Read William Morgan Bible 1588 original edition Ioan 20 Bible Online

Ioan 20 - William Morgan Bible 1588 original edition bible

Ioan 20

¹Mair Magdalen, ac Ioan a Phetr yn dyfod ar y bedd. 12 Cysur yr angelion iddynt. 14 Iesu yn ymddangos i Fair Fagdalen. 19 Ac i’r discyblion ddwy-waith, gan gadarnhau ffydd Thomas y waith olaf. [20]A’r dydd cyntaf o’r Sabboth, Mair Magdalen a ddaeth y boreu, ac hi eto yn dywyll at y bedd, ac a weles y maen wedi ei dreiglo oddi ar y bedd.

²Yna y rhedodd hi, ac a ddaeth at Simon Petr, a’r discybl arall yr hwn yr oedd yr Iesu yn ei garu, ac a ddywedodd wrthynt, hwy a ddygâsant yr Arglwydd o’r bedd, ac mi ŵyddom ni pa le y gosodasant ef.

³Yna Petr a aeth allan, a’r discybl arall, ac hwy a ddaethant at y bedd.

⁴Ac a redâsant ill dau ar vn-waith, a’r discibl arall a redodd o flaen Petr, ac a ddaeth yn gyntaf at y bedd.

⁵A phan grymmodd, efe a ganfu y llieiniau wedi eu gosod, ac er hynny nid aeth efe i mewn.

⁶Yna y daeth Simon Petr gan ei ganlyn ef, ac a aeth i mewn i’r bedd, ac a ganfu y lliain wedi ei osod [yno,]

⁷A’r foled yr hon oedd am ei ben ef, heb fod gyd â’r lliain, ond o’r naill-du wedi ei phlygu mewn lle arall.

⁸Yna yr aeth y discybl arall i mewn hefyd, yr hwn a ddaethe yn gyntaf at y bedd, ac a welodd, ac a gredodd.

⁹Canys hyd yn hyn ni ŵyddent yr scrythur, sef bod yn rhaid iddo gyfodi i fynu oddi wrth y meirw.

¹⁰A’r discyblion a aethant eil-waith adref.

¹¹Ond Mair a safodd yn ŵylo wrth y bedd oddi allan, ac fel yr oedd hi yn ŵylo hi a ymostyngodd i’r bedd:

¹²Ac a welodd ddau angel mewn [gwiscoedd] gwynnion yn eistedd, vn wrth ben, a’r llall wrth draed, lle y dodasid corph yr Iesu.

¹³Hwy a ddywedasant wrthi, ô wraig, pa ham yr wyli? a hi a ddywedodd wrthynt: am ddwyn o honynt hwy fy Arglwydd, ac ni wn pa le y dodasant ef.

¹⁴Ac wedi dywedyd o honi hyn, hi a droes drach ei chefn, ac a welodd yr Iesu yn sefyll, ac ni ŵydde hi mai yr Iesu oedd efe.

¹⁵Yr Iesu a ddywedodd wrthi, ô wraig pa ham yr ŵyli? pwy yr wyt yn ei geisio? hithe yn tybied mai gardd-wr oedd efe, a ddywedodd wrtho: arglwydd os dy di a aethost ag ef ymmaith, dywet i mi pa le y dodaist ef, a mi a’i codaf ef ymmaith.

¹⁶Yr Iesu a ddywedodd wrthi, Mair: hithe a droes, ac a ddywedodd wrtho, Rabboni yr hyn sydd gymmaint a phe dywedid, Athro.

¹⁷Yr Iesu a ddywedodd wrthi: na chyffwrdd â mi, o blegit na dderchefais etto at fy Nhâd, eithr dos at fy mrodyr a dywet wrthynt, yr wyf yn derchafu at fy Nhâd i a’ch Tâd chwithau, a’m Duw i, a’ch Duw chwithau.

¹⁸Mair Magdalen a ddaeth gan fynegu i’r discyblion, weled o honi hi yr Arglwydd, a dywedyd o honaw ef hyn wrthi hi.

¹⁹[21]Yna pan aeth hi yn hwyr y dydd cyntaf hwnnw o’r Sabboth, yr oedd y discyblion wedi ymgasclu yng-hŷd a’r drysau yn gaead rhag ofn yr Iddewon, yr Iesu a ddaeth, ac a safodd yn eu plith, ac a ddywedodd wrthynt: Tangneddyf i chwi.

²⁰Ac wedi iddo ddywedyd hyn, efe a ddangosodd iddynt ei ddwylaw, a’i ystlys, yna wrth weled yr Arglwydd, y discyblion a lawenhychâsant.

²¹Yna y dywedodd yr Iesu wrthynt eilwaith, Tangneddyf i chwi, megis y danfonodd fy Nhâd fi, felly yr ydwyf finne yn eich anfon chwithau.

²²Ac wedi iddo ddywedyd hyn, efe a anhedlodd arnynt, ac a ddywedodd wrthynt. Cymmerwch yr Yspryd glân.

²³I bwy bynnac y maddeuoch eu pechodau, maddeuwyd iddynt, i bwy bynnac yr attalioch, hwy a attaliwyd.

²⁴[22]Eithr Thomas vn o’r deuddec yr hwn a elwir Didimus nid oedd gyd â hwynt, pan ddaethe yr Iesu.

²⁵A’r discyblion eraill a ddywedasant wrtho: ni a welsom yr Arglwydd: yntef a ddywedodd wrthynt, oni welwyf yn ei ddwylaw ôl yr hoelion, a dodi fy mŷs yn ôl yr hoelion, a dodi fy llaw yn ei ystlys ef, ni chredaf fi.

²⁶Ac ar ben yr wyth niwrnod, yr oedd ei ddiscyblion ef i mewn eil-waith, a Thomas gyd â hwynt, yr Iesu a ddaeth a’r drysau yn gaead, ac a safodd yn eu canol, ac a ddywedodd, Tangneddyf i chwi.

²⁷Wedi hynny y dywedodd efe wrth Thomas, moes ymma dy fŷs, a gwêl fy nwylaw, ac estyn dy law, a dôd yn fy ystlys, ac na fydd anghredadyn, ond credâdyn.

²⁸A Thomas a attebodd, ac a ddywedodd wrtho: fy Arglwydd a’m Duw.

²⁹Yr Iesu a ddywedodd wrtho: Thomas, am i ti weled y credaist: bendigedic yw y rhai ni welsant, ac a gredâsant.

³⁰A llawer hefyd o arwyddion eraill a wnaeth yr Iesu yng-ŵydd ei ddiscyblion, y rhai nid ynt scrifennedic yn y llyfr hwn.

³¹Eithr y pethau hyn a scrifennwyd fel y credech fod Iesu Grist yn Fab Duw, ac i chwi gan gredu, gael bywyd trwy ei enw ef.