Read William Morgan Bible 1588 original edition Deuteronomium 16 Bible Online

Deuteronomium 16 - William Morgan Bible 1588 original edition bible

Deuteronomium 16

¹1 Gwyliau y Pasc, 9 y sulgwyn, 13 A’r pebyll. 18 Am swyddogion. 21 gwahardd gaudduwiaeth. Cadw y mîs Abib, a gwna Basc i’r Arglwydd dy Dduw: canys o fewn y mîs Abib i’th ddug yr Arglwydd dy Dduw o’r Aipht ar hŷd nôs.

²Abertha dithe yn Basc i’r Arglwydd dy Dduw ddefaid, a gwarthec yn y lle’r hwn a ddewiso’r Arglwydd dy Dduw i drigo oi enw ef yno.

³Na fwytta sur-does gyd ag ef, saith niwrnod y bwyttei gyd ag ef fara croiw, [sef] bara cystudd: canys ar ffrwst y daethost allan o dîr yr Aipht, fel y cofiech ddydd dy ddyfodiad allan o dîr yr Aipht holl ddyddiau dy enioes.

⁴Ac na weler genit sur-does yn dy holl derfynau saith niwrnod, ac nac arhoed tros nôs [ddim] o’r cîg yr hwn a aberthech yn yr hwyr, ar y dydd cyntaf hyd y boreu.

⁵[Hefyd] ni elli aberthu y Pasc o fewn yr vn o’th byrth, y rhai y mae’r Arglwydd dy Dduw yn eu rhoddi it:

⁶Onid yn y lle’r hwn a ddewiso’r Arglwydd dy Dduw i drigo oi enw ef ynddo’r aberthi y Pasc yn yr hwyr, ar fachludiad yr haul, y pryd y daethost allan o’r Aipht.

⁷Yna y rhosti ac y bwyttei yn y lle’r hwn a ddewiso’r Arglwydd dy Dduw, a’r boreu y dychweli, ac yr ei i’th babellau.

⁸Chwe diwrnod y bwyttei fara croiw, ac ar y seithfed dydd [y mae] vchel-ŵyl i’r Arglwydd dy Dduw ni chei wneuthur gwaith.

⁹Cyfrif it saith wythnos, pan ddechreuo y crymman ar yr ŷd y dechreui rifo saith wythnos.

¹⁰Yna y cedwi ŵyl yr wythnosau i’r Arglwydd dy Dduw, a’th offrwm gwirfodd’r hwn a roddi, megis i’th fendithio yr Arglwydd dy Dduw.

¹¹A llawenycha ger bron yr Arglwydd dy Dduw, ti a’th fab, a’th ferch, a’th wâs, a’th forwyn, a’r Lefiad yr hwn [fydd] o fewn dy byrth: a’r dieithr a’r ymddifad, a’r weddw, y rhai [fyddant] yn dy fysc: yn y lle’r hwn a ddewiso yr Arglwydd dy Dduw i drigo oi enw ef ynddo.

¹²Cofia hefyd mai gwâs fuost yn yr Aipht, a chadw, a gwna y deddfau hyn.

¹³Cadw it ŵyl y pebyll saith niwrnod, wedi it gasclu dy ŷd a’th win.

¹⁴A llawenycha yn dy ŵyl, ti, a’th fab, a’th ferch, a’th wâs, a’th forwyn, a’r Lefiad, a’r dieithr, a’r ymddifad, a’r weddw y rhai [fyddant] o fewn dy byrth.

¹⁵Saith niwrnod y cedwi ŵyl i’r Arglwydd dy Dduw, yn y lle’r hwn a ddewiso yr Arglwydd: canys yr Arglwydd dy Dduw a’th fendithia yn dy holl gnwd, ac yn holl waith dy ddwylo, am hynny bydd dithe lawen.

¹⁶* Tair gwaith yn y flwyddyn yr ymddengys pob gwryw [o] honot o flaen yr Arglwydd dy Dduw yn y lle’r hwn a ddewiso efe, [sef] ar ŵyl y bara croiw, ac ar ŵyl yr wythnosau, ac ar ŵyl y pebyll: ond nac ymddangosed neb o flaen yr Arglwydd yn wâglaw.

¹⁷Pob vn yn ôl rhodd ei law, yn ôl bendith yr Arglwydd dy Dduw’r hon a rydd efe iti.

¹⁸Dôd it farn-wŷr, a blaenorrion yn dy holl byrth y rhai y mae’r Arglwydd dy Dduw yn eu rhoddi it trwy dy lwythau: a barnant hwy y bobl, [a] barn gyfiawn.

¹⁹Na ŵyra farn, [ac] na chydnebydd wynebau, na dderbyn wobr y chwaith: canys gwobr a ddalla lygaid y doethion, ac a ŵyra eiriau y cyfiawn.

²⁰Cyfiawnder, cyfiawnder a ddilyni, fel y byddech fyw, ac yr etifeddech y tir yr hwn y mae’r Arglwydd dy Dduw yn ei roddi it.

²¹Na phlanna it lwyn [o] neb ryw goed ger llaw allor yr Arglwydd dy Dduw yr hon a wnei it.

²²Ac na chyfot it golofn, hyn sydd gâs gan yr Arglwydd dy Dduw.