Read William Morgan Bible 1588 original edition Deuteronomium 15 Bible Online

Deuteronomium 15 - William Morgan Bible 1588 original edition bible

Deuteronomium 15

¹Blwyddyn y gollyngdod. 5 Duw yn bendithio y rhai a gadwant ei orchymynnion. 7 Cymmorth i’r tlawd. 12 Rhyddhâd gweision. 19 Yr Arglwydd piau y cyntaf-anedic. Ym-mhen saith mlynedd gwna ollyngdod.

²Ac dymma wedd y gollyngdod: gollynged pob perchennog iw gymydog yn rhydd ei echwyn yr hyn a echwynodd, na fynned [hynny] trachefn gan ei gymydog, neu ei frawd, canys cyhoeddwyd rhydd-did yr Arglwydd.

³Ti a elli fynnu trachefn gan y dieithr [dy echwyn:] ond gollynged dy law yn rhydd yr hyn sydd i ti gyd a’th frawd.

⁴Megis nabyddo o honot ti gardottyn, canys yr Arglwydd gan fendithio a’th fendithia di yn y tîr yr hwn y mae’r Arglwydd dy Dduw yn ei roddi i ti yn etifeddiaeth iw orescyn.

⁵Yn vnic os gan wrando y gwrandewi ar lais yr Arglwydd dy Dduw, gan gadw [a] gwneuthur yr holl orchymynnion ymma y rhai yr ydwyfi yn eu gorchymyn i ti heddyw.

⁶Canys yr Arglwydd dy Dduw a’th fendithia megis ac y llefarodd wrthit, fel * y benthygiech i genhedloedd lawer, ac na fenthygiech di [ganddynt,] ti hefyd a arglwyddiaethi ar genhedloedd lawer, ar nid arglwyddiaethant hwy arnat ti.

⁷Os bydd yn dy fysc di vn o’th frodyr yn dlawd o fewn vn o’th byrth, yn dy dir yr hwn y mae’r Arglwydd dy Dduw yn ei roddi it: na chaleda dy galon, ac na chaea dy law oddi wrth dy frawd tlawd.

⁸Onid gan agoryd agor dy law iddo, a chan fenthygio benthygia ddigon [iw] angen ef, [sef] yr hyn fydd eisieu arno.

⁹Gwilia arnat rhac bod yn dy galon ddim anuwiol i ddywedyd, agos yw y seithfed flwyddyn [sef] blwyddyn y gollyngdod, a bod dy lygad yn ddrwg yn erbyn dy frawd tlawd, rhac rhoddi iddo, a llefain o honaw ef ar yr Arglwydd rhagot, a bod pechod yn dy erbyn.

¹⁰Gan roddi dodiddo, ac na fydded drwg gan dy galon pan roddech iddo: canys o achos y peth hyn i’th fendithia’r Arglwydd dy Dduw dy di yn dy holl waith, ac yn yr hyn oll yr estynnech dy law arno.

¹¹Canys ni dderfydd tlawd o ganol y tîr, am hynny’r ydwyfi yn gorchymyn i ti ganddywedyd: gan agoryd agor dy law i’th frawd, i’th anghenus, ac i’th dlawd yn dy dîr.

¹²Pan werther dy frawd yn Hebread neu yn Hebræes i ti, a’th wasanaethu chwe blynedd, y seithfed flwyddyn gollwng ef yn rhydd oddi wrthit.

¹³A phan ollyngech ef yn rhydd oddi wrthit, na ollwng ef yn wâg.

¹⁴Gan lwytho llwytha ef o’th braidd, ar o’th, yscubor, ac o’th wryf: o’r hyn i’th fendithio’r Arglwydd dy Dduw dod iddo.

¹⁵A chofia mai gwâs fuost yn nhîr yr Aipht, a’th waredu o’r Arglwydd dy Dduw: am hynny’r ydwyf yn gorchymyn y peth hyn [i] ti heddyw

¹⁶Ond os dywed wrthit nid âf allan oddi wrthit, am iddo dy hoffi di, a’th dŷ, o herwydd bod yn dda arno ef gyd a thi:

¹⁷Yna * cymmer fynawyd, a dod trwy ei glust ef ac yn y ddôr, a bydded yn wâs i ti * bŷth, felly hefyd y gwnei i’th forwyn.

¹⁸Na fydded trwm gennit ei ollwng ef yn rhydd oddi wrthit, canys gwasanaethodd di werth dau gyflog gwenidog y chwe blynnedd: a’r Arglwydd dy Dduw a’th fendithia yn yr hyn oll a wnelech.

¹⁹Pob cyntaf-anedic yr hwn a ênir o’th warthec, neu o’th ddefaid yn wryw a gyssegri di i’r Arglwydd dy Dduw: na weithia a chyntaf-anedic dy ychen, ychen, ac na chneifia gyntaf-anedic dy ddefaid.

²⁰Ger bron yr Arglwydd dy Dduw y bwyttei ef bob blwyddyn, yn y lle’r hwn a ddewiso yr Arglwydd, ti a’th deulu.

²¹Ond os bydd anaf arno, [os] cloff, neu ddall fydd, [neu] rhyw ddrwg anaf [arall,] na abertha ef i’r Arglwydd dy Dduw.

²²O fewn dy byrth y bwytteief, yr aflân a’r glân yng-hyd [ai bwyttu,] megis yr iwrch, ac megis y carw.

²³Etto na fwytta ei waed ef, tywallt hwnnw ar y ddaiar fel dwfr.