Read William Morgan Bible 1588 original edition Deuteronomium 23 Bible Online

Deuteronomium 23 - William Morgan Bible 1588 original edition bible

Deuteronomium 23

¹1 Y rhaî ni chaent swyddau. 9 Am bechod ac aflendid. 15 am wâs ar encil. 17 am butteindra. 19 am addunedau. 24 Rhydd-did ar rawn-win ac yd gwr arall. Na ddeued efnuch, neu dispadd i gynnulleidfa’r Arglwydd.

²Na ddeued basterdyn i gynnulleidfa’r Arglwydd: y ddecfed genhedlaeth iddo hefyd ni chaiff ddyfod i gynnulleidfa’r Arglwydd.

³Na ddeled Ammoniad, na Moabiad i gynnulleidfa’r Arglwydd: y ddecfed genhedlaeth hefyd o honynt na ddeued i gynnulleidfa’r Arglwydd yn dragywydd:

⁴O blegit ni chyfarfuant chwi a bara, ac a dwfr yn y ffordd wrth eich dyfod o’r Aipht: ac o achos cyflogi i’th erbyn Balaam fab Beor o Pethor [ym] Mesopotamia i’th felldichio di.

⁵Etto’r Arglwydd dy Dduw ni fynnodd wrando ar Balaam, onid trôdd yr Arglwydd dy Dduw y felldith yn fendith it: canys hoffodd yr Arglwydd dy Dduw dy di.

⁶Na chais eu heddwch hwynt, nai daioni hwynt dy holl ddyddiau byth.

⁷Na ffieiddia Edomiad canys dy frawd yw: na ffieiddia Aiphtiad, o herwydd dieithr fuost yn ei wlad ef.

⁸Deued o honynt i gynnulleidfa’r Arglwydd, y drydedd genhedlaeth o’r meibion, y rhai a genhedlir iddynt.

⁹Pan elech allan [o’r] gwerssyll yn erbyn dy elynion, yna ymgadw rhac pôb peth drwg.

¹⁰O bydd vn o honot yr hwn ni fyddo lân oddi wrth ddamwain nôs: eled allan o’r gwerssyll, na ddeued o fewn y gwerssyll.

¹¹Ac ym mîn yr hwyr ymolched mewn dwfr: yna wedi machludo yr haul deued i fewn y gwerssyll.

¹²A bydded lle i ti o’r tu allan i’r gwerssyll: ac yno yr ei di allan.

¹³A bydded gennit raw ym mysc dy arfau, a bydded pan eisteddech allan gloddio o honot a hi, yno trô di a gorchguddia dy dom.

¹⁴O herwydd bod yr Arglwydd dy Dduw yn rhodio ym mhlith dy werssyllau i’th waredu, ac i roddi dy elynnion o’th flaen di, am hynny bydded dy werssyllau yn sanctaidd: fel na welo ynot ti ddim brynti, a throi oddi wrthit.

¹⁵Na ddyro at ei feistr wâs yr hwn a ddiangodd attat o ddi wrth ei feistr.

¹⁶Gyd a thi y trîg yn dy fysc, yn y fan yr hon a ddewiso, yn vn o’th byrth di, lle byddo da ganddo: [ac] na chystuddia ef.

¹⁷Na fydded puttain o ferched Israel: ac na fydded putteini-wr o feibion Israel.

¹⁸Na ddwg wobr puttain, na gwerth cî [i] dŷ’r Arglwydd dy Dduw mewn vn adduned: canys y maent ill dau yn ffiaidd gan yr Arglwydd dy Dduw di.

¹⁹Na chymmer lôg gan dy frawd [sef] llôg arian, llôg bwyd, [na] llôg dim oll a’r a lôger.

²⁰Gan estron y cymmeri lôg, ond na chymmer lôg gan dy frawd: fel y bendithio yr Arglwydd dy Dduw di ym mhob peth y rhoddech dy law arno, yn y tîr yr hwn yr ydwyt yn myned iddo iw orescyn.

²¹Pan addunedech adduned i’r Arglwydd dy Dduw nac oeda ei thalu: canys yr Arglwydd dy Dduw gan ofyn ai gofyn gennit, yna y bydde yn bechod ynot.

²²Ond os peidi ac addunedu ni bydd pechod ynot.

²³Cadw, a gwna yr hyn a ddaeth allan o’th wefusau, megis yr addunedailt i’r Arglwydd dy Dduw offrwm gwirfodd yr hwn a draethaist o’th enau.

²⁴Pan ddelech i winllan dy gymydog, yna bwytta o rawn-win dy wala wrth dy feddwl, ond na ddod i’th lestr [yr vn.]

²⁵Pan ddelech i [faes o] ŷd dy gymydog, yna y cei dynnu y twyssennau a’th law: ond ni chei osod crymman ar ŷd dy gymydog.