Read William Morgan Bible 1588 original edition Deuteronomium 28 Bible Online

Deuteronomium 28 - William Morgan Bible 1588 original edition bible

Deuteronomium 28

¹Daioni Duw i’r rhai a gadwant ei orchymynnion ef. 15 Ai gosb i’r rhai nis cadwant. Ac os gan wrando y gwrandewi ar lais yr Arglwydd dy Dduw, gan gadw [a] gwneuthur ei holl orchymynnion ef, y rhai’r ydwyfi yn eu gorchymyn i ti heddyw: yna’r Arglwydd dy Dduw a’th esyd yn vwch na holl genhedloedd y ddaiar.

²A’r holl fendithion hyn a ddeuant arnat, ac a’th oddiweddant, os gwrandewi ar lais yr Arglwydd dy Dduw.

³Bendigedic fyddi di yn y ddinas, a bendigedic fyddi di yn y maes.

⁴Bendigedic fydd ffrwyth dy frû, a ffrwyth dy dîr, a ffrwyth dy anifail di, mwyniant dy warthec, a chorlannau dy ddefaid.

⁵Bendigedic fydd dy gawell, a’th does di.

⁶Bendigedic fyddi di yn dy ddyfodiad, bendigedic hefyd fyddi yn dy fynediad.

⁷Rhydd yr Arglwydd dy elynnion y rhai a ymgodant i’th erbyn yn lladdedic o’th flaen di: drwy vn ffordd y deuant i’th erbyn, a thrwy saith o ffyrdd y ffoant o’th flaen.

⁸Yr Arglwydd a orchymyn i ti y fendith yn dy drysordai, ac yn yr hyn oll yr estynnech dy law arno: ac a’th fendithia yn y tîr yr hwn y mae’r Arglwydd dy Dduw yn ei roddi i ti.

⁹Yr Arglwydd a’th gyfyd ti yn bobl sanctaidd iddo ei hun megis y tyngodd wrthit: os cedwi orchymynnion yr Arglwydd dy Dduw, a rhodio yn ei ffyrdd ef.

¹⁰A holl bobloedd y ddaiar a welant fod henw yr Arglwydd yn alwedic arnat: ac a ofnant rhagot.

¹¹A’r Arglwydd a’th lwydda di mewn daioni, yn ffrwyth dy frû, ac yn ffrwyth dy anifeiliaid, ac yn ffrwyth dy ddaiar, yn y tîr yr hwn a dyngodd yr Arglwydd i’th dadau ar ei roddi i ti.

¹²Yr Arglwydd a egur ei drysor daionus i ti, sef y nefoedd i roddi glaw [i’th] dîr di yn ei amser, ac i fendigo holl waith dy law: a thi a roddi echwyn i genhedloedd lawer, ac ni cheisi echwyn.

¹³A’r Arglwydd a’th rydd di yn ben, ac nid yn gynffon, hefyd ti a fyddi yn vchaf yn vnic ac nid yn isaf, os gwrandewi ar orchymynnion yr Arglwydd dy Duw y rhai’r ydwyfi yn gorchymyn it heddyw [eu] cadw, ai gwneuthur.

¹⁴Ac heb gilio o honot oddi wrth yr holl eiriau y rhai yr wyfi yn eu gorchymyn i chwi heddyw i’r tu dehau neu i’r tu asswy: gan fyned ar ôl duwiau dieithr iw gwasanaethu hwynt.

¹⁵Abydd, oni wrandewi ar lais yr Arglwydd dy Dduw, gan gadw [a] gwneuthur ei holl orchymynnion ef, ai ddeddfau, y rhai’r ydwyf yn eu gorchymyn i ti heddyw, y daw arnat yr holl felldithion hyn, ac a’th oddiweddant.

¹⁶Melldigedic fyddi di yn y ddinas, a melldigedic fyddi di yn y maes.

¹⁷Melldigedic fydd dy gawell, a’th does di.

¹⁸Melldigedic fydd ffrwyth dy frû, a ffrwyth dy ddaiar, mwyniant dy warthec, a chorlannau dy ddefaid.

¹⁹Melldigedic fyddi di yn dy ddyfodiand, a melldigedic fyddi yn dy fynediad.

²⁰Yr Arglwydd a ddenfyn arnat ti feldith, trallod, a cherydd yn yr hyn oll yr estynnech dy law arno [ac yn] yr hyn a wnelech, nes iddo dy ddinistrio, a’th ddifetha di yn gyflym, am ddrygioni dy weithredoedd [yn] y rhai i’m gwrthodaist i.

²¹Yr Arglwydd a wna i haint lynu wrthit nes iddo dy ddifa oddi ar y tîr yr hwn yr ydwyt ti yn myned iddo iw orescyn.

²²Yr Arglwydd a’th deru a chŵydd, ac a chryd poeth, ac a lloscfa, ac a gwrês, ac a chleddyf, ac a diflanniad, ac a malloer, a hwynt a’th ddilynant nes dy ddifetha.

²³Dy nefoedd hefyd y rhai [ydynt] vwch dy benn a fyddant yn brês, a’r ddaiar yn hon [sydd] oddi tanat yn haiarn.

²⁴Yr Arglwydd a rydd [yn lle] glaw dy ddaiar, lwch, a lludw: o’r nefoedd y descyn arnat hyd onith ddinistrir.

²⁵Yr Arglwydd a wna it syrthro o flaen dy elynnion, drwy vn ffordo yr ei di yn eu herbyn hwynt, a thrwy saith o ffyrdd y ffoi oi blaen hwynt: a thi a fyddi ar wascar dros holl deyrnasoedd y ddaiar.

²⁶A’th gelen a fydd bwyd i holl ehediaid y nefoedd, ac i anifeiliaid y tir, ac ni [bydd] tarfudd.

²⁷Yr Arglwydd a’th deru di a chornwyd yr Aipht, ac a chlwyf y marchogion, ac a chrach, ac ag ysfa: y rhai nid ellir eu hiachau.

²⁸Yr Arglwydd a’th deru di ag ynfydrwydd, ac a dallineb, ac a syndra calon.

²⁹Byddi hefyd yn ymbalfalu ganol dydd, fel yr ymbalfale y dall yn y tywyllwch, ac ni lwyddi yn dy ffyrdd di: a diau y byddi orthrymmedic, ac anrhaithiedic byth, ac ny [bydd] gwaredudd.

³⁰Ti a ymgredi a gwraig, a gŵr arall a gyd-orwedd a hi, ti a adailedi dŷ, ac ni thrigi ynddo, ti a blenni winllan, ac ni chescli y ffrwyth.

³¹Dy ŷch a leddir yn dy olwg, ac ni fwyttei o honaw, dy assyn a ddugir drwy drais o flaen dy wyneb, ac ni ddaw adref attat: dy ddefaid a roddir i’th elynnion, ac ni [bydd] i ti achubudd.

³²Dy feibion a’th ferched a roddir i bobl eraill, a’th lygaid yn gweled, ac yn pallu am danynt bob dydd, ac ni [bydd] yng-allu dy law [eu gwared.]

³³Ffrwyth dy ddaiar a’th holl lafur a fwyttu pobl y rhai nis adnabuost: a byddi yn vnic orthrymmedic, a drylliedic yr holl ddyddiau.

³⁴A byddi wall-gofus gan weledigaeth dy lygaid, yr hon a welech.

³⁵Yr Arglwydd a’th deru di a chornwyd drygionus yn y gliniau, ac yn yr esceiriau, yr hwn ni ellir ei iachau: o wadn dy droed hyd dy goryn.

³⁶Yr Arglwydd a’th ddwg di, (a’th frenin yr hwn a osodech arnat) at genedl yr hon nid adnabuost di na’th dadau di: a gwasanaethi yno dduwiau dieithr [o] bren, neu faen.

³⁷A byddi yn rhyfeddod, yn ddammeg, ac yn ddihareb ym mhlith yr holl bobloedd y rhai’r arwain yr Arglwydd di attynt.

³⁸Hâd lawer a ddygu allan i’r maes: ac ychydig a gescli, o herwyod Locust ai hyssa ef.

³⁹Gwinllannodd a blenni, ac a goleddi, ond gwin nid yfi, ac ni chescli [y grawn-win] canys pryfed ai bwyttu.

⁴⁰Oliwydd a fyddant i ti, o fewn dy holl derfyn, ac ag olew ni’th îrir: o herwydd dy oliwydden a ddyhidla.

⁴¹Meibion, a merched a genhedli, ac ni byddant i ti: o herwydd hwy a ânt mewn caethiwed.

⁴²Dy holl brennau, a ffrwythau dy dir a orescyn y Locust.

⁴³Y dieithr yr hwn [a fydd] yn dy fysc, a ddring arnat yn vchel vchel: a thi a ddescynni yn issel issel.

⁴⁴Efe a fenthygia i ti, a thi ni fenthygi iddo ef: efe a fydd yn ben, a thi a fyddi’n gynffon.

⁴⁵A’r holl feldithion hyn a ddeuant arnat, ac a’th erlidiant, ac a’th oddiweddant, hyd onith ddinistrir: am na wrandewaist ar lais yr Arglwydd dy Dduw, gan gadw ei orchymynnion, ai ddeddfau ef, y rhai a orchymynnoddi ti.

⁴⁶A byddant yn arwydd, ac yn rhyfeddod ynot ti, ac yn dy hâd hyd byth.

⁴⁷O blegit na wasanaethaist yr Arglwydd dy Dduw mewn llawenydd, ac mewn hyfrydwch calon: am amldra pob dim.

⁴⁸Am hynny y gwasanaethi di dy elynnion y rhai a ddenfyn yr Arglwydd yn dy erbyn, mewn newyn, ac mewn syched, ac mewn noethni, ac mewn eisieu pob dim: ac efe a ddyru iau haiarn ar dy wddf hyd oni ddinistrio efe dydi.

⁴⁹Yr Arglwydd a ddwg i’th erbyn genedl o bell [sef] o eithaf y tir, megis ac yr eheda yr eryr: cenedl yr hon ni ddealli ei hiaith.

⁵⁰Cenedl wyneb-galed, yr hon ni dderbyn wyneb yr henafgwr: ac ni bydd raslon i’r llangc.

⁵¹Ac y hi a fwyttu ffrwyth dy anifeiliaid, a ffrwyth dy ddaiar, hyd onith ddinistrir: yr hon ni weddilla i ti ŷd, gwin, nac olew, mwyniant dy warthec, na chorlannau dy ddefaid hyd onith ddifetho di.

⁵²A hi a warche arnat ti yn dy holl byrth, hyd oni syrthio dy vchel a’th gedyrn gaerau, y rhai’r ydwyt yn ymddyried ynddynt, o fewn dy holl dîr: hi a warche hefyd arnat yn dy holl byrth o fewn dy holl dir yr hwn a roddodd yr Arglwydd dy Dduw i ti.

⁵³Frwyth dy fru, [sef] cig dy feibion, a’th ferched y rhai a roddodd yr Arglwydd dy Dduw it a fwyttei yn y gwarche, ac yn y cyfyngdra yr hwn a ddwg dy elyn arnat.

⁵⁴Y gŵr tyner yn dy blith, a’r moethus iawn a greulona ei lygad wrth ei frawd, ac wrth wraig ei fynwes, ac wrth weddill ei feibion y rhai a weddillodd efe.

⁵⁵Rhac rhoddi i vn o honynt o gig ei feibion, y rhai a fwyttu efe: o eisieu gado iddo ddun yn y gwarche, ac yn y cyfyngdra, yr hwn a gyfyngodd dy elyn arnat o fewn dy holl byrth.

⁵⁶Y wraig dyner a’r foethus yn dy fysc, yr hon ni phrofodd osod gwadn ei throed ar y ddaiar, gan fwythe a thynêrwch a greulona ei llygad wrth ŵr ei mynwes, ac wrth ei mab, ac wrth ei merch.

⁵⁷Ac wrth ei bogel yr hwn a ddaw allan oi chorph, ai meibion y rhai a blanta hi, canys hi ai bwyttu hwynt yn ddirgel pan ballo pob dim [arall] yn y gwarche, ac yn y cyfyngdra, yr hwn a gyfyngo dy elyn arnat o fewn dy byrth.

⁵⁸Oni chedwi ar wneuthur holl eiriau y gyfraith hon, y rhai ydynt scrifennedic yn y llyfr hwn, gan ofni’r henw gogoneddus, ac ofnadwy hwn Yr Arglwydd dy Duw:

⁵⁹Yna y gwna’r Arglwydd dy blauau di yn rhyfedd, a phlauau dy hâd: [sef] plauau mawrion, a pharhaus, a chlefydau drygionus, a pharhaus.

⁶⁰Ac efe a ddwg attat holl glwyfau yr Aipht y rhai yr ofnaist rhacddynt, a glynant wrthit.

⁶¹Ie pob clefyd a phob plan yr hwn nid yw scrifennedic yn llyfr y gyfraith hon a ddwg yr Arglwydd arnat, hyd oni’th ddinistrir.

⁶²Felly chwi a adewir yn ychydig bobi, lle yr oeddech fel sêr y nefoedd o luosogrwydd: o herwydd na wrandewaist ar lais yr Arglwydd dy Dduw.

⁶³A bydd megis ac y llawenychodd yr Arglwydd ynoch wrth wneuthur daioni iwch, ac wrth eich amlhâu: felly y llawenycha yr Arglwydd ynoch chwi, gan eich dinistrio a’ch vifetha chwi: a diwreiddir chwi o’r tîr yr hwn yr ydwyt yn myned iddo iw orescyn.

⁶⁴A’r Arglwydd a’th wascar di ym mhlith yr holl bobloedd o’r [naill] gwrr i’r ddaiar, hyd y cwrr [arall] i’r ddaiar: a gwasanaethi yno dduwiau dieithr y rhai nid adnabuost ti, na’th dadau [sef] pren, a maen,

⁶⁵Ac ym-mhlith y cenhedloedd hyn ni orphywysi, ac ni bydd gorphywysora i wadn dy droed, canys yr Arglwydd a rydd it yno galon aflonydd, a darfodigaeth llygaid, a gofal meddwl.

⁶⁶A’th enioes a fydd yn crogi gyferbyn a thi, a thi a ofni nos, a dydd, ac ni byddi siccr o’th enioes.

⁶⁷Y borau y dywedi, ô na ddeue yr hwyr, ac yn yr hwyr y dywedi, ô na ddeue y borau: rhac dychryn dy galon, [gan] yr hwn y dychrynni, a rhac gweledigaeth di lygaid yr hon a welech.

⁶⁸A’r Arglwydd a’th ddychwel di i’r Aipht mewn llongau ar hyd y ffordd yr hon y dywedais wrthic na chwanegit ei gweled mwy: a chwi a ymwerthwch yno i’ch gelynnion yn gaeth-weision, ac yn gaeth-forwynion: ac ni [bydd] prynnudd.