu hwynt fel vn ag awdurdod ganddo, ac nid fel yr scrifennyddion.