Read William Morgan Bible 1588 original edition Gweithredoedd yr Apostolion 1 Bible Online

Gweithredoedd yr Apostolion 1 - William Morgan Bible 1588 original edition bible

Gweithredoedd yr Apostolion 1

¹Geiriau Crist a’i angelion wrth yr Apostolion, 9 derchafiad Crist, 15 dewis Matthias. [1]Mi a orphennais y traethawd cyntaf ô Theophilus am yr holl bethau y rhai a ddechreuodd yr Iesu eu gwneuthur a’u dyscu,

²Hyd y dydd y derbyniwyd ef i fynu, wedi iddo trwy yr Yspryd glân roddi gorchymyn i’r Apostolion y rhai a etholase efe.

³I’r rhai, wedi iddo ef ddioddef yr ymddangosodd efe yn fyw trwy lawer o arwyddion siccr, gan fod yn weledig iddynt tros ddeugain nhiwrnod, ac yn ymddiddan yng-hylch pethau o deyrnas Dduw.

⁴ Ac wrth gyttal â hwynt, efe a orchymynodd iddynt, nad elent ymmaith o Ierusalem, eithr disgwil am addewid y Tad, yr hwn (eb efe) a glywsoch gennifi.

⁵ Canys Ioan yn ddiau a fedyddiodd â dwfr, ond chwi a fedyddir â’r Yspryd glân cyn nemmawr o ddyddiau.

⁶Am hynny wedi dy fod o honynt yng-hyd, y gofynnasant iddo gan ddywedyd: Arglwydd ai’r pryd hyn y rhoddi trachefn y frenhiniaeth i Israel?

⁷Ac efe a ddywedodd wrthynt, ni pherthyn i chwi ŵybod yr amseroedd na’r prydiau y rhai a osodes y Tad yn ei feddiant ei hun.

⁸ Eithr chwi a dderbynniwch rinwedd yr Yspryd glân, wedi y delo efe arnoch: a chwi a fyddwch dystion i mi yn Ierusalem, ac yn holl Iudæa, a Samaria ac hyd eithafoedd y ddaiar.

⁹Ac wedi iddo ddywedyd hyn, a hwyntwy yn edrych, y cyfodwyd ef i fynu, ac wybren a’i cymmerodd ef i fynu o’u golwg hwy.

¹⁰Ac fel yr oeddynt yn tremmu yn graff tu a’r nef ac efe yn myned, wele, dau ŵr a safasant ger llaw iddynt mewn gwisc wenn.

¹¹Y rhai a ddywedasant: chwi wŷr o Galilæa, pa ham y sefwch yn edrych tu a’r nef? yr Iesu hwn, yr hwn a gymmerwyd i fynu oddi wrthych i’r nef, a ddaw yr vn modd ac y gwelsoch ef yn myned i’r nef.

¹²Yna y troesant i Ierusalem o’r mynydd a elwir [mynydd] Olewydd yr hwn sydd yn agos i Ierusalem, sef taith [diwrnod] Sabboth.

¹³Ac wedi dyfod i mewn, yr aethant i’r llofft lle yr oeddynt hwy yn aros, sef Petr, ac Iaco, ac Ioan, ac Andreas, Philip a Thomas, Bartholomew a Mathew, Iaco [mab] Alpheus, a Simon Zelotes, ac Iudas [brawd] Iaco.

¹⁴A’r rhai hyn oll yn gytunol oeddynt yn parhau mewn gweddi ac ymbil, yng-hyd â’r gwragedd, ac â Mair mam Iesu, a chyd â’i frodyr ef.[2]

¹⁵A’r dyddiau hynny Petr yn cyfodi i fynu yng-hanol y discyblion a ddywedodd (ac yr oedd o rifedi pobl yn yr vn lle yng-hylch vgain [a] chant)

¹⁶Ha wŷr, frodyr, yr oedd yn rhaid cyflawni yr scrythur ymma, yr hon y rhagddywedodd yr Yspryd glân trwy enau Dafydd am Iudas, yr hwn a fu flaenor i’r rhai a ddaliasant yr Iesu.

¹⁷Canys cyfrifwyd ef yn ein plith ni, ac efe a gawse rann o’r weinidogaeth hon.

¹⁸Ac efe a feddiannodd faes gobrwy anwiredd, ac wedi ymgrogi efe a dorrodd yn ddwyran yn ei ganol, a’i holl ymyscaroedd a dywalltwyd allan.

¹⁹Ac y mae hyn yn eglur i holl bresswylwyr Ierusalem, hyd oni elwir y maes hwn, â’u tafod priodol hwy, Aceldama, hyn yw, maes y gwaed.

²⁰Canys scrifennedic yw yn llyfr y Psalmau, bydded ei drigfan ef yn ddiffaethwch, ac na bydded a drigo ynddi, a chymmered arall ei escobaeth ef.

²¹Am hynny y mae yn rhaid (o’r gwŷr a fu yn ein cymdeithas ni yr holl amser yr aeth yr Arglwydd Iesu i mewn ac allan yn ein plith ni,

²²Gan ddechreu o fedydd Ioan, hyd y dydd yn yr hwn y cymmerwyd ef i fynu oddi wrthym ni) bod vn gyd â ni yn dyst o’r ailgyfodiad ef,

²³Ac hwy a osodasant ddau ger bron, Ioseph yr hwn a henwid Bersabas ac a gyfenwid Iustus, a Matthias.

²⁴A chan weddio hwy a ddywedasant: Tydi Arglwydd yr hwn a ŵyddost galonnau pawb, dangos pa vn o’r ddau hyn a etholaist,

²⁵I dderbyn swydd y weinidogaeth hon, a’r Apostoliaeth o’r hon y cyfeiliornodd Iudas, i fyned iw le ei hun.

²⁶Ac hwy a fwriasant goel-brennau, ac ar Matthias y syrthiodd y coel-bren, ac efe a gyfrifwyd gyd â’r vn Apostl ar ddêc.