Read William Morgan Bible 1588 original edition Deuteronomium 13 Bible Online

Deuteronomium 13 - William Morgan Bible 1588 original edition bible

Deuteronomium 13

¹Gau brophwydi sy raid eu gochelyd, ai cospi. Pan godo yn dy fysc di brophwyd, nen freuddwydudd breuddwyd (a rhoddi it arwydd neu ryfeddod,

²A dyfod yr arwydd neu’r rhyfeddod yr hwn a lefarodd efe wrthit) gan ddywedyd: awn ar ôl duwiau dieithr (r rhai nid adwaenost) a gwasanaethwn hwynt.

³Na wrando ar eiriau y prophwyd hwnnw, neu ar y breddwydudd breuddwyd hwnnw, canys’r Arglwydd eich Duw sydd yn eich profi chwi, i wybod a ydych yn caru yr Arglwydd eich Duw a’ch holl galon, ac a’ch holl enaid.

⁴Ar ôl yr Arglwydd eich Duw yr ewch, ac ef a ofnwch, ei orchymynnion ef hefyd a gedwch, ac ar ei lais ef y gwrandewch: ef hefyd a wasanaethwch, ac wrtho ef y glynwch.

⁵A’r prophwyd hwnnw, neu yr breuddwydudd breuddwyd hwnnw, a roddir i farwolaeth, canys llefarodd i’ch gwrthdroi yn erbyn yr Arglwydd eich Duw, yr hwn a’ch dug chwi allan o dir yr Aipht, ac a’ch gwaredodd chwi o dŷ y caethiwed, i’th wthio o’r ffordd, yr hon i’th orchymynnodd yr Arglwydd dy Dduw di i rodio ynddi: felly y tynni ymmaith y drygioni o’th fysc.

⁶Os dy frawd, mab dy fam, neu dy fab dy hun, neu dy ferch, neu dy wraig annwyl, neu dy gyfell yr hwn [sydd] fel dy enaid dy hun a’th annog yn ddirgel gan ddywedyd: awn, a gwasanaethwn dduwiau dieithr, y rhai nid adwaenost di, na’th dadau:

⁷[Sef rhai] o dduwiau y bobl y rhai [ydynt]o’ch amgylch chwi, yn agos attat, neu ymmhell oddi wrthit: o [vn] cwrr y tîr, hyd gwrr [arall] y tir.

⁸Na fydd fodlon iddo, ac na wrando arno, ac nac arbeded dy lygad ef, ac nac eiriach [ef,] ac na chela arno.

⁹Ond gan ladd lladd ef, bydded dy law di arno ef yn gyntaf iw roddi iw farwolaeth: a llaw yr holl bobl wedi hynny.

¹⁰A llabyddia ef a meini fel y byddo efe farw, canys ceisiodd dy wthio di oddi wrth yr Arglwydd dy Dduw, yr hwn a’th ddug di allan o dîr yr Aipht, o dŷ y caethiwed.

¹¹A holl Israel a glywant, ac a ofnant, ac ni chwanegant wneuthur y fath beth drygionus a hyn yn dy blith.

¹²Pan glywech am vn o’th ddinasoedd, y rhai y mae’r Arglwydd dy Dduw yn eu roddi it i drigo ynddynt, gan ddywedyd:

¹³Aeth dynion, meibion y Fall allan o’th blith, a gyrasant drigolion eu dinas gan ddywedyd: awn, gwasanaethwn dduwiau dieithr, y rhai nid adnabuoch.

¹⁴Yna ymofyn, a chwilia, a chais yn dda: ac os [mewn] gwirionedd y peth sydd siccr wneuthur y ffieidd-dra hyn yn dy fysc:

¹⁵Gan daro, taro drigolion y ddinas honno a mîn y cleddyf, difroda hi, a’r rhai oll [a fyddant] ynddi, ai hanifeiliaid hefyd; a min y cleddyf.

¹⁶Ai holl yspail hi a gescli i ganol ei heol hi, ac a losci y ddinas ai holl yspail hi yn gwbl i’r Arglwydd dy Dduw a thân: felly bydded yn garnedd byth, nac adailader hi mwy.

¹⁷Ac na lyned wrth dy law di ddim o’r diofryd beth fel y dychwelo’r Arglwydd oddi wrth angerdd ei ddig, ac y rhoddo it drugaredd, ac y tosturio wrthit, ac i’th amlhao megis y tyngodd wrth dy dadau.

¹⁸Tra y gwrandewech ar lais yr Arglwydd dy Dduw, gan gadw ei holl orchymynnion ef, y rhai’r wyfi yn [eu] gorchymyn i ti heddyw: gan wneuthur yr hyn sydd inion yng-olwg yr Arglwydd dy Dduw.