Read William Morgan Bible 1588 original edition Marc 13 Bible Online

Marc 13 - William Morgan Bible 1588 original edition bible

Marc 13

¹Crist yn dangos y difethid Ierusalem, 9 yr erlidid y ffyddloniaid, 22 y deue gau athrawon, 24 pa arwyddion fyddant o flaen dydd farn, 32 na wyr neb yr awr, 35 a y dylem ni am hynny wilied bob amser. Ac fel yr aethd efe allan o’r Deml, dywedodd vn o’i ddiscyblion wrtho: Athro, edrych pa ryw feini, a pha fath adeilad [yw hon.]

²A’r Iesu a attebodd, ac a ddywedodd wrtho, a weli di’r adeilad fawr ymma? ni edir maen ar faen a’r ni’s gwascerir.

³Ac fel yr oedd efe yn eistedd ar fynydd Olewydd, gyferbyn a’r Deml, Petr, ac Iaco, ac Ioan, ac Andreas a ofynnasant iddo yn ddirgel,

⁴Dywet i ni, pa bryd y bydd y pethau hyn? a pha arwydd fydd pan orphenner y pethau hyn oll?

⁵A’r Iesu a attebodd iddynt, ac a ddechreuodd ddywedyd, edrychwch rhag twyllo o neb chwi:

⁶Canys llawer a ddeuant yn fy enw i, gan ddywedyd, myfi yw [Crist:] ac a dwyllant lawer.

⁷Pan glywoch hefyd am ryfeloedd a sôn am ryfeloedd, nac ofnwch: canys rhaid i hynny fod, ac etto ni [bydd] y diwedd.

⁸Canys cenedl a gyfyd yn erbyn cenedl, a theyrnas yn erbyn teyrnas, a daiar-grynfâu fyddant mewn amryw leoedd, a drudaniaeth a thrallod fyddant.

⁹Dechreuad blinder yw hyn: eithr disgwiliwch chwi arnoch eich hunain: canys hwynt hwy a’ch traddodant i’r cyngor, ac i’r synagogau, chwi a faeddir, ac a ddygir ger bron rhaglawiaid a brenhinoedd o’m hachos i, er testiolaeth iddynt hwy.

¹⁰Ac y mae yn rhaid yn gyntaf pregethu’r Efengyl ym mysc pob cenhedlaeth.

¹¹Pan ddygant chwi a’ch traddodi, na ragofelwch, ac na ragfyfyriwch beth a ddywetoch eithr pa beth bynnac a rodder i chwi yn yr awr honno, hynny dywedwch: canys nid chwy-chwi sy yn dywedyd, onid yr Yspryd glân.

¹²A’r brawd a ddyry’r brawd i farwolaeth, a’r tâd y mab, a’r plant a gyfodant yn erbyn eu rhieni, ac a barant eu rhoi iw marwolaeth.

¹³A chwi a fyddwch gâs gan bawb er mwyn fy enw i: eithr y neb a barhâo hyd y diwedd fydd cadwedig.

¹⁴Pan weloch chwi y ffieidd-dra anrheithiol, yr hwn a ddywedpwyd gan Ddaniel y prophwyd, wedi ei osod lle ni’s dylid (y neb a ddarllenno dealled) yna y rhai fyddant yn Iudæa ciliant i’r mynyddoedd.

¹⁵A’r neb fyddo ar ben y tŷ na ddescynned i’r tŷ, ac nac aed i mewn i gymmeryd dim o’i dŷ.

¹⁶A’r neb a fyddo yn y maes na throed trach ei gefn yn ei ôl, i gymmeryd ei wisc.

¹⁷Gwae y rhai fyddant beichiogion a’r mamaethod yn y dyddiau hynny.

¹⁸Gweddiwch na byddo eich ffoedigaeth yn y gaiaf.

¹⁹Canys yn y dyddiau hynny a fyddant [y fath] orthrymder ni bu’r cyfryw o ddechreuad y creaduriaid a greodd Duw hyd y pryd hwn, ac ni bydd.

²⁰Ac oni bydde i’r Arglwydd fyrhau’r dyddiau hynny, pob cnawd a gyfergollid: eithr er mwyn ei etholedigion y rhai a etholodd efe, y byrhaodd efe y dyddiau hynny.

²¹Ac yna os dywed neb wrthych, wele Crist ymma, neu wele accw, na chredwch.

²²Canys gau gristiau, a gau brophwydi a gyfodant, ac a ddangosant arwyddion a rhyfeddodau i dwyllo ie pe gellid yr etholedigion.

²³Eithr ymogelwch chwi, wele dywedais i chwi’r cwbl oll.

²⁴A hefyd yn y dyddiau hynny, wedi ’r gorthrymder hwnnw y tywylla’r haul, a’r lloer ni rydd ei goleuni.

²⁵A sêr y nef a syrthiant, a’r nerthoedd y rhai ydynt yn y nefoedd a symmudir.

²⁶Ac yna y gwelant Fab y dŷn yn dyfod yn y cwmylau, â gallu mawr a gogoniant.

²⁷Ac yna yr enfyn efe ei angelion, ac y cynnull ei etholedigion oddi wrth y pedwar gwynt, o eithafoedd y ddaiar hyd eithafoedd y nef.

²⁸Gan y ffigus-bren, dyscwch gyffelybiaeth: pan fyddo ei gangen ef yn dyner, ac yn blaguro dail, chwi a ŵyddoch fod yr haf yn agos:

²⁹Felly chwithau, pan weloch y pethau hyn wedi dyfod, gwybyddwch fod [teyrnas Dduw] yn agos wrth y drws.

³⁰Yn wîr yr wyf yn dywedyd i chwi nad aiff yr oes hon heibio, hyd oni wneler y pethau hyn oll.

³¹Nef a daiar a ânt heibio, ond fyng-eiriau maufi nid ânt heibio.

³²Eithr am y dydd hwnnw a’r awr, ni ŵyr neb, na’r angelion y rhai ydynt yn y nef, na’r Mab, ond y Tâd.

³³Ymogelwch, gwiliwch a gweddiwch, canys ni ŵyddoch pa bryd y bydd yr amser.

³⁴[Canys Mab y dyn sydd] fel gŵr yn ymdaith i bell, ac yn gadel ei dŷ, ac yn rhoi awdurdod iw weision, ac i bob vn ei waith, ac yn gorchymyn i’r porthor wilio.

³⁵Gwiliwch am hynny (gan na ŵyddoch pa bryd y daw meistr y tŷ, yn yr hŵyr, ai hanner nos, ai ar ganiad y ceiliog, ai’r boreu-ddydd.

³⁶Rhag pan ddel efe yn ddisymmwth, eich cael o honaw yn cyscu.

³⁷A’r hyn yr wyf yn eu dywedyd wrthychwi, yr wyf yn eu dywedyd wrth bawb, Gwiliwch.