Read William Morgan Bible 1588 original edition Gweithredoedd yr Apostolion 6 Bible Online

Gweithredoedd yr Apostolion 6 - William Morgan Bible 1588 original edition bible

Gweithredoedd yr Apostolion 6

¹Vrddiad saith o ddiaconiaid yn yr Eglwys, dysc Stephan. 11 A’i gyhuddiad. Yn y dyddiau hynny pan amlhaodd y discyblion y cyfodes murmur gan y Groegiaid yn erbyn yr Hebræaid, am ddirmygu eu gwragedd gweddwon hwy, yn y weinidogaeth feunyddol.

²Yna’r deuddêc a alwasant yng-hyd y lliaws discyblion, ac a ddywedasant: nid yw gymhesur i ni adel gair Duw, a gwasanaethu byrddau.

³Am hynny frodyr, edrychwch yn eich plith am saith o wŷr o air da, llawn o’r Yspryd glân, a doethineb, y rhai a osodom yn hyn o orchwyl.

⁴Eithr nyni a barhawn mewn gweddi, a gweinidogaeth y gair.

⁵A bodlon fu gan yr holl dyrfa yr ymadrodd ymma, a hwy a etholasant Stephan gŵr llawn o ffydd ac o’r Yspryd glân, a Philip, a Phrochorus, Nicanor, a Thimon, a Pharmenas, a Nicholas y proselyt o Antiochia.

⁶Y rhai a osodasant hwy ger bron yr Apostolion, ac wedi iddynt weddio, hwy a osodasant eu dwylo arnynt hwy.

⁷Yna y cynnyddodd gair Duw, ac yr amlhaodd rhifedi y discyblion yn ddirfawr yn Ierusalem, a llawer o’r offeiriaid a vfuddhasant i’r ffydd.

⁸Eithr Stephan yn llawn ffydd, a nerth, a wnaeth refeddodau a gwyrthiau mawr ym mysc y bobl.

⁹Yna y cyfodes rhai o’r synagog a elwir Libertiniaid, a Cyreniaid, ac o Alexandria, ac o’r rhai sy o Cilicia, ac Asia, ac a ymddadleuasant â Stephan.

¹⁰Ac ni allent wrthwynebu y doethineb, na’r Yspryd, drwy yr hwn yr ymadroddodd efe.

¹¹Yna y gosodasant wŷr i ddywedyd, nyni a’i clywsom ef yn dywedyd geiriau cablaidd yn erbyn Moses a Duw.

¹²Ac hwy a gyffroasant y bobl, a’r henuriaid, a’r scrifennyddion, ac a ruthrâsant iddo, ac a’i cippiasant ef, ac a’i dugasant at y cyngor.

¹³A hwy a osodâsant gau dystion y rhai a ddywedent: nid yw y dyn hwn yn peidio a dywedyd cabl eiriau yn erbyn y lle sanctaidd hwn, a’r gyfraith:

¹⁴Canys nyni a’i clywsom ef yn dywedyd, yr Iesu hwn o Nazareth a ddestruwia y lle ymma, ac a newidia y defodau a roddes Moses i ni.

¹⁵A phan edrychodd y rhai oeddynt yn eistedd yn y cyngor arno ef oll, hwy a welent ei wyneb fel wyneb angel.