Read William Morgan Bible 1588 original edition Gweithredoedd yr Apostolion 18 Bible Online

Gweithredoedd yr Apostolion 18 - William Morgan Bible 1588 original edition bible

Gweithredoedd yr Apostolion 18

¹Paul yn gweithio â’i ddwylo. 4 Yn Pregethu yn Corynth, ac yn ymresymmu. 24 Clôd Apollos, Aquila a Phriscilla. Yn ôl hyn, Paul a ymadawodd ag Athen, ac a ddaeth i Corynth.

²Ac wedi cael gafael ar Iddew a’i enw Anuila yr hwn a hanoedd o Pontus wedi dyfod yn hwyr o’r Ital ai wraig Priscilla (am orthymmyn o Elaudius i’r Iddewon oll fyned allan o Rufain) efe a ddaeth attynt:

³A chan ei fod o’r vn gelfyddyd, efe a arhoes, ac a weithiodd gyd a hwynt: a’u celfyddyd ydoedd gwneuthur pebyll.

⁴Ac efe a ymresymmodd yn y Synagog bôb Sabboth, ac efe a gynghorodd yr Iddewon a’r Groegiaid.

⁵Ac wedi dyfod Silas a Thimotheus o Macedonia, Paul a yrrwyd gan yr Yspryd i destiolaethu i’r Iddewon, mai Iesu oedd Crist.

⁶A hwyntau yn gwrthwynebu, ac yn cablu, efe a escydwodd ei ddillad, ac a ddywedodd wrthynt, bydded eich gwaed ar eith pen eich hunain: yr wyfi yn lan, yn ôl hyn yr âf ac y cenhedloedd.

⁷Ac efe a aeth oddi yno, ac a aeth i mewn i dy vn a enwid Iustus yr hwn oedd yn gwasanaethu Duw, tŷ yr hwn oedd yn gyfagos i’r Synagog.

⁸Ac [vn] Crispus pen-synagogydd a gredodd yn yr Arglwydd, a’i holl dŷ: a llawer o’r Corinthiaid wrth ei wrando a gredâsant, ac a fedyddiwyd.

⁹A’r Arglwydd a ddywedodd liw nos wrth Paul trwy weledigaeth, nac ofna, eithr traetha, ac na thaw.

¹⁰Canys yr wyfi gyd â thi, ac ni esyd neb arnat i wneuthur niwed i ti: herwydd y mae i mi bobl lawer yn y ddinas hon.

¹¹Ac efe a arhoes flwyddyn a chwe-mis yno, yn dyscu iddynt air Duw.

¹²Eithr Pan oedd Gal-lio yn rhaglaw o Achaia, y cyfododd yr Iddewon yn vnfryd yn erbyn Paul, ac a’i dugasant ef i’r frawdle:

¹³Gan ddywedyd: y mae hwn yn annog dynion i addoli Duw yn erbyn y ddeddf.

¹⁴Ac fel yr oedd Paul yn amcanu agoryd ei enau, y dywedodd Gal-lio wrth yr Iddewon: pe buase gam, neu ddrwg weithred (ô Iddewon,) mi a gyd ddygwn â chwi wrth reswm.

¹⁵Eithr os yw’r ymrafael am ymadrodd, ac enwau, ac am eich deddf chwi, edrychwch eich hunain: canys ni byddaf fi farn-wr am y pethau hynny.

¹⁶Ac efe a’u gyrrodd hwynt o’r frawdle.

¹⁷Yna y Groeg-wŷr oll a gymmerasant Sosthenes y pen-synagogydd, ac a’i tarawsant o flaen y frawdle, ac nid oedd Gal-lio yn gofalu am ddim o’r pethau hynny.

¹⁸Ac wedi i Paul aros yn chwaneg lawer o ddyddiau, efe a gymmerodd ei gennad gan y brodyr, ac a fordwyodd i Syria, a Phriscilla, ac Aquila gyd ag ef, gwedi iddo eillio ei ben yn Cenchrea: canys efe a wnaethe adduned.

¹⁹Ac efe a ddaeth i Ephesus, ac au gadawodd hwynt yno, eithr efe a aeth i’r Synagog, ac a ymresymmodd â’r Iddewon.

²⁰A phan geisiasant ganddo aros yn hwy gyd â hwynt, ni chaniattae efe [hynny:]

²¹Eithr efe a gymmerodd ei gennad ganddynt gan ddywedyd, y mae yn angenrhaid i mi gadwyr ŵyl hon sydd yn agos yn Ierusalem, ond os myn Duw mi a ddeuaf yn fy ôl attoch eil waith: ac efe a aeth ymmaith o Ephesus.

²²Ac wedi iddo ddyfod i wared i Cæsarea, efe a aeth i fynu i [Ierusalem,] ac a gyfarchodd yr eglwys, ac a ddaeth i wared i Antiochia.

²³Ac wedi iddo aros yno ennyd, efe a aeth ymmaith; gan drammwy trwy wlad Galacia, a Phrygia, a chadarnhau yr holl ddiscyblion.

²⁴Eithr rhyw Iddew, a’i enw Apollos yr hwn a anesid yn Alexandria, gŵr ymadroddus, cardarn yn yr y scrythyrau a ddaeth i Ephesus:

²⁵Hwn oedd wedi dechreu dyscu iddo ffordd yr Arglwydd, ac yn boeth ei yspryd, efe a draethodd, ac a athrawodd yn ddiwyd bethau yr Arglwydd, ac ni wydde ond bedydd Ioan.

²⁶A hwn a ddechreuodd draethu yn hydêrus yn y Synagog: a phan glybu Aquila a Phryscilla hwn, hwy ai cymmerasant ef attynt, ac a agorasant ffordd Dduw yn fanylach.

²⁷A phan ewyllysiodd efe fyned i Achaia, y brodyr gan ei annog ef, a scrifennasant at y discyblion iw dderbyn ef, ac wedi iddo fyned yno, efe a wnaeth lawer o lesâd i’r rhai a gredâsent trwy râs.

²⁸Canys efe a geryddodd yr Iddewon ar osteg yn ddirfing, gan ddangos trwy yr scrythyrau mai Iesu yw Crist.