Read William Morgan Bible 1588 original edition Ioan 18 Bible Online

Ioan 18 - William Morgan Bible 1588 original edition bible

Ioan 18

¹Bradychiad Crist. 10 Cleddyf Petr. 17 Petr yn gwadu Grist, Pilat yn ymresymmu â’r Iddewon, ac â Crist. [19]Gwedi i’r Iesu ddywedyd y geiriau hyn, efe a aeth allan a’i ddiscyblion tros afon Cedron, lle yr oedd gardd, i’r hon yr aeth efe a’i ddiscyblion.

²Ac Iudas hefyd yr hwn a’i bradychodd ef a adwaene y lle hwnnw, canys mynych y cynmwerase yr Iesu a’i ddiscyblion yno.

³Ac Iudas (wedi iddo gael byddin [atto,] a swyddogion gan yr arch-offeiriaid a’r Pharisaeaid) a ddaeth yno â lanternau, â ffaglau, ac arfau.

⁴A’r Iesu yn gŵybod pob peth a ddele iddo, a aeth allan, ac a ddywedodd wrthynt: pwy yr ydych yn ei geisio?

⁵Hwy a attebasant iddo, Iesu o Nazareth yr Iesu a ddywedodd wrthynt: myfi yw [hwnnw,] ac yr oedd Iudas hefyd yr hwn a’i bradychodd ef yn sefyll gyd â hwynt.

⁶A chyn-gynted, ac y dywedodd efe wrthynt, myfi yw [hwnnw,] hwy a aethant yn ŵysc eu cefnau, ac a syrthiasant i lawr.

⁷Yr ail waith efe a ofynnodd iddynt, pwy yr ydych yn ei geisio? hwythau a ddywedasant, Iesu o Nazareth.

⁸Yr Iesu a attebodd, dywedais wrthych mai fy fi yw [hwnnw,] gan hynny, os myfi a geisiwch, gedwch i’r rhain fyned ymmaith.

⁹Er cyflawni y gair yr hwn a ddywedase efe, o’r rhai hyn a roddaist i mi, ni chollais vn.

¹⁰Eithr Simon Petr yr hwn oedd a chleddyf ganddo, a’i tynnodd, ac a darawodd wâs yr arch-offeiriad, ac a dorrodd ei glust ddehau ef. ac enw y gwâs oedd Malchus.

¹¹A’r Iesu a ddywedodd wrth Petr, dôd dy gleddyf yn y wain, y cwppan a roddes y Tad i mi, onid yfaf o hwnnw?

¹²Yna y fyddin, a’r penciwdod, a swyddogion yr Iddewon a ddaliâsant yr Iesu, ac a’i rhwymâsant ef:

¹³Ac hwy a’i dugasant at Annas, canys (chwegrwn Caiphas yr hwn oedd arch-offeiriad y flwyddyn honno) ydoedd efe.

¹⁴Caiphas hefyd oedd yr hwn a gynghorase i’r Iddewon, mai angenrheidiol oedd farw vn dŷn tros y bobl.

¹⁵A Simon Petr a discybl arall oedd yn canlyn yr Iesu: a’r arch-offeiriad a adwaene y discybl hwnnw, ac efe a aeth i mewn gyd â’r Iesu i neuadd yr arch-offeiriad.

¹⁶A Phetr a safodd allan wrth y drws, a’r discybl arall a aeth allan yr hwn oedd adnabyddus i’r arch-offeiriad, ac a ymddiddanodd â’r drysores, ac a ddug Petr i mewn.

¹⁷Yna y dywedodd y llangces yr hon oedd borthores wrth Petr, onid wyt tithe yn vn o ddiscyblion y dŷn ymma? ac efe a ddywedodd: nac wyf.

¹⁸A’r gweision a’r gweinidogion oeddynt yn sefyll yno wedi gwneuthur tân glô, ac yn ymdwymno, canys oer ydoedd hi, ac yr oedd Petr yn sefyll yn ymdwymno gyd â hwynt hefyd.

¹⁹A’r arch-offeiriad a ofynnodd i’r Iesu am ei ddiscyblion, ac am ei athrawiaeth.

