Read William Morgan Bible 1588 original edition Deuteronomium 24 Bible Online

Deuteronomium 24 - William Morgan Bible 1588 original edition bible

Deuteronomium 24

¹1 Am lythr ysgar. 5 Rhydd-did y gwr newydd briodi. 6 gwystl. 14 Talu cyflog. 16 Ac Iniondeb barn. Pan gymmero gŵr wraig ai phriodi: yna bydded oni chaiff hi ffafor yn ei olwg ef (o achos iddo gael peth gwaradwyddus ynddi) scrifennu o honaw yntef iddi lythyr yscar, ai roddi yn ei llaw hi, ai gollwng ymmaith oi dy.

²Pan elo hi allan oi dŷ ef, a myned ymmaith, a bod yn eiddo gwr arall.

³Os ei gŵr diwethaf ai casâ hi, ac a scrifenna lythyr yscar iddi, ac ai rhydd yn ei llaw hi, ac ai gollwng hi oi dŷ: neu os bydd farw y gŵr diwethaf, yr hwn ai cymmerodd hi yn wraig iddo:

⁴Ni ddichon ei phriod cyntaf, yr hwn ai gollyngodd hi ymmaith ddychwelyd iw chymmeryd hi i fod yn wraig iddo, wedi peri iddi ymhalogi, canys ffieidd-dra [yw] hyn o flaen yr Arglwydd: ac na wna i’r wlâd bechu yr hon a rydd yr Arglwydd dy Dduw i ti yn etifeddiaeth.

⁵Pan gymmero gŵr wraig newydd nac eled efe i rhyfel, ac na rodder gofal dim arno: caiff fod gartref yn rhydd vn flwyddyn, i lawenhau ei wraig yr hon a gymmerodd.

⁶Na chymmered [neb] faen issaf nac vchaf i felin ar wystl: canys y mae y cyfryw vn yn llygru enioes.

⁷Pan geffir gŵr yn lledratta vn oi frodyr, o feibion Israel, ac yn ymelwa arno ef, neu yn ei werthu, yna lladder y lleidr hwnnw, a thyn di ymmaith y drygioni o’th fysc.

⁸Ymochel ym mhlây gwahan-glwyf gan ddyfal gadw, a chan wneuthur yn ôl yr hyn oll a’r a ddyscodd y Lefiadaidd offeiriaid i chwi: edrychwch am wneuthur megis y gorchymynnais wrthynt hwy.

⁹Cofia yr hynn a wnaeth yr Arglwydd dy Dduw di i Miriam ar y ffordd pan ddaethoch allan o’r Aipht.

¹⁰Pan fenthygiech i’th gymydog fenthig dim, na ddos iw dŷ ef i gymmeryd ei wystl ef.

¹¹Allan y sefi, a dyged y gŵr yr hwn y benthygiaist iddo y gwystl allan attat ti.

¹²Ac os gŵr tlawd fydd efe, na chwsc ai wystl [gyd a thi.]

¹³Gan ddadroddi dadrodd ei wystl iddo pan fachludo yr haul, fel y gorweddo yn ei wisc, ac i’th fendithio di: a bydd [hyn] i ti yn gyfiawnder o flaen yr Arglwydd dy Dduw.

¹⁴Na orthrymma wenidog tlawd, ac anghenus, o’th frodyr, neu o’th ddieithr-ddyn yr hwn [fydd] yn dy dîr o fewn dy byrth di.

¹⁵Yn ei ddydd y rhoddi iddo ei gyflog, ac na fachluded yr haul arno: canys tlawd yw, ac ar hyn y mae yn cynnal ei enioes, fel na lefo ar yr Arglwydd yn dy erbyn, a bôd pechod ynot.

¹⁶Na rodder i farwolaeth tadau tros feibion, ac na rodder meibion i farw tros dadau: pôb vn a roddir i farwolaeth am ei bechod ei hun.

¹⁷Na ŵyra farn y dieithr [na’r] ymddifad: ac na chymmer ar wystloraeth wisc y weddw.

¹⁸Onid meddwl mai gwenidog fuost yn yr Aipht a’th waredu o’r Arglwydd dy Dduw oddi yno: am hynny’r wyfi yn gorchymyn it wneuthur y peth hyn.

¹⁹Pan fedech dy gynhaiaf yn dy faes, ac anghofio yscub yn y maes, na ddychwel iw chymmeryd [ond] bydded i’r dieithr, i’r ymddifad, ac i’r weddw: fel y bendithio’r Arglwydd dy Dduw di yn holl waith dy ddwylo.

²⁰Pan escydwech dy oliwydden na loffa yn dy ol: bydded i’r dieithr, i’r ymddifad, ac i’r weddw.

²¹Pan gesclech rawn-win dy winllan, na loffa yn dy ôl: bydded i’r dieithr, i’r ymddifad, ac i’r weddw.

²²Meddwl hefyd mae gwenidog fuost yn nhir yr Aipht: am hynny’r ydwyfi yn gorchymyn it wneuthur y peth hyn.