Read William Morgan Bible 1588 original edition Deuteronomium 8 Bible Online

Deuteronomium 8 - William Morgan Bible 1588 original edition bible

Deuteronomium 8

¹2 Duw yn profi beth oedd yng-halon yr Israeliaid gan eu darostwng hwynt. 3 Dyn yn byw wrth air Duw. 5 Duw yn maethdrino’r lsraeliaid, fel gwr ei fâb. 7 Gwlâd yr addewid pa fâth sydd arni. 10 Bod yn ddiolchgar i Dduw am ei roddion sydd raid. 18 Trwy Dduw y daw cyfoeth. 19 Anghofio Duw ai roddion a bâr fethiant. Edrychwch am wneuthur pôb gorchymyn, yr hwn yr wyfi yn ei orchymyn it heddyw, fel y byddoch fyw, ac y cynnyddoch, ac yr eloch, i mewn, ac y gorescynnoch y wlâd, yr hon a addawodd yr Arglwydd wrth eich tadau trwy lŵ.

²A chofia’r holl ffordd, [yn] yr hon yr arweiniodd yr Arglwydd dy Dduw di y deugain mlhynedd hyn trwy’r anialwch er mwyn dy gystuddio di, gan dy brofi, i wybod yr hyn [oedd] yn dy galon, a gedwit ti ei orchymynnion ef, ai nas [cedwit.]

³Am hynny i’th ddarostyngodd, ac i’th newynodd di, ond efe a’th fwydodd a’r Manna yr hwn nis adwaenit, ac nis adwaine dy dadau, fel y gwnae efe it ŵybod nad wrth fara yn vnic y bydd fyw dyn, ond wrth bôb [gair] a’r sydd yn dyfod allan o enau’r Arglwydd, y bydd fyw dŷn.

⁴Dy ddillad ni heneiddiodd oddi am danat, a’th droed ni chwyddodd y deugain mlhynedd hyn.

⁵Cydnebydd gan hynny yn dy galon, [fod] yr Arglwydd dy Dduw yn dy hyddyscu di, fel y dysc gŵr ei fâb ei hun.

⁶A chadw orchymynnion yr Arglwydd y Dduw, gan rodio yn ei ffyrdd ai ofni ef.

⁷Am fod yr Arglwydd dy Dduw yn dy ddwyn i mewn i wlâd dda, gwlâd afonydd, a dyfroedd, ffynhonnau, a dyfnderau yn tarddu allan yn y gwastad, ac yn y mynydd.

⁸Gwlâd gwenith, a haidd, a gwinwydd, a ffigus-wydd, a phomgranad-wydd, gwlâd olew oliwydden, a mêl.

⁹Gwlâd yr hon ni fwyttei fara ynddi mewn prinder, [ac] ni bydd eisie dim arnat ynddi: gwlâd yr hon [y mae] ei cherric hi yn haiarn, ac oi mynyddoedd y cloddi brês.

¹⁰Pan fwyttêch, a’th ddigoni: yna y bendithi’r Arglwydd dy Dduw, am y wlâd dda yr hon a roddes efe i ti.

¹¹Cadw arnat rhac anghofio o honot yr Arglwydd dy Dduw heb gadw ei orchymynnion, ai farnedigaethau, ai ddeddfau, ef, y rhai’r ydwyfi yn eu gorchymyn it heddyw.

¹²Rhac it fwytta, a’th ddigoni, ac adailadu tai têg, a thrigo ynddynt,

¹³A lluossogi o’th warthec, a’th ddefaid di, ac amlhau o arian, ac aur gennit, a chwanegu o’r hyn oll [y sydd] i ti:

¹⁴A derchafu o’th galon, ac anghofio o honot yr Arglwydd dy Dduw, yr hwn a’th ddûg allan o wlâd yr Aipht o dŷ y caethiwed.

¹⁵Yr hwn a’th dywysodd di trwy’r anialwch mawr, ac ofnadwy [lle’r ydoedd] seirph lloscadwy, ac scorpionau, a syched lle nid [oedd] dwfr: yr hwn a dynnodd i ti ddwfr allan o’r graig gallestr.

¹⁶Yr hwn a’th fwydodd yn yr anialwch a Manna, yr hwn nis adwaene dy dadau, er dy ddarostwng, ac er dy brofi di, i wneuthur daioni iti, yn dy ddiwedd di.

¹⁷[Rhac] dywedyd o honot hefyd yn dy galon, fy nerth fy hun, a chryfder fy llaw a barodd i mi y cyfoeth hwn.

¹⁸Ond cofia yr Arglwydd dy Dduw, o blegit efe yw yr hwn sydd yn rhoddi nerth i ti, i beri cyfoeth, fel y cadarnhâe efe ei gyfammod yr hwn a dyngodd efe wrth dy dadau, fel y dydd hwn.

¹⁹Ac os gan anghofio’r anghofi’r Arglwydd dy Dduw, a dilyn duwiau dieithr, ai gwasanaethu hwynt, ac ymgrymmu iddynt: yr ydwyfi yn testiolaethu yn eich erbyn chwi heddyw, gan ddifetha eich difethir.

²⁰Fel cenhedloed y rhai y mae’r Arglwydd ar eu difetha o’ch blaen blaen chwi: felly y difethir chwithau, am n wrandawsoch ar lais yr Arglwydd eich Duw.