²⁰A’r Iesu a attebodd iddo: myfi a leferais ar osteg yn y bŷd, myfi a athrawiaethais yn oestadol yn y synagog, ac yn y Deml, lle y dele yr Iddewon oll yng-hŷd, ac ni ddywedais ddim yn guddiedig,

²¹Pa ham yr ydwyt yn gofyn i mi? gofyn i’r rhai a’m clywsant, beth a ddywedais wrthynt, wele hwy a ŵyddant beth a ddywedais i.

²²Wedi iddo ddywedyd y pethau hyn, vn o’r weinidogion a’r a oedd yn sefyll ger llaw a gernodiodd yr Iesu, gan ddywedyd: ai felly yr wyt ti yn atteb yr arch-offeiriad?

²³A’r Iesu a attebodd iddo, os dywedais yn ddrŵg, testiolaetha o’r drŵg, ac os da, pa ham yr wyt yn fy nharo i?

²⁴Ac Annas a’i hanfonase ef yn rhwym at Caiphas yr arch-offeiriad.

²⁵A Simon Petr oedd yn sefyll, ac yn ymdwymno, ac hwy a ddywedasant wrtho, onid wyt tithe vn o’i ddiscyblon ef? yntef a wadodd, ac a ddywedodd: nag wyf.

²⁶Yna vn o weision yr arch-offeiriad câr i’r hwn y torrase Petr ei glust a ddywedodd, oni welais i di gyd ag ef yn yr ardd?

²⁷A Phetr a wadodd trachefn, ac yn y man y canodd y ceiliog.

²⁸Yna y dugâsant yr Iesu oddi wrth Caiphas i’r dadleu-dŷ, a’r boreu ydoedd, ac nid aethant hwy i mewn i’r dadleu-dŷ rhag eu hologi, fel y gellent fwytta y Pasc.

²⁹Yna Pilat a aeth allan attynt, ac a ddywedodd: pa achwyn sydd gennwch yn erbyn y dŷn hwn?

³⁰Hwy a attebasant, ac a ddywedasant wrtho, oni bai ei fod efe yn ddrwg-weithudd, ni ddodasem ni ef attat ti.

³¹Am hynny y dywedodd Pilat wrthynt, cymmerwch chwi ef, a bernwch ef wrth eich cyfraith chwi, yna yr Iddewon a ddywedasant wrtho, nid rhydd i ni ladd neb.

³²Fel y cyflawnid gair yr Iesu, yr hwn a ddywedase, i arwyddo o ba angeu y bydde efe farw.

³³A Philat a aeth eil-waith i’r dadleu-dŷ, ac a alwodd yr Iesu, ac a ddywedodd wrtho: ai ti yw Brenin yr Iddewon?

³⁴Yr Iesu a attebodd iddo: ai o honot dy hun yr ydwyt yn dywedyd hyn? ai eraill a’i mynagasant i ti am danafi?

³⁵Pilat a attebodd, ai Iddew wyf fi? dy genedl dy hun, a’r arch-offeiriaid a’th ddodasant i mi: beth a wnaethost di?

³⁶Yr Iesu a attebodd: nid yw fy mrenhiniaeth o’r bŷd hwn, pette fy mrehiniaeth i o’r byd hwn, fyng-wasanaethwŷr i a ymdrechent, fel na’m rhoddid i’r Iddewon. Ond yn awr nid yw fy mrenhiniaeth oddi ymma.

³⁷Yna y dywedodd Pilat, wrth hynny ai brenin wyt ti? yr Iesu a attebodd, tydi ydwyt yn dywedyd mai brenin wyfi: er mwyn hyn i’m ganed, ac er mwyn hyn y daethym i’r bŷd i ddwyn testiolaeth i’r gwirionedd: pwy bynnac sydd o’r gwirionedd sydd yn gwrando fy lleferydd.

³⁸Pilat a ddywedodd wrtho, beth yw gwirionedd? ac wedi iddo ddywedyd hyn efe a aeth allan eil-waith at yr Iddewon, ac a ddywedodd wrthynt: nid wyfi yn cael dim achos ynddo ef.

³⁹Y mae gennwch chwi ddefod, i mi ollwng i chwi vn yn rhydd y Pasc, felly a ewyllysiwch i mi ollwng yn rhydd i chwi Frenin yr Iddewon?

⁴⁰Yna y llefasant eil-waith oll gan ddywedyd, nid hwn, ond Barabbas: a’r Barabbas hwnnw oedd leidr.