Read William Morgan Bible 1588 original edition Deuteronomium 14 Bible Online

Deuteronomium 14 - William Morgan Bible 1588 original edition bible

Deuteronomium 14

¹Gwahardd y mae i Israel dorri vn nôd yn eu cnawd tros y meirw. 4 Pa gîg a geir ei fwytta, 23 Pa le y bwytteir y pethau cyssegredic. 27 Am y Lefiaid, ac am ddegwm. Plant ydych chwi i’r Arglwydd eich Duw, nac ymnodwch, ac na osodwch foelni rhwng eich llygaid dros [vn] marw.

²Canys pobl sanctaidd [ydwyt] ti i’r Arglwydd dy Dduw, a’r Arglwydd a’th ddewisodd di i fod yn bobl vnic iddo ef: o’r holl bobloedd y rhai [ydynt] ar wyneb y ddaiar.

³Na fwytta ddim ffiaid.

⁴Dymma yr anifeiliaid y rhai a fwyttewch: eidion, llwdn dafad, a llwdn gafr.

⁵Y carw, a’r iwrch, a’r tarw gwyllt, a’r bwch gwyllt a’r vnicorn a’r ŷch gwyllt, a’r afr wyllt.

⁶A phob anifail, yn hollti yr ewin, ac yn fforchogi hollt y ddwy ewin, [ac] yn cnoi cil ym mysc yr anifeiliaid, hwnnw a fwyttewch.

⁷Ond hyn ni fwyttewch o’r rhai a gnoant y cil, ac a holldant yr ewin yn fforchog: y camel a’r scyfarnog, a’r gwningen, er bod y rhai hyn yn cnoi eu cîl, am nad ydynt yn fforchogi yr ewin, aflan ydynt i chwi.

⁸Yr hŵch hefyd er ei bod yn fforchogi yr ewin, ac heb [gnoi] cil, aflan yw i chwi: na fwyttewch oi cig hwynt, ac na chyffyrddwch ai byrgyn hwynt.

⁹Hyn a fwyttewch o’r hyn oll [sydd] yn y dyfroedd; yr hyn oll [sydd] iddo ascell, a chenn, a fwyttewch.

¹⁰A’r hyn oll nid [oes] iddo ascell, a chenn, ni fwyttewch: aflan yw i chwi.

¹¹Pob aderyn glan a fwyttewch.

¹²Ac dymma y rhai ni fwyttewch o honynt yr eryr, a’r wydd-walch, a’r for-wennol.

¹³A’r bod, a’r barcut, a’r fwltur yn ei ryw.

¹⁴A phob cîg-fran yn ei rhyw.

¹⁵A chiw’r estris, a’r fran nôs, a’r gôg, a’r hebog yn ei ryw.

¹⁶Aderyn y corph, a’r ddylluan, a’r gogfran,

¹⁷A’r pelican, a’r biogen, a’r ful-fran.

¹⁸A’r Ciconia, a’r grŷr yn ei ryw, a’r gornchwigl, a’r stlym.

¹⁹A phob ymlusciad ascelloc sydd aflan i chwi: na fwytaer ef.

²⁰Bwyttewch bob ehediad glân.

²¹Na fwyttewch ddim burgin, dod ef i’r dieithr yr hwn [fydd] yn dy byrth: a bwyttaed ef, neu gwerth di [ef] i’r dieithr, canys popl sanctaidd [ydwyt] i’r Arglwydd dy Dduw: na ferwa fynn yn llaeth ei fain.

²²Gan ddegymmu degymma hol gynnyrch dy hâd, [sef] ffrwyth dy faes bob blwyddyn.

²³A bwytta ger bron yr Arglwydd dy Dduw (yn y lle’r hwn a ddewiso efe i drigo oi enw ef ynddo) ddegwm dy ŷd, dy wîn, a’th olew, a chyntafanedic dy warthec, a’th ddefaid, fel y dyscech ofni’r Arglwydd dy Dduw’r holl ddyddiau.

²⁴A phan fyddo y ffordd ry-hîr i ti, fel nad ellech ei ddwyn ef, am fod y lle ym mhell oddi wrthit, ’r hwn a ddewiso’r Arglwydd dy Dduw i osod ei enw ynddo, pan i’th fendithio yr Arglwydd dy Dduw.

²⁵Yna dod [ei werth] yn arian, a rhwym yr arian yn dy law, a dos i’r lle’r hwn a ddewiso’r Arglwydd dy Dduw,

²⁶A dôd yr arian am yr hyn oll a chwenycho dy galon: am warthec, neu am ddefaid, neu am wîn, neu am ddiod gref, neu am yr hyn oll a ddymuno dy galon: a bwytta yno ger bron yr Arglwydd dy Dduw, a llawenychadi, a’th deulu.

²⁷A’r Lefiad yr hwn [fyddo] yn dy byrth na wrthod ef: am nad [oes] iddo [na] rhan, nac etifeddiaeth gyd a thi.

²⁸Ym mhen tair blynedd y dygi allan holl, ddegwm dy gnwd y flwyddyn honno: a gâd yn dy byrth.

²⁹Fel y dêl y Lefiad am nad oes iddo ran, nac etifeddiaeth gyd a thi, a’r dieithr, a’r ymddifad a’r weddw y rhai [ydynt] yn dy byrth di, ac y bwyttânt, ac y digoner hwynt: fel i’th fendithio’r Arglwydd dy Dduw di ym mhob gwaith yr hwn wnelech a’th law.