Read William Morgan Bible 1588 original edition Rhufeiniaid 1 Bible Online

Rhufeiniaid 1 - William Morgan Bible 1588 original edition bible

Rhufeiniaid 1

¹2 Y mae Paul yn dangos gan bwy, ac i ba beth y galwyd ef. 13 Ei barawd ewyllys ef i ymweled â hwynt. 16 Pa beth yw’r Efengyl. 20 Mwyniant y creaduriaid, ac i ba beth y gwnaethpwyd hwy. 21.24 Angharedigrwydd, drygioni, a phoen yr annuwiol. Paul gwasanaethwr Iesu Grist, yr hwn a alwyd yn Apostol, ac a nailltuwyd i Efengyl Dduw,

²(Yr hon a ragaddawse efe trwy ei brophwydi yn yr scrythurau sanctaidd)

³Am ei Fab Iesu Grist ein Arglwydd ni (yr hwn a ddaeth o hâd Dafydd o ran y cnawd:

⁴Ac a egurwyd yn nerthol yn Fab Duw, yn ôl Yspryd sancteiddiad, trwy adgyfodiad y meirw)

⁵Trwy’r hwn y derbynniasom ni râs ac Apostoliaeth (fel y bydde vfydd-dod i’r ffydd) yn ei enw ef ym mhlith yr holl genhedloedd,

⁶Ym mysc y rhai yr ydych chwi hefyd yn alwedigion Iesu Grist:

⁷Attoch oll y rhai sy yn Rhufein yn annwyl gan Dduw wedi eich galw [i fod] yn sainct: Grâs fyddo i chwi, a thangneddyf gan Dduw ein Tad, a chan yr Arglwydd Iesu Grist.

⁸Ac yn gyntaf yr wyf yn diolch i’m Duw trwy Iesu Grist trosoch-chwi oll, o blegit bod eich ffydd chwi yn gyhoeddus tros yr holl fyd.

⁹Canys Duw sydd yn dyst i mi (yr hwn yr ydwyf yn ei wasanaethu yn fy yspryd yn Efengyl ei Fab ef) fy mod yn ddibaid yn gwneuthur coffa am danoch

¹⁰Yn oestadol yn fyng-weddiau, gan ddeisyf cael o honof ryw amser weithiau rwyddhynt ryw fodd trwy ewyllys Duw, i ddyfod attoch.

¹¹Canys y mae yn hir gennif nes eich gweled, fel y gallwyf gyfrannu i chwi ryw ddawn ysprydol, i’ch cadarnhau:

¹²Hynny yw, i ymgyssuro gyd â chwi trwy ffydd ei gilydd: [sef] yr eiddoch chwi a minne.

¹³Ac ni fynnwn i ô frodyr na’s gwyddech arfaethu o honof yn fynych ddyfod attoch, (eithr mi a luddiwyd hyd yn hyn) fel y caffwn beth ffrwyth hefyd yn eich plith chwithau, megis y mae i mi ym-mhlith y cenhedloedd eraill.

¹⁴Dyled-ŵr ydwyf i’r Groegiaid, ac i’r Barbariaid hefyd, i’r doethion, ac i’r annoethion hefyd.

¹⁵Am hynny, hyd y gallwyf, parod ydwyf i bregethu yr Efengyl i chwithau hefyd y rhai ydych yn Rhufain.

¹⁶Canys nid cywilyddus gennif Efengyl Grist, o blegit gallu Duw yw hi i iechydwriaeth, i bob vn ar sydd yn credu: i’r Iddew yn gyntaf, a hefyd i’r Groeg-wr.

¹⁷Canys trwyddi hi y datcuddir cyfiawnder Duw o ffydd i ffydd: megis y mae yn scrifennedig.y cyfiawn fydd byw trwy ffydd.

¹⁸Canys digofaint Duw a ddatcuddiwyd o’r nef yn erbyn pob annuwioldeb, ac ang-hyfiawnder dynion, y rhai ydynt yn attal y gwirionedd mewn ang-hyfiawnder.

¹⁹Canys cymmaint ac a ellir ei ŵybod am Dduw sydd amlwg ynddynt hwy: canys Duw a’i hamlygodd iddynt.

²⁰O blegit ei anweledigion bethau ef, [nid amgen] ei allu tragywyddol a’i dduwdod y rhai a ddehellir wrth y pethau a wnaed o greddwriaeth y byd, megis y byddent hwy yn ddiescus.

²¹O blegit hwynt hwy yn adnabod Duw, ni roesant ogoniant iddo megis i Dduw, ac ni ddiolchasant iddo, eithr ofer fuant yn eu rhesymmau, a’u calon anneallgar ydoedd yn llawn tywyllwch.

²²Pan dybient eu bod eu hunain yn ddoethion, ffyliaid oeddent.

²³Canys hwynt hwy a newidiasant ogoniant yr anllygredic Dduw, i lun delw lygredic ddyn, ac ehediaid, ac anifeiliaid pedwar carnol, ac ymlusciaid.

²⁴O herwydd pa ham y rhoes Duw hwy i fynu yn nhrachwantau eu calonnau, i aflendid, i amherchi eu cyrph eu hun yn eu plith eu hunain:

²⁵Y rhai a droasant wirionedd Duw yn gelwydd, ac a addolasant, ac a wasanaethasant y creadur yn fwy nâ’r Creawdr yr hwn sydd fendigedic yn oes oesoedd, Amen.

²⁶O blegit hynny y rhoddes Duw hwynt i fynu i wyniau gwarthus: canys eu gwragedd hwy a newidiasant yr arfer anianol i’r hon sydd yn erbyn anian.

²⁷Ac yn gyffelyb hefyd y gwŷr gan adel yr arfer naturiol o’r wraig, a ymloscent yn eu hawydd iw gilydd, gan i’r gwrywaid wneuthur yr hyn oedd warthus â gwrywaid, a derbyn ynddynt eu hunain y cyfryw dâl tros eu cyfeiliorni, ac ydoedd raid.

²⁸Canys megis ni bu wiw ganddynt hwy adnabod Duw, felly y rhoddes Duw hwynt i fynu i feddwl amghymmeradwy i wneuthur y pethau nid oeddynt weddaidd,

²⁹Yn llawn o bob anghyfiawnder, godineb anwiredd, cribddeiliaeth, drygioni: yn llawn cenfigen, llofruddiaeth, cynnen, twyll, drwganwydau:

³⁰Yn hystingwŷr, yn athrodwŷr, yn gâs ganddynt Dduw, yn drahaus, yn feilchion, yn ffrostwŷr yn ddychymmygwŷr drygioni, yn anufydd iw rhieni.

³¹Yn angall, yn rhai yn torri ammod, yn angharedig, yn anghymmodlon, yn anhrugarogion.

³²Rhai yn gŵybod cyfraith Dduw (fod y rhai sy yn gwneuthur y cyfryw bethau, yn hauddu marwolaeth) [ydynt] nid yn vnic yn gwneuthur y pethau hyn, eithr hefyd yn cydsynnio â’r rhai sy yn eu gwneuthur hwynt.