Read William Morgan Bible 1588 original edition Rhufeiniaid 13 Bible Online

Rhufeiniaid 13 - William Morgan Bible 1588 original edition bible

Rhufeiniaid 13

¹Y mae yn annog i vfuddhau swyddogion, 8 gan ddilyn cariad perffaith, 11 a buchedd sancteiddiol. [10] Ymddarostynged pob [perchen] enaid i’r awdurdodau goruchel, am nad oes awdurdod onid oddi wrth Dduw, a’r awdurdodau sydd, gan Dduw y maent wedi eu hordeinio.

²Am hynny pwy bynnac sydd yn ymosod yn erbyn yr awdurdod, sydd yn gwrthwynebu ordeinhâd Duw: a’r rhai a wrthwynebant, a dderbyniant farnedigaeth iddynt eu hunain.

³Canys tywysogion nid ydynt ofn i weithredoedd da, eithr i’r rhai drwg: a fynni nad ofnech y gallu? gwna ’r hyn sydd dda: ac ti a gei glod ganddo.

⁴Canys gwasanaeth-ŵr Duw ydyw er llês i ti, eithr os gwnei’r hyn sydd ddrwg, ofna am nad yw efe yn dwyn y cleddyf yn ofer: canys gweinidog Duw yw efe, i ddial llid ar yr hwn a wnêlo ddrwg.

⁵Herwydd pa ham anghenraid yw ymddarostwng nid yn vnic o herwydd llid, eithr er mwyn cydwybod.

⁶Canys am hynny y telwch deyrn-gêd: o blegit gwasanaeth-wŷr Duw ydynt, yn ymroi i’r peth ymma.

⁷Telwch gan hynny i bawb [eu] dyledion: teyrn-ged i’r nêb [y byddo arnoch] deyrnged, toll i’r hwn [y byddo arnoch] doll: ofn i’r hwn [y byddo iawn] bod ofn, parch i’r hwn [a ddyle] barch.

⁸[11]Na fyddwch yn nylêd neb: oddi eithr o garu pawb ei gilydd: canys yr hwn sydd yn caru arall, a gyflawnodd y gyfraith.

⁹Canys hyn, na odineba, na ladd, na ledratta, na ddwg gam destiolaeth: na thrachwanta, ac os oes [vn] gorchymyn