Read William Morgan Bible 1588 original edition Deuteronomium 11 Bible Online

Deuteronomium 11 - William Morgan Bible 1588 original edition bible

Deuteronomium 11

¹Annog i garu Duw. 18 i fyfyrrio ar ei air ef: ac i ddyscu hwnnw iw plant. 26 gwobr y rhai a wnant, neu y rhai ni wnant hyn. Car dithe’r Arglwydd dy Dduw, a chadwei gadwriaeth ef, ai ddeddfau, ai farnedigaethaû, ai orchymynnion byth.

²A chydnabyddwch heddyw nad gan eich plant (y rhai nid adnabuant, ac ni welsant) y mae athrawiaeth yr Arglwydd eich Duw chwi, ei fawredd, ei law gref, ai fraich estynnedic,

³Ei arwyddion hefyd, ai weithredoedd, y rhai a wnaeth efe yng-hanol yr Aipht, i Pharao brenin yr Aipht, ac iw holl dîr,

⁴A’r hyn a wnaeth efe i lu’r Aipht, iw feirch ef, ac iw gerbydau: y modd y gwnaeth efe i ddyfroedd y môr côch lenwi tros eu hwynebau hwynt, pan oeddynt yn ymlid ar eich ôl, ac y difethodd yr Arglwydd hwynt hyd y dydd hwn.

⁵A’r hyn a wnaeth efe i chwi yn yr anialwch nes eich dyfod i’r lle hwn:

⁶A’r hyn a wnaeth efe i Ddathan, ac i Abiram, meibion, Eliab, mab Ruben: y modd yr agorodd y ddaiar ei safn, ac ai llyngcodd hwynt, ai tai, ai pebyll, a’r holl olud’r hwn [ydoedd] ganddynt ym mysc holl Israel.

⁷Eithr eich llygaid chwi oeddynt yn gweled holl fawrion weithredoedd yr Arglwydd, y rhai a wnaeth efe.

⁸Cedwch chwithau bob gorchymyn yr hwn yr ydwyfi yn ei orchymyn heddyw, fel y cryfhaoch, ac yr eloch, ac y gorescynnoch y tîr yr hwn yr ydych yn myned trosodd iddo iw orescyn.

⁹Ac fel yr estynnoch ddyddiau ar y ddaiar yr hon a dyngodd yr Arglwydd i’ch tadau, ar ei rhoddi iddynt, ac iw hâd, [sef] tîr yn llifeirio, o laeth a mêl.

¹⁰O herwydd y tîr yr hwn yr wyf yn myned iddo iw orescyn, nid fel tîr yr Aipht y mae efe yr hwn y daethoch allan o honaw, lle’r heuaist dy hâd, ac y dwfrheaist a’th droed, fel garddlyssiau.

¹¹Ond’y tir yr hwn yr ydych yn myned trosodd iddo iw orescyn, [sydd] fynydd-dîr, a dyffryn-dir [ac] a yf ddwfr o law y nefoedd.

¹²Tîr [yw efe] yr hwn y mae’r Arglwydd dy Dduw yn ei ymgeleddu, llygaid yr Arglwydd dy Dduw [ydynt] bob amser arno, o ddechreuad y flwyddyn, hyd ddiwedd y flwyddyn hefyd.

¹³A bydd os gan wrando y gwrandewch ar fyng-orchymynnion y rhai yr ydwyf yn eu gorchymyn i chwi heddyw, gan garû’r Arglwydd eich Duw, a chan ei wasanaethu a’ch holl galon, ac a’ch holl enaid:

¹⁴Yna y rhoddaf law i’ch tîr yn ei amser, [sef] y cynnar-law, a’r diweddar-law, fel y casclech dy ŷd a’th wîn, a’th olew.

¹⁵A rhoddaf wellt-glâs yn dy faes i’th anifeiliaid, fel y bwytteich, ac i’th ddigoner.

¹⁶Gwiliwch arnoch rhac twyllo eich calon, a chilio o honoch, a gwasanaethu duwiau dieithr, ac ymgrymmu iddynt,

¹⁷Ac enynnu digllonedd yr Arglwydd i’ch erbyn, a chaeuo honaw ef y nefoedd, fel na byddo glaw, ac na roddo y ddaiar ei chnŵd, a’ch difetha yn fuan o’r tîr daionus, yr hwn y mae yr Arglwydd yn ei roddi ichwi.

¹⁸Am hynny gosodwch fyng-eiriau hyn yn eich calon, ac yn eich meddwl, a rhwymwch hwynt yn arwydd ar eich dwylo, a byddant yn rhactalau, rhwng eich llygaid.

¹⁹A dyscwch hwynt i’ch plant, gan grybwyll am danynt, pan eisteddech yn dy dŷ, a phan rodiech ar y ffordd, pan orweddech hefyd, a phan godech.

²⁰Ac scrifenna hwynt ar bŷst dy dŷ, ac ar dy byrth:

²¹Fel yr amlhao eich dyddiau chwi, a dyddiau eich plant chwi ar y ddaiar, yr hon a dyngodd yr Arglwydd wrth eich tadau am ei rhoddi [hi] iddynt, fel dyddiau y nefoedd ar y ddaiar.

²²Canys os gan gadw y cedwch yr holl orchymynion hyn, y rhai yr ydwyfi yn eu gorchymyn i chwi iw gwneuthur, gan garu yr Arglwydd eich Duw, gan rodio yn ei holl ffyrdd ef, a chan lynu wrtho ef:

²³Yna y gorescyn yr Arglwydd yr holl genhedloedd hyn, o’ch blaen chwi, a chwi a orescynnwch genhedloedd mwy a chryfach na chwi.

²⁴Pob man a’r y sathro gwadn eich troed chwi arno fydd eiddo chwi, o’r anialwch a Lybanus [ac] o’r afon [sef] afon Euphrates, hyd y môr olaf y bydd eich terfyn chwi.

²⁵Ni saif gŵr yn eich wyneb, eich arswyd a’ch ofn a rydd yr Arglwydd eich Duw ar wyneb yr holl dîr, yr hwn a sathroch arno: megis ac y llefarodd wrthych.

²⁶Wele rhoddi’r ydwyfi o’ch blaen chwi heddyw, fendith, a melldith.

²⁷Bendith, os gwrandewch ar orchymynnion yr Arglwydd eich Duw, y rhai’r ydwyfi yn [eu] gorchymyn i chwi heddyw:

²⁸A melldith, oni wrandewch ar orchymynnion yr Arglwydd eich Duw: ond cilio o honoch o’r ffordd yr hon yr ydwyfi yn ei gorchymyn i chwi heddyw: gan fyned ar ôl Duwiau dieithr, y rhai nid adnabuoch.

²⁹Bydded gan hynny pan ddygo’r Arglwydd dy Dduw di i’r tîr yr hwn yr ydwyt yn myned iddo iw orescyn, roddi o honot y fendith ar fynydd Garizim, a’r felldith ar fynydd Ebal.

³⁰Onid [yw] y rhai hyn or tu hwynt i’r Iorddonen, tua’r lle y machluda haul yn nhir y Canaanead, yr hwn sydd yn trigo yn y rhôs, ar gyfer Gilgal, ger llaw llwyn Morah?

³¹Canys myned yr ydych tros yr Iorddonen, i fyned i orescyn y tir yr hwn y mae yr Arglwydd eich Duw yn ei roddi i chwi: a chwi ai gorescynnwch ac a bresswyliwch ynddo.

³²Gwiliwch chwithau am wneuthur yr holl ddeddfau a’r barnedigaethau y rhai’r ydwyfi yn eu rhoddi o’ch blaen chwi heddyw.