Read William Morgan Bible 1588 original edition Ioan 7 Bible Online

Ioan 7 - William Morgan Bible 1588 original edition bible

Ioan 7

¹6 Iesu yn argyoeddu ymgymmeriad ei geraint. 12 Amryw dyb am Grist ym mhlith y bobl. 17 Efe yn dangos pa ddelw ’r adweinir y gwirionedd. 20 Y camwedd a wnaent ag ef. 47 Y Pharisæaid yn ceryddu y swyddogion am na ddalient ef, 52 Ac yn rhoddi senn i Nicodemus am ddadleu gyd ag ef. AC ar ôl y pethau hyn, Iesu a rodiodd i Galilæa, canys ni fynne efe orymddaith yn Iudæa: o blegit yr Iddewon a geisient ei ladd ef.

²A gŵyl yr Iddewon [sef] gŵyl y pebyll oedd yn agos.

³Am hynny ei frodyr ef a ddywedâsant wrtho, cerdda ymmaith oddi ymma, a dos di i Iudæa, fel y gwelo dy ddiscyblion dy weithredoedd di y rhai yr ydwyt yn eu gwneuthur.

⁴Gan nad oes neb a wnâ ddim yn y dirgel, ac yntef yn ceisio bod yn enwoc: od wyt ti yn gwneuthur y pethau hyn eglura dy hun i’r byd.

⁵Canys nid oedd ei frodyr yn credu ynddo.

⁶Yna’r Iesu a ddywedodd wrthynt hwy, ni ddaeth fy amser i etto: ond eich amser chwi sydd yn wastat yn barod.

⁷Ni ddichon y byd eich casâu chwi, ond efe a’m casâ i: o herwydd fy mod i yn testiolaethu am dano, am fod ei weithredoedd ef yn ddrwg.

⁸Ewch chwi i fynu i’r ŵyl hon, nid âfi i fynu etto i’r ŵyl hon: o blegit ni chyflawnwyd fy amser i etto.

⁹Pan ddywedodd efe y pethau hyn wrthynt hwy, efe a arhosodd yn Galilæa.

¹⁰A chyn-gynted, ac yr aeth ei frodyr ef i fynu, yna yntef a aeth i fynu i’r ŵyl, nid yn oleu, onid megis yn ddirgel.

¹¹Yna’r Iddewon a’i ceisiâsant ef yn yr ŵyl, ac a ddywedâsant, pa le y mae efe?

¹²A murmur mawr oedd a’m dano ef ym mysc y dyrfa: rhai a ddywedent mai gŵr da oedd efe, eraill a ddywedent, nadê, eithr y mae efe yn twyllo’r bobl.

¹³Er hynny ni lefarodd neb yn eglur am dano ef rhag ofn yr Iddewon.

¹⁴Ac yn awr pan ddarfu hanner yr ŵyl, Iesu a aeth i fynu i’r Deml, ac a ddyscodd [y bobl.

¹⁵A’r Iddewon a ryfeddâsant gan ddywedyd: pa fodd y gŵyr hwn yr Scrythurau, [ac yntef er ioed] heb ddyscu?

¹⁶Gan hynny ’r Iesu a’u hattebodd hwynt, ac a ddywedodd: fy nysceidiaeth nid yw eiddo maufi, eithr eiddo yr hwn a’m hanfonodd fi.

¹⁷Os ewyllysia neb wneuthur ei ewyllys ef, efe a gaiff ŵybod am y ddysceidiaeth, pa vn ai o Dduw y mae hi, ai myfi o honof fy hun sydd yn llefaru.

¹⁸Y mae yr hwn sydd yn llefaru o honaw ei hun yn ceisio ei ogoniant ei hun, ond yr hwn sydd yn ceisio gogoniant yr hwn a’i hanfonodd, hwnnw sydd gywir, ac anghyfiawnder nid oes ynddo ef.

¹⁹Oni roddes Moses i chwi gyfraith, ac nid oes neb o honoch yn gwneuthur y gyfraith, a pha ham yr ydych yn ceisio fy lladd i?

²⁰Y bobl a attebodd, ac a ddywedodd, y mae gennit ti gythrael: pwy sydd yn ceisio dy ladd di?

²¹Yr Iesu a attebodd, ac a ddywedodd wrthynt hwythau, vn weithred a wneuthym i, ac y mae yn rhyfedd gennych oll.

²²Moses am hynny a roddes i chwi enwaediad, (nid o herwydd ei fod o Moses eithr o’r tadau,) ac yr ydych chwi yn enwaedu ar ddŷn ar y Sabboth.

²³Os yw dŷn yn derbyn enwaediad ar y Sabboth heb dorri y Sabboth, a ydych chwi yn llidiog wrthifi am wneuthur dŷn ei gyd yn iach ar y Sabboth?

²⁴Na fernwch wrth y golwg, eithr bernwch farn gyfiawn.

²⁵Yna y dywedodd rhai o’r Ierusalomitaniaid: onid hwn yw yr hwn y maent hwy yn ceisio ei ladd?

²⁶Ac wele y mae yn llefaru ar gyhoedd, ac nid ydynt yn dywedyd dim wrtho ef: a ŵybu y pennaethiaid mewn gwirionedd mai hwn sydd Grist yn wir?

²⁷Eithr nyni a wyddom o ba le y mae hwn, a phan ddel Crist ni ŵyr neb o ba le y mae.

²⁸Am hynny yr Iesu yn athrawiaethu yn y deml a lefodd, ac a ddywedodd, chwi a’m hadwaenoch i, ac a ŵyddoch o ba le yr ydwyfi, ac ni ddaethym i o honof fy hun, eithr y mae yn gywir yr hwn am hanfonodd i, yr hwn nid adwaenoch chwi.

²⁹Ond myfi a’i hadwen: o blegit o honaw ef yr ydwyfi, ac efe am hanfonodd i.

³⁰Am hynny hwynt hwy a geisiasant ei ddal, ond ni osododd neb law arno ef, am na ddaethe ei awr ef etto.

³¹A llawer o’r bobl a gredasant ynddo ef, ac a ddywedâsant: pan ddelo Christ a wna efe fwy o arwyddion nâ’r rhai hyn y rhai a wnaeth hwn?

³²Y Pharisæaid a glywsant y bobl yn grwgnach hyn am dano ef, a’r Pharisæaid a’r arch-offeiriaid a anfonasant swyddogion iw ddal ef.

³³Am hynny y dywedodd yr Iesu wrthynt hwy, yr wyfi ychydig o amser gyd â chwi, yna yr wyf yn myned at yr hwn a’m hanfonodd.

³⁴Chwi a’m ceisiwch, ac ni’m cewch, ac lle yr ydwyfi ni ellwch chwi ddyfod.

³⁵Am hynny y dywedodd yr Iddewon yn eu mysc eu hun: i ba le yr aiff hwn fel na chaffom ni ef? a aiff efe at y rhai a wascarwyd ym mysc y Groegiaid, ac a ddysc efe y Groegiaid?

³⁶Pa ymadrodd yw hwn a ddywedodd efe? chwi a’m ceisiwch, ac ni’m cewch, ac lle yr ydwyfi ni ellwch chwi ddyfod.

³⁷Ac ar y dydd mawr diwethaf o’r ŵyl yr Iesu a safodd, ac a lefodd gan ddywedyd, od oes ar neb syched, deued attafi, ac yfed.

³⁸Yr hwn sydd yn credu ynofi (megis y dywedodd yr scrythyr) afonydd o ddwfr bywiol a ddilifant o’i groth ef.

³⁹(A hyn a ddywedodd efe am yr Yspryd, yr hwn a gae y rhai a gredent ynddo ef ei dderbyn: canys etto ni buase yr Yspryd glân, am na ogoneddasid yr Iesu etto)

⁴⁰Am hynny llawer o’r bobl, wedi clywed yr ymmadrodd [hwn] a ddywedasant, yn wir hwn yw’r prophwyd.

⁴¹Eraill a ddywedasant, hwn yw Crist, ac eraill a ddywedasant, ai o’r Galilæa y daw Crist?

⁴²Ond ydyw yr scrythyr yn dywedyd, mai o hâd Dafydd, ac o dref Bethlehem lle y bu Dafydd, y daw Crist?

⁴³Felly yr aeth ymbleidio ym mysc y bobl o’i blegit ef.

⁴⁴A rhai o honynt a fynnasent ei ddal ef, ond ni osododd neb ddwylo arno ef.

⁴⁵Felly y daeth y swyddogion at yr archoffeiriaid a’r Pharisæaid, ac hwynt hwy a ddywedasant wrthynt hwy: pa ham na ddugasoch chwi ef?

⁴⁶A’r swyddogion a attebasant, ni lefarodd dyn er ioed fel y dŷn hwn.

⁴⁷Yna y Pharisæaid a attebasant, a hudwyd chwithau?

⁴⁸A gredodd neb o’r pennaethiaid ynddo ef, neu o’r Pharisæaid?

⁴⁹Eithr y gwerin hyn y rhai ni ŵyddant y gyfraith sydd felldigedig.

⁵⁰Nicodemus a ddywedod wrthynt, (yr hwn a ddaethe at yr Iesu [liw] nos, ac oedd vn o honynt hwy)

⁵¹A ydyw ein cyfraith ni yn barnu neb oddieithr clywed ganddo ef yn gyntaf, a gŵybod beth a wnaeth efe?

⁵²Hwythau a attebasant, ac a ddywedasant wrtho ef: a ydwyt tithe o Galilæa? chwilia a gwêl na chododd prophwyd o Galilæa.

⁵³Ac fe aeth pob vn iw dŷ.