Read William Morgan Bible 1588 original edition Marc 16 Bible Online

Marc 16 - William Morgan Bible 1588 original edition bible

Marc 16

¹Angel Duw yn dywedyd i’r gwragedd gyfodi Crist ac yr ae efe i Galilæa, 9 yntef yn ymddangos i Mair Magdalen, 12 ac i ddau eraill, 14 yna i’r vn a’r ddec, 15 ac wedi iddo roddi iddynt awdurdod i bregethu, a bedyddio a gwneuthur gwrthiau yn escyn i’r nefoedd. Ac wedi darfod y dydd Sabboth, Mair Magdalen a Mair [mam] Iaco, a Salome a brynasant ber-aroglau i ddyfod iw eneinio ef.

²Felly yn foreu iawn y dydd cyntaf o’r wythnos y daethant at y bedd, a’r haul wedi codi,

³Ac hwy a ddywedasant wrth ei gilydd, pwy a dreigla i ni y maen ddrws y bedd?

⁴A phan edrychasant, hwynt hwy a ganfuant fod y maen wedi ei dreiglo (canys yr oedd efe yn fawr iawn)

⁵Ac wedi iddynt fyned i mewn i’r bedd hwynt hwy a welsant fab ieuangc yn eistedd o’r tu dehau wedi ei ddilladu â gwisc gannaid, ac a ofnasant.

⁶Ac efe a ddywedodd wrthynt, nac ofnwch, ceisio yr ydych yr Iesu o Nazareth, yr hwn a groes-hoeliwyd, efe a gyfodes, nid yw efe ymma, wele’r man y dodasant ef.

⁷Eithr ewch ymmaith, dywedwch iw ddiscyblion ef, ac i Petr, ei fod efe yn myned o’ch blaen i Galilæa, yno y cewch ei weled ef, fel y dywedodd i chwi.

⁸Yna’r aethant ar frwst, ac a ffoesant oddi wrth y bedd: canys dychryn a syndod oedd arnynt, ac ni ddywedasant ddim wrth neb am eu bod wedi ofni,

⁹Pan adgyfododd yr Iesu y boreu y dydd cyntaf o’r ŵythnos, efe a ymddangosodd yn gyntaf i Mair Magdalen, o’r hon y bwriase efe allan saith gythrael.

¹⁰Hithe a aeth, ac a fynegodd i’r rhai a fuasent gyd ag ef, ac oeddynt mewn galar ac wylofain.

¹¹Eithr hwynt pan glywsant ei fod efe yn fyw, ac iddi ei weled ef, ni chredent.

¹²Wedi hynny yr ymddangosodd efe mewn gwedd arall i ddau o honynt yn ymdaithio, y rhai oedynt yn myned i’r wlâd.

¹³Ac hwynt hwy a aethant, ac a fynegasant i’r lleill, ac ni chredent hwy.

¹⁴[5]Yn ôl hynny efe a ymddangosodd i’r vn ar ddec, a hwynt yn cyd-eistedd, ac a ddannododd iddynt eu anghreduniaeth, a’u calon galedwch, am na chredent y rhai a’i gwelsent ef wedi adgyfodi.

¹⁵Ac efe a ddywedodd wrthynt: ewch i’r holl fyd, a phregethwch yr Efengyl i bob creadur,

¹⁶Y neb a gredo, ac a fedyddier a fydd cadwedig, eithr y neb ni chredo a gondemnir.

¹⁷A’r arwyddion hyn a ganlynant y rhai a gredant: yn fy enw i y bwriant allan gythreuliaid, a llefarant â thafodau newyddion.

¹⁸Seirph a godant hwy ymmaith, ac os yfant ddim marwol, ni wna iddynt niwed, ar y cleifion y rhoddant eu dwylo, ac hwynt hwy a fyddant iach.

¹⁹Wedi darfod i’r Arglwydd lefaru wrthynt, cymmerwyd ef i fynu i’r nef, ac a efe a eisteddodd ar ddeheu-law Duw.

²⁰A hwynt a aethant allan, ac a bregethasant ym mhob man, a’r Arglwydd yn cydweithio ac yn cadarnhau yr gair trwy arwyddion y rhai oeddynt yn canlyn. Amen. Terfyn y gyssegr-lan Efengyl yn ôl S. Marc.