Read William Morgan Bible 1588 original edition Deuteronomium 26 Bible Online

Deuteronomium 26 - William Morgan Bible 1588 original edition bible

Deuteronomium 26

¹1 Offrymmiad y blaen-ffrwyth. 12. Degwm y drydedd flwyddyn. 17 Parch y rhai a wnel wasanaeth i Dduw. A phan ddelech i’r tîr yr hwn y mae’r Arglwydd dy Dduw yn ei roddi it yn etifeddiaeth: ai orescyn o honot a phresswylio ynddo:

²Yna cymmer o bôb blaenffrwyth y ddaiar yr hwn a ddygi o’th dîr yr hwn y mae’r Arglwydd dy Dduw yn ei roddi it: a gosot mewn cawell, a dôs i’r lle’r hwn a ddewiso’r Arglwydd dy Dduw i drigo oi enw ef ynddo.

³Yna dos at yr offeiriad yr hwn a fydd yn y dyddiau hynny, a dywet wrtho: yr ydwyfi yn mynegu heddyw i’r Arglwydd dy Dduw fy nyfod i’r tîr, yr hwn a dyngodd yr Arglwydd wrth ein tadau ar [ei] roddi i ni.

⁴A chymmered yr offeiriad y cawell o’th law di: a gosoded ef o flaen allor yr Arglwydd dy Dduw.

⁵Yna atteb a dywet ger bron yr Arglwydd dy Dduw, Syriad, ar ddarfod am dano [oedd] fy nhad ac efe a ddescynnodd i’r Aipht, ac a ymdeithiodd yno ag ychydig bobl: ac a aeth yno yn genhedlaeth fawr, gref, ac aml.

⁶A’r Aiphtiaid a’n drygodd ni, a chystuddiasant ni, a rhoddasant arnom wasanaeth caled.

⁷Ond galwasom ar Arglwydd Dduw ein tadau, a chlybu yr Arglwydd ein llais ni: gwelodd ein cystudd, a’n llafur, a’n gorthrymder.

⁸A’r Arglwydd an dug ni allan o’r Aipht mewn llaw gadarn, ac mewn braich estynnedic ac mewn ofn mawr, ac mewn arwyddion, ac mewn rhyfeddodau.

⁹Ac efe a’n dûg ni i’r lle hwn, ac a roes i ni y tir hwn, [sef] tir yn llifeirio o laeth, a mêl.

¹⁰Ac yn awr wele mi a ddygais flaenffrwyth y tîr yr hwn a roddaist i mi ô Arglwydd: a gad ef ger bron yr Arglwydd dy Dduw, ac addola ger bron yr Arglwydd dy Dduw.

¹¹Ymlawenycha hefyd am bob daioni yr hwn a roddodd yr Arglwydd dy Dduw i ti, ac i’th deulu: ty di, a’r Lefiad, a’r dieithr yr hwn [a sydd] yn dy fysc.

¹²Pan ddarffo it ddegymmu holl ddegwm dy gnwd yn y drydedd flwyddyn, [sef] blwyddyn y degwm, yna y rhoddi i’r Lefiad, i’r dieithr, i’r ymddifad, ac i’r weddw: fel y bwyttânt yn dy byrth di, ac y digoner hwynt.

¹³A dywet ger bron yr Arglwydd dy Dduw, dygais [y peth] cyssegredic o’r tŷ, ac ai rhoddais ef i’r Lefiad, ac i’r dieithr, i’r ymddifad, ac i’r weddw: yn ol pob gorchymyn yr hwn a orchymynnaist im, ni throsseddais [ddim] o’th orchymynnion, ac nis anghofiais.

¹⁴Ni fwytteais o honaw yn fyng-alar, ac ni ddygym ymmaith o honaw mewn halogedigaeth, ac ni roddais o honaw tros y marw: gwrandewais ar lais yr Arglwydd fy Nuw, gwneuthum yn ôl yr hyn oll a orchymynnaist i mi.

¹⁵Edrych o drigle dy sancteiddrwydd [sef] o’r nefoedd, a bendithia dy bobl Israel, a’r ddaiar yr hon a roddaist i ni, megis y tyngaist wrth ein tadau, [sef] tîr yn llifeirio o laeth a mêl.

¹⁶Y dydd hwn y mae’r Arglwydd dy Dduw yn gorchymyn it wneuthur y deddfau hyn, a’r barnedigaethau: cadw dithe a gwna hwynt a’th holl galon, ac a’th holl enaid.

¹⁷Mawrygaist yr Arglwydd heddyw i fod yn Dduw i ti, ac i rodio [o honot] yn ei ffyrdd ef, ac i gadw ei ddeddfau, ai orchymynnion, ai farnedigaethau, ac i wrando ar ei lais ef.

¹⁸Mawrygodd yr Arglwydd dithe heddyw i fod yn bobl vnic iddo ef megis y llefarodd wrthit, ac i gadw [o honot] ei holl orchymynnion.

¹⁹Ac i’th roddi goruwch yr holl genhedloedd y rhai a wnaeth efe: mewn elod, ac mewn enw, ac mewn gogoniant: ar i fod o honot yn bobl sanctaidd i’r Arglwydd dy Dduw, megis y llefarodd efe.