Read William Morgan Bible 1588 original edition Deuteronomium 3 Bible Online

Deuteronomium 3 - William Morgan Bible 1588 original edition bible

Deuteronomium 3

¹Hanes Og brenin Basan. 13 Pwy a gafodd ei dîr ef, a thann ba ammod. 21 Moses yn cynghori Iosuah i flaenori y bobl i wlad Canaan, yr hon ni chai efe ei hun onid ei gweled. Yna y troesom, ac yr escynnasom [ar hyd] ffordd Basan, ac Og brenin Basan a ddaeth allan i’n cyfarfod ni, efe ai holl bobl i ryfel i Edrai.

²A’r Arglwydd a ddywedodd wrthif, nac ofna ef, o blegit yn dy law di y rhoddaf ef, ai holl bobl, ai wlâd ef: a thi a wnei iddo fel y gwnaethost i Sehon frenin yr Amoriaid yr hwn oedd yn trigo yn Hesbon.

³Felly yr Arglwydd ein Duw a roddes hefyd yn ein llaw ni Og frenin Basan, ai holl bobl ef, fel y tarawsom ef, nes [ein bod] heb adel iddo weddill.

⁴Ac a ennillasom ei holl ddinasoedd ef yr amser hwnnw [fel] nad oedd dinas yr hon nis dugasom oddi arnynt: tri-vgain dinas [sef] holl wlâd Argob, brenhiniaeth Og o fewn Basan.

⁵Yr holl ddinasoedd hyn [oeddynt] gedyrn o fûroedd vchel, pŷrth, a barrau, heb law dinasoedd heb furoedd lawer iawn.

⁶A difrodasom hwynt fel y gwnaethom i Sehon frenin Hesbon, gan ddifrodi o bob dinas y gwŷr, y gwragedd, a’r plant.

⁷Ond yr holl anifeiliaid ac yspail y dinasoedd a sclyfaethâsom i ni ein hunain.

⁸Felly y cymmerasom yr amser hwnnw o law dau frenin yr Amoriaid y wlâd yr hon [sydd] o’r tu hwnt i’r Iorddonen, o afon Arnon hyd fynydd Hermon.

⁹Y Sidoniaid a alwant Hermon yn Sirion, a’r Amoriaid ai galwant ef Senir.

¹⁰Holl ddinasoedd y gwastad, a holl Gilead, a holl Basan hyd Selca, ac Edrai, dinasoedd brenhiniaeth Og o fewn Basan.

¹¹O blegit Og brenin Basan yn vnic a adawsid o weddill y cawri: wele ei wely ef [oedd] wely haiarn, onid [yw] hwnnw yn Rebath meibion Ammon? naw cufydd [oedd] ei hyd ef, a phedwar cufydd [oedd] ei lêd ef, wrth gufydd gŵr.

¹²A’r wlâd hon a orescynnasom ni yr amser hwnnw, o Aroer yr hon [sydd] wrth afon Arnon, a hanner mynydd Gilead, ai ddinasoedd ef a roddais i’r Rubeniaid ac i’r Gadiaid:

¹³A’r gweddill o Gilead, a holl Basan, [sef] brenhiniaeth Og a rhoddais i hanner llwyth Manasses: [sef] holl wlâd Argob, trwy holl Basan, hon a elwid gwlad y cawri.

¹⁴Iair mab Manasses a gymmerth holl wlâd Argob, hyd frô Gessuri, a Macati: ac ai galwodd hwynt sef Basan ar ei henw ei hun, trefydd Iair hyd y dydd hwn.

¹⁵Ac i Machir y rhoddais i Gilead.

¹⁶Ond i’r Rubeniaid, ac i’r Gadiaid, y rhoddais o Gilead hyd afon Arnon, hanner yr afon a’r terfyn: ac hyd yr afon Iabboc [sef] terfyn meibion Ammon.

¹⁷Hefyd y rhôs, a’r Iorddonen, a’r terfyn o Cinereth hyd fôr y rhôs [sef] y môr heli, dann fronnydd y brynn tu a’r dwyrain.

¹⁸Gorchymynnais gan hynny i chwi’r amser hwnnw gan ddywedyd, yr Arglwydd eich Duw a roddes i chwi y wlâd hon iw gorescyn: ewch trosodd yn arfog o flaen eich brodyr meibion Israel, pob rhai pybur [o honoch.]

¹⁹Yn vnic eich gwraged, a’ch plant, a’ch anifeiliaid, (gwn fod llawer o anifeiliaid i chwi) a drigant yn eich dinasoedd y rhai a roddais i chwi.

²⁰Hyd pan baro’r Arglwydd i’ch brodyr orphywyso fel chwithau: a gorescyn o honynt hwy hefyd y wlâd yr hon y mae’r Arglwydd eich Duw ar roddi iddynt tros yr Iorddonen: * yna dychwelwch bob vn iw etifeddiaeth yr hon a roddais i chwi.

²¹Gorchymynnais hefyd i Iosuah yr amser hwnnw gan ddywedyd, dy lygaid ti a welsant yr hyn oll a wnaeth yr Arglwydd eich Duw i’r ddau frenin hyn: felly y gwna’r Arglwydd i’r holl deyrnasoedd, y rhai’r ydwyt ti yn myned trosodd attynt.

²²Nac ofnwch hwynt, o blegit yr Arglwydd eich Duw [yw] efe, yr hwn a ymladd trosoch chwi.

²³Ac erfynniais ar yr Arglwydd yr amser hwnnw, gan ddywedyd.

²⁴O Arglwydd Dduw, ty di a ddechreuaist ddangos i’th wâs dy fawredd, a’th law gadarn: o blegit pa Dduw [sydd] yn y nefoedd, neu yn y ddaiar, yr hwn a weithreda yn ôl dy weithredoedd, a’th nerthoedd di?

²⁵Gad i mi fyned trosodd attolwg, a gweled y wlâd dda, yr hon [sydd] tros yr Iorddonen, a’r mynydd da hwnnw, a Libanus.

²⁶Ond yr Arglwydd a ddigiase wrthif o’ch plegit chwi, ac ni wrandawodd arnaf, ond dywedyd a wnaeth yr Arglwydd wrthif, digon [yw hynny] i ti, na chwanega lefaru wrthif mwy am y peth hyn.

²⁷Dos i fynu i ben y brynn, a derchafa dy lygaid tu a’r gorllewyn, a’r gogled, a’r dehau, a’r dwyrain, ac edrych a’th lygaid, o blegit ni chei di fyned tros yr Iorddonen hon.

²⁸Gorchymyn hefyd i Iosuah, a nertha, a chadarnhâ ef, o blegit efe a aiff trosodd o flaen y bobl ymma, ac efe a ran iddynt yn etifeddiaeth y wlâd, yr hon a weli di.

²⁹Felly aros a wnaethom yn y dyffryn, gyferbyn a Beth peor.