Read William Morgan Bible 1588 original edition Rhufeiniaid 12 Bible Online

Rhufeiniaid 12 - William Morgan Bible 1588 original edition bible

Rhufeiniaid 12

¹Y modd y mae i amryw ddynion fyw yn eu hamryw alwedigaethau. Am hynny yr wyf yn attolwg i chwi frodyr er trugareddau Duw roddi o honoch eich cyrph yn aberth byw sanctaidd cymmeradwy i Dduw, [yr hwn yw] eich rhesymmol wasanaeth.[7]

²Ac na chyd ymffurfiwch â’r byd hwn, eithr ymnewidiwch gan adnewyddiad eich meddwl, fel y galloch brofi beth yw ewyllys Duw, [yr hon sydd] dda, a chymmeradwy, a pherffaith.

³Canys yr wyf yn dywedyd trwy y grâs a roddwyd i mi wrth bob vn sydd yn eich plith, na byddo i nêb ddeall vwch-law y dyler deall, onid deall o honaw i fod yn sobr, fel y rhannodd Duw i bob vn fesur ffydd.

⁴Canys megis y mae i ni lawer o aelodau mewn vn corph, ac nad oes i’r holl aelodau yr vn swydd:

⁵Felly [ninneu er ein bod] yn llawer, ydym vn corph yng-Hrist, a phôb vn yn aelod iw gilydd.

⁶[8] A chan fod i ni amryw ddonniau yn ôl y grâs a roddwydd i ni, os prophwydoliaeth [bydded] yn ôl cyssondeb y ffydd.

⁷Neu os swydd, [dilynwn] y swydd: neu os athro [rhodded] athrawiaeth,

⁸Neu os cynghorwr, [edryched ar] y cyngor, yr hwn a gyfranno, [cyfranned] mewn symlrwydd, a lywodraetha, [gwnaed] yn ddiescaelus: a drugarhâo, [gwnaed] yn llawen

⁹Bydded cariad heb ragrith: casewch yr hyn sydd ddrwg, a glynwch, wrth yr hyn sydd dda.

¹⁰Mewn cariad brawdol byddwch garedig iw gilydd, gan flaenori eu gilydd yn rhoddi parch

¹¹Heb fod yn ddiog mewn astudrwydd, yn frydion yn yr Yspryd, yn gwasanaethu yr Arglwydd.

¹²Yn llawen mewn gobaith, yn ddioddefgar mewn cystudd, yn barhaus mewn gweddi.

¹³Yn cyfrannu wrth gyfreidiau’r sainct, ac yn dilyn rhoddi lletŷ.

¹⁴Bendithiwch y rhai sy yn eich ymlit, bendithiwch meddaf, ac na felldithiwch.

¹⁵Byddwch lawen gyd â’r llawen, ac yn ŵylo gyd â’r ŵylofus.

¹⁶Byddwch yn vn fryd â’i gilydd na fyddwch vchel feddwl: eithr yn gydostyngedig â’r rhai iselradd, [9]na fyddwch ddoethion ym eich tŷb eich hunain.

¹⁷Na thelwch i neb ddrwg am ddrwg: darperwch bethau onest yng-olwg pôb dyn.

¹⁸Os [yw] bossibl hyd y mae ynoch chwi, byddwch heddychlawn â phôb dŷn.

¹⁹Nac ymddielwch rai annwyl, onid rhoddwch le i ddigofaint: canys y mae yn scrifennedic: i mi y mae dial, mi a’i talaf, medd yr Arglwydd.

²⁰* Am hynny os dy elyn a newyna, portha ef: os sycheda, dod iddo ddiod, canys os gwnei hyn ti a bentyrri farwor am ei ben ef.

²¹Na orchfyger di gan ddrygioni, eithr gorchfyga di ddrygioni trwy ddaioni.