Read William Morgan Bible 1588 original edition Gweithredoedd yr Apostolion 9 Bible Online

Gweithredoedd yr Apostolion 9 - William Morgan Bible 1588 original edition bible

Gweithredoedd yr Apostolion 9

¹Saul yn troi i’r ffydd. 33 Petr yn iachau Aeneas. 40 Ac yn cyfodi Tabitha. [7] A Saul etto yn chwythu bygythiadau a chelanedd yn erbyn dyscyblion yr Arglwydd, a aeth at yr arch-offeiriad:

²Ac a deisyfiodd lythyrau ganddo i Ddamascus at y Synagogau, fel o chae efe na gwŷr na gwragedd yn bôd o’r ffydd hon, y galle efe eu dwyn yn rhwym i Ierusalem.

³Ac fe ddarfu (fel yr oedd efe ar ei daith) iddo ddyfod yn gyfagos i Ddamascus, ac fe a lewyrchodd o’i amgylch yn ddisymmwth oleuni o’r nef.

⁴Ac efe a syrthiodd ar y ddaiar, ac a glybu lais yn dywedyd wrtho, Saul, Saul, pa ham yr ydwyt yn fy erlid i?

⁵Yntef a ddywedodd, pwy wyt ti Arglwydd? a’r Arglwydd a ddywedodd: myfi yw Iesu yr hwn yr wyt ti yn ei erlid, anhawdd yw i ti wingo yn erbyn y swmbwl.

⁶Yntef yn crynnu, ac yn ofni a ddywedodd, Arglwydd beth a fynni di i mi ei wneuthur? a’r Arglwydd a ddywedodd, cyfot dos i’r ddinas, ac fe a ddywedir i ti pa beth a fydd rhaid i ti ei wneuthur.

⁷A’r gwŷr y rhai oeddynt yn cyd-teithio ag ef, a safasant yn synn, gan glywed y llais, ac heb weled neb.

⁸A Saul a gyfododd oddi ar y ddaiar, a phan agorodd efe ei lygaid, ni wele efe neb: eithr hwy a’i tywysasant ef erbyn ei law, ac a’i dugasant ef i mewn i Ddamascus.

⁹Ac efe a fu dri-diau heb weled, ac ni wnaeth na bwyta nac yfed.

¹⁰Ac yr oedd yn Damascus ryw ddiscybl a’i enw Ananias, wrth yr hwn y dywedodd yr Arglwydd mewn gweledigaeth: Ananias, ac yntef a ddywedodd, wele fi Arglwydd.

¹¹A’r Arglwydd a ddywedodd wrtho, cyfot a dos i’r heol a elwir Iniawn, a chais yn nhŷ Iudas vn ai enw Saul o Tharsus: canys wele, y mae yn gweddio.

¹²Ac yntef a wele drwy weledigaeth ŵr a’i enw Ananias yn dyfod i mewn, ac yn dodi ei ddwylaw arno, fel y gwele eil-waith.

¹³Yna yr attebodd Ananias, ô Arglwydd, clywais gan lawer am y gŵr hwnnw, faint o ddrygau a wnaeth efe i’th sainct di yn Ierusalem.

¹⁴Hefyd y mae ganddo ymma awdurdod oddi wrth yr arch-offeiriaid i rwymo pawb a alwo ar dy enw.

¹⁵A dywedodd yr Arglwydd wrtho: dos ymmaith, canys y mae hwn yn llestr etholedic i mi, i ddwyn fy enw ger bron y cenhedloedd, a brenhinoedd, a phlant Israel.

¹⁶Canys mi a ddangosaf iddo, pa bethau eu maint y bydd rhaid iddo ef eu dioddef er mwyn fy enw i.

¹⁷Yna Ananias a aeth ymmaith, ac a aeth i mewn i’r tŷ, ac a osododd ei ddwylo arno, ac a ddywedodd, y brawd Saul, yr Arglwydd Iesu am hanfonodd (yr hwn a ymddangosodd i ti ar y ffordd wrth ddyfod) fel y gwelech eil-waith ac i’th lanwer â’r Yspryd glân.

¹⁸Ac yn ebrwydd y descynnodd oddi wrth ei olwg megis cenn, ac efe a gafodd ei olwg yn y man, ac efe a gyfododd, ac a fedyddiwyd.

¹⁹Ac wedi iddo gymmeryd bwyd, efe a gryfhâodd, yna y bu Saul ennyd o ddyddiau gyd â’r discyblion y rhai oedd ynt yn Damascus.

²⁰Ac efe yn ebrwydd a bregethodd Grist yn y Synagogau, mai Mab Duw ydoedd efe.

²¹A phawb a’r a’i clybu ef a synnasant, ac a ddywedasant, ond dymma efe yr hwn oedd yn difetha y rhai a alwent ar yr enw hwn yn Ierusalem, ac a ddaeth ymma er mwyn hyn [sef] iw dwyn hwynt yn rhwym at yr arch-offeiriaid?

²²Eithr, Saul a gynnyddodd fwy-fwy o nerth, ac a orchfygodd yr Iddewon y rhai oeddynt yn presswylio yn Damascus, gan gadarnhau mai hwn yw Crist.

²³Ac wedi cyflawni llawer o ddyddiau, y cyd ymgynghorodd yr Iddewon am ei ladd ef:

²⁴Eithr eu cydfwriad hwy a ŵybu Saul, a hwy a* ddisgwiliasant y pyrth ddydd a nôs iw ladd ef.

²⁵Yna y discyblion a’i cymmerâsant ef o hŷd nôs, ac a’i danfonasant dros y mur gan ei ollwng i wared mewn basced.

²⁶A phan ddaeth Saul i Ierusalem, efe a geisiodd ymwascu a’r discyblion, ac yr oeddynt oll yn ei ofni ef, heb gredu ei fod efe yn ddiscybl.

²⁷Eithr Barnabas a’i cymmerodd ef, ac ai dug at yr Apostolion, ac a fynegodd iddynt pa fodd y gwelse efe yr Arglwydd ar y ffordd, ac ymddiddan o honaw ag ef: ac mor hyderus fuase efe yn Damascus yn enw yr Iesu.

²⁸Ac yr oedd efe yn myned i mewn, ac allan gyd â hwynt yn Ierusalem:

²⁹Ac a lefarodd yn eofn yn enw yr Arglwydd Iesu, ac efe a ymddiddanodd, ac a ymddadleuodd yn erbyn y Grog-wŷr, a hwynt a geisiasant ei ladd ef:

³⁰Yr hwn beth pan ŵybu y brodyr, hwy a’i dugasant ef i Cæsarea, ac a’i gyrrasant ef i Tharsus.

³¹Yna yr oedd yr eglwysi yn cael heddwch trwy holl Iudaea, Galilæa, a Samaria, a hwy a adailadwyd gan rodio yn yr Arglwydd, ac a amlhauwyd drwy ddiddanwch yr Yspryd glân.

³²Bu hefyd i Petr, fel yr oedd yn trammwy trwy bob [gwlâd] iddo ef ddyfod hefyd at y sainct y rhai oeddynt yn trigo yn Lyda.

³³Ac yno y cafodd efe ryw ŵr a’i enw Aeneas, yr hwn a fuase wyth mlynedd yn gorwedd yn ei wely, ac oedd yn glaf o’r parlys.

³⁴A Phetr a ddywedodd wrtho, Ananias: Iesu Grist sydd i’th iachau, cyfot, a gwna dy wely, ac efe a gyfododd yn ebrwydd.

³⁵A phawb a’i gwelodd o’r rhai a bresswylient yn Lyda a Saron, ac a ymchwelasant ac yr Arglwydd.

³⁶Hefyd yr oedd yn Ioppa ryw ddiscybles a’i henw Tabitha, (yr hon os cyfieithir a elwir Dorcas) yr hon oedd gyfoethog o weithredoedd da, ac elusenau y rhai a wnaethe hi.

³⁷Ac fe a ddarfu y dyddiau hynny iddi hi o glefyd farw, ac wedi iddynt ei golchi, hwy a’i dodasant mewn lloft.

³⁸Ac o herwydd bod Lyda yn agos i Ioppa, y discyblion (yn clywed fod Petr yno) a anfonasant ddau ŵr atto ef, i ddeisyf, nad oede efe ddyfod hyd attynt hwy.

³⁹A Phetr a gyfodes, ac a ddaeth gyd â hwynt, ac wedi iddo ddyfod, hwy a’i ddugasant i’r lloft, ac yr oedd yr holl wragedd gweddwon yn sefyll o’i amgylch yn ŵylo, ac yn dangos y peisiau a’r gwiscoedd a wnaethe Dorcas tra ydoedd hi gyd â hwynt.

⁴⁰Yna Petr a’u bwriodd hwy allan oll, ac o ostyngodd ar ei liniau, ac a weddiodd: ac a droes at y corph, ac a ddywedodd, Tabitha, cyfot, ac hi a agorodd ei llygaid, o phan welodd hi Petr, hi a eisteddodd i fynu.

⁴¹Ac efe a roddodd ei law iddi, ac a’i cyfododd hi i fynu, ac efe a alwodd y sainct, a’r gwragedd gweddwon, ac efe a’i dangosodd hi yn fyw,

⁴²A [hyn] fu hyspys dros holl Ioppa, a llawer a gredasant yn yr Arglwydd.

⁴³A bu i Petr aros yn Ioppa lawer o ddyddiau gyd ag vn Simon barcer.