Read William Morgan Bible 1588 original edition Rhufeiniaid 11 Bible Online

Rhufeiniaid 11 - William Morgan Bible 1588 original edition bible

Rhufeiniaid 11

¹Y mae yn dangos na lwyr wrthododd Duw yr Israeliaid. 29 Am fod donniau Duw yn ddianwadal. 33 A bod barnedigaeth Dduw morr anchwiliadwy, ac morr ddirgel ag na ddichon neb ddyfod iddi hi. Am hynny meddaf, a wrthododd Duw ei bobl? na atto Duw: canys minne hefyd wyf Israeliad o hâd Abraham, o lwyth Beniamin.

²Ni wrthododd Duw ei bobl y rhai a adnabu efe yn y blaen, oni ŵyddoch pa beth y mae yr scrythur yn ei ddywedyd am Elias? pa fodd y mae efe yn eiriol ar Dduw yn erbyn yr Israel, gan ddywedyd?

³Oh Arglwydd, hwy a laddasant dy brophwydi, ac a gloddiasant i’r llawr dy allorau: ac myfi a adawyd yn vnic, ac y maent yn ceisio fy einioes inne.

⁴Eithr pa beth y mae atteb Duw yn ei ddywedyd wrtho? gadewais i mi fy hun saith mil o wŷr, y rhai ni phlygasant eu glinau i Baal.

⁵Felly y pryd hyn y mae gweddill trwy’r etholedigaeth o râs.

⁶Ac os o râs nid o weithredoedd: os amgen nid yw grâs yn râs mwyach, ac os o weithredoedd, nid yw yn râs mwyach: pe amgen ni bydde gweithred mwy yn weithred.

⁷Beth ynte? ni chafas Israel yr hyn y mae yn ei geisio: eithr yr eitholedigaeth a’i cafas, a’r lleill a galedwyd.

⁸Megis y mae yn scrifennedic: rhoddes Duw iddynt yspryd trym-gwsc: llygaid fel na welant, a chlustiau fel na chlywant hyd y dydd heddyw.

⁹Ac y mae Dafydd yn dywedyd: Byddet eu bord hwy yn fagl ac yn rhwyd ac yn rhwystr, ac yn daledigaeth iddynt.

¹⁰Tywyller eu llygaid hwy fel na welant, a chrymma di eu cefnau bob amser.

¹¹Gan hynny meddaf, a dramgwyddasant hwy fel y cwympent ymmaith? na atto Duw: eithr trwy eu cwymp hwy y daeth iechydwriaeth i’r cenhedloedd i yrru eiddigedd arnynt.

¹²O herwydd pa ham os ydyw eu cwymp hwy yn olud i’r byd, a’u lleihâd hwy yn gyfoeth cenhedloedd, pa faint mwy y bydd eu cyfiawnder hwy?

¹³Canys meddaf i chwi y cenhedloedd, yn gymmeint a’m bôd i yn Apostol y cenhedloedd yr wyf yn mawrhau fy swydd:

¹⁴[Er ceisio] yn rhyw fodd yrru eiddigedd os [fyng-hig am gwaed] fy hun ar achub rai o honynt.

¹⁵Canys os eu gwrthodiad hwy yw cymmod y byd, beth rydd eu derbynniad, onid bywyt o feirw.

¹⁶Canys os y blaen-ffrwyth sydd sanctaidd [sanctaidd] hefyd [yw]’r clamp toes: ac os yw’r gwreiddin yn sanctaidd, y canghennau hefyd ydynt [sanctaidd.]

¹⁷Ac os torrwyd rhai o’r canghennau ymmaith, a’th impio dithe yr hwn oeddit yn olewwydden wyllt arnynt yn eu lle hwynt, a’th wneuthur yn gyfrannog o’r gwreiddin, ac o frasder yr olew-wydden,

¹⁸Na orfoledda yn erbyn y canghennau: ac os gorfoleddi, nid wyt ti yn dwynt y gwreiddin, eithr y gwreiddin dy di.

¹⁹Tithe a ddywedi, fe a dorrwyd ymmaith y canghennau fel yr impid fi i mewn.

²⁰Da: trwy anghredyniaeth y torrwyd hwynt ymmaith, a thithe sydd yn sefyll trwy ffydd, na fydd vchel-fryd, eithr ofna.

²¹Canys os Duw nid arbedodd y canghennau naturiol, [gwilia] rhag nad arbedo dithe chwaith.

²²Gwêl am hynny gymmwynas, a thoster Duw i’r rhai a gwympasant, toster: onid cymmwynas i ti os arhossi yn ei gymmwynas ef: os amgen, torrir dithe hefyd ymmaith.

²³A hwyntau, oni arhosant yn anghredyniaeth, a impir i mewn: canys gall Duw eu himpio hwynt i mewn trachefn.

²⁴Canys os torrwyd tydi allan o’r olewwydden yr hon oedd wyllt wrth naturiaeth, a’th impio yn erbyn naturiaeth mewn gwir olewwydden, pa gymmaint mwy y caiff y rhai sy wrth naturiaeth, wedi eu himpio yn eu holewwydden eu hunain?.

²⁵Canys ni ewyllysiwn frodyr na ŵyddech chwi y dirgelwch hyn, (rhag eich bod yn rhy ddoethion ynoch eich hunain) mai o ran y daeth cyndynrwydd i Israel, hyd oni ddêle cyflawnder y cenhedloedd i mewn.

²⁶Ac felly y bydd yr holl Israel yn gadwedig fel y mae yn scrifennedic, y gwared-wr a ddaw allan o Sion, ac a dry ymmaith yr anwiredd oddi wrth Iacob.

²⁷A hyn yw’r ammod sydd iddynt gennifi, pan ddugwyf ymmaith eu pechodau.

²⁸Felly tu ag at am yr Efengyl, y maent hwy yn elynnion o’ch plegit chwi: onid o herwydd yr etholedigaeth, hwy a gerir er mwyn y tadau.

²⁹Canys diedifarus yw donniau, a galwedigaeth Dduw.

³⁰Canys megis yr anghredasoch chwi gynt i Dduw, ac yr ydych yn awr wedi cael trugaredd trwy eu anghrediniaeth hwy:

³¹Felly yr awr hon hwythau a anghredasant y drugaredd [a ddangoswyd] i chwi, fel y caent hwythau hefyd drugaredd.

³²Canys Duw a gaeuodd bawb mewn anghredyniaeth, fel y trugarhae wrth bawb oll.

³³O ddyfnder golud doethineb a gwybodaeth Duw, morr anchwiliadwy yw ei farnau ef, ac [morr] anfeidrol [yw] ei ffyrdd ef?

³⁴Canys pwy a ŵybu feddwl yr Arglwydd? neu pwy a fu yn gynghor-wr iddo?

³⁵Neu pwy a roddes iddo ef yn gyntaf, ac fe a delir iddo ef.

³⁶Canys o honaw [ef,] a thrwyddo ef, ac ynddo ef y mae pob dim oll: iddo ef [y byddo] gogoniant yn oes oesoedd.Amen.