Read William Morgan Bible 1588 original edition Deuteronomium 22 Bible Online

Deuteronomium 22 - William Morgan Bible 1588 original edition bible

Deuteronomium 22

¹Yr ymgeledd a ddylem ni ei wneuthur i ddâ ein cymydogion. 5 Ni chaiff gwryw wisco dillad benyw: na benyw ddillad gwryw. 22 Cospedigaeth am odineb. Ni chei weled eidion dy frawd, neu ei ddafad yn cyfeiliorni, ac ymguddio oddi wrthynt: gan ddychwelyd dychwel hwynt i’th frawd.

²Ac oni [bydd] dy frawd yn gyfagos attat, neu oni adwaenost ef: yna dwg hwnnw i fewn dy dŷ, a bydded gyd a thi, hyd pan ymofynno dy frawd am dano, yna dyro ef yn ei ôl iddo ef.

³Ac felly y gwnei iw assyn ef, ac felly y gwnei iw ddillad ef, ac felly y gwnei i bôb collbeth i’th frawd, yr hwn a gyll oddi wrtho ef, a thithe yn ei gael: ni elli ymguddio.

⁴Ni chei weled assyn dy frawd, neu ei ŷch yn gorwedd ar y ffordd, ac ymguddio oddi wrthynt, [onid] gan godi cyfot gyd ag ef.

⁵Na fydded dilledyn gŵr am wraig, ac na wisced gŵr wisc gwraig: o herwydd ffiaidd gan yr Arglwydd dy Dduw bawb a’r a wnêl hyn.

⁶Pan ddamweinio nŷth aderyn i’th olwg ar dy ffordd mewn vn pren, neu ar y ddaiar a chywion, neu ag ŵyau [ynddo,] a’r fam yn eistedd ar y cywion, neu ar yr ŵyau: na chymmer y fam gyd a’r cywion.

⁷Gan ollwng ti a ollyngi y fam, a’r cywion a gymmeri i ti: fel y byddo daioni it, ac yr estynnech [dy] ddyddiau.

⁸Pan adailadech dŷ newydd, yna y gwnei di ganllawiau [o amgylch] i’th nenn, fel na osodech waed yn dy dŷ, pan syrthio neb o honaw.

⁹Na haua yn dy winllan amryw [hâd:] rhac it halogi cynnyrch yr hâd yr hwn a hauech, a chnwd y winllan.

¹⁰Nac ardd ag ŷch, ac ag assyn ynghyd.

¹¹Na wisc ddilledyn o amryw ddefnydd [megis o] wlan, a llin yng-hyd.

¹²Plethau a werthi it ar bedwar cwrr dy wisc, yr hon yr ymwiscech ynddi.

¹³O chymmer gŵr wraig, ac wedi myned atti ei chasau:

¹⁴A gosod yn ei herbyn anair, a rhoddi allan enw drwg iddi, a dywedyd: y wraig hon a gymmerais, ac a nesseais atti, ac m chefals ynddi [arwyddion] morwyndod.

¹⁵Yna cymmcred tâd y llangces, ai mam: a dygant [arwyddion] morwyndod y llangces, at henuriaid y ddinas i’r porth.

¹⁶A dyweded tâd y llangces wrth yr henuriaid, fy merch a roddais i’r gŵr hwn yn wraig: ai chasau y mae efe.

¹⁷Ac wele, efe a ofododd anair, gan ddywedyd: ni chefais yn dy ferch [arwyddion] morwyndod, ac fel dymma [arwyddion] morwyndod fy merch: yna lledant y dilledyn yngŵydd henuriaid y ddinas.

¹⁸Yna henuriaid y ddinas honno, a gymmerant y gŵr, ac ai cospant ef.

¹⁹Ac ai dirwyant ef [mewn] cant [sicl] o arian, ac ai rhoddant hwynt i dâd y llangces, o achos iddo ddwyn henw drwg ar y forwyn [o] Israel: a bydded hi yn wraig iddo, [ac] ni ddichon ei gyrru ymmaith [yn] ei holl ddyddiau.

²⁰Ond os gwir fydd y peth hwnnw, [sef] na chaffwyd [arwyddion] morwyndod yn y llangces:

²¹Yna y dygant y llangces at ddrws tŷ ei thâd, a dynion ei dinas ai llabyddiant a meini oni byddo hi farw: am iddi wneuthur ffolineb yn Israel, gan butteinio yn nhŷ ei thâd, a thi a ddeleu y drygioni o’th fysc.

²²O cheffir gŵr yn gorwedd gyd a gwraig briodol [a] gŵr, byddant feirw ill dau [sef] y gŵr yr hwn a orweddodd gyd a’r wraig, a’r wraig [hefyd:] felly y deleu y drygioni o Israel.

²³O bydd llangces [o] forwyn wedi ei dyweddio i ŵr, a chael o ŵr hi mewn dinas, a gorwedd gyd a hi:

²⁴Yna y dygwch hwynt ill dau i borth y ddinas honno, ac ai llabyddiwch hwynt a meini fel y byddant feirw: y llangces o blegit na waeddodd, [a hithe] yn y ddinas, ac yntef y gŵr o herwydd iddo ef ddarostwng gwraig ei gymydog: felly ti a ddeleu ymmaith y drygioni o’th fysc.

²⁵Ond os mewn maes y cafodd y gŵr y llangces (wedi ei dyweddio) ai threisio o’r gŵr a gorwedd gyd a hi: yna bydded farw y gŵr yr hwn a orweddodd gyd a hi yn vnic.

²⁶Ond i’r llangces ni chei wneuthur dim, nid [oes] yn y llangces bechod [yn heuddu[ marwolaeth, o herwydd megis y cyfyd gwr yn erbyn ei gymydog, ai ddieneidio ef, yr vn modd [y mae] y peth hyn.

²⁷O blegit yn y maes y cafodd efe hi: gwaeddodd y llangces [yr hon sydd] wedi ei dyweddio, ac nid [oedd] achubudd iddi.

²⁸O chaiff gŵr langces o forwyn yr hon [sydd] heb ei dyweddio, ai dal hi, a gorwedd gyd a hi: ai dala hwynt:

²⁹Yna y rhydd y gŵr a orweddodd gyd a hi i dâd y llangces ddec a deugain [dryll] o arian: ac iddo y bydd yn lle gwraig, am iddo ei darostwng hi, ni ddichon efe ei gyrru hi ymmaith [yn] ei holl ddyddiau.

³⁰Na chymmered neb wraig ei dâd: ac na ddinoethed odre ei dâd.