Read William Morgan Bible 1588 original edition Deuteronomium 20 Bible Online

Deuteronomium 20 - William Morgan Bible 1588 original edition bible

Deuteronomium 20

¹Araith yr offeiriaid a’r swyddogion wrth y bobl pan elent i ryfel. 10 Bod yn rhaid cynnig heddwch yn gyntaf i bawb ond i bobl Canaan. 19 Gwahardd torri mewn rhyfel goed ffrwythlon. Pan elech i ryfel yn erbyn dy elynnion, a gweled meirch, a cherbydau, [a] phobl fwy na thi, nac ofna rhacddynt: o herwydd yr Arglwydd dy Dduw [fydd] gyd a thi, yr hwn a’th ddûg di i fynu o dir yr Aipht.

²A bydded, pan nessaoch i’r rhyfel: yna ddyfod o’r offeiriad, a llefaru wrth y bobl,

³A dyweded wrthynt, clyw Israel, yr ydych chwi yn nessau heddyw i’r rhyfel yn erbyn eich gelynnion: na feddalhaed eich calon, nac ofnwch, na synnwch, ac na ddychrynwch rhacddynt.

⁴Canys yr Arglwydd eich Duw sydd yn myned gyd a chwi i ryfela a’ch gelynnion trosoch chwi: [ac] i’ch achub.

⁵Yna y llywawdwŷr a lefarant wrth y bobl gan ddywedyd, pa ŵr [sydd] yr hwn a adailadodd dŷ newydd, ac nis cyssegrodd ef, eled a dychweled iw dŷ rhac i farw mewn rhyfel, ac i ŵr arall ei gyssegru ef.

⁶A pha ŵr [sydd] yr hwn a blannodd winllan, ac nis mwynhaodd hi, eled a dychweled iw dŷ rhac ei farw mewn rhyfel, ac i ŵr arall ei mwynhau.

⁷A pha ŵr bynnac a* ymgredodd a gwraig, ac ni phriododd hi, eled, a dychweled iw dŷ rhac ei farw mewn rhyfel, ac i wr arall ei phriodi.

⁸Y llywawdwŷr hefyd a chwanegant lafaru wrth y bobl, ac ddywedant: Pa ŵr bynnac [sydd] ofnus, a meddal galon, eled a dychweled iw dŷ fel na lwfrhao efe galon ei frawd megis ei galon yntef.

⁹A bydded pan ddarffo i’r llywawdwyr lefaru wrth y bôbl: yna osod o honynt dywysogion y lluoedd, yn ben ar y bobl.

¹⁰Pan nessaech di at ddinas i ryfela yn ei herbyn, yna galw arni am heddwch.

¹¹A bydded os heddwch a ettyb hi i ti, ac agorydit: yna bydded i’r holl bobl y rhai a geffir ynddi fod i ti dan deyrnged, a’th wasanaethu.

¹²Ac oni heddycha hi a thi, ond gwneuthur rhyfel a thi: yna gwarche di arni hi.

¹³Pan roddo’r Arglwydd dy Dduw hi yn dy law di: yna taro ei holl wrwyaid a mîn y cleddyf.

¹⁴Yn vnic y benwyaid, a’r plant, a’r anifeiliaid, a phob aim a’r a fyddo yn y ddinas [sef] ei holl yspail a yspeili i ti: a thi a fwynhei yspail dy elynnion, yr hwn a rydd yr Arglwydd dy Dduw i ti.

¹⁵Felly y gwnei i’r holl ddinasoedd pell iawn oddi wrthit: y rhai nid [ydynt] o ddinasoedd y cenhedloedd hynn.

¹⁶Ond o ddinasoedd y bobloedd hynn y rhai y mae’r Arglwydd dy Dduw yn eu rhoddi it yn etifeddiaeth na chadw vn enaid yn fyw:

¹⁷Ond gan ddifrodi difroda hwynt [sef] yr Hethiaid, a’r Amoriaid, y Canaaneaid, a’r Pheriziaid, yr Hesiaid, a’r Iebusiaid, megis y gorchymynnodd yr Arglwydd dy Dduw i ti.

¹⁸Fel na ddyscant i chwi wneuthur ar ôl eu holl ffiaidd-dra hwynt y rhai a wnaethant iw duwiau hwynt, a phechu o honoch yn erbyn yr Arglwydd eich Duw:

¹⁹Pan warchaech di ar dref lawer o ddyddiau, gan ryfela yn ei herbyn hi iw hennill, na ddifetha ei choed gan daro bwyall arnynt hwy canys o honynt y bwyttei, na thorr dithe hwynt i fyned o’th flaen mewn gwarch-glawdd, o herwydd [ymborth] dyn [yw] pren y maes.

²⁰Er hynny y pren yr hwn a ŵyddost nad pren ymborth yw, hwnnw a ddifethi ac a dorri, ac a adailedi warch-glawdd yn erbyn y ddinas, yr hon sydd yn gwneuthur rhyfel a thi, hyd oni ddarostyngech hi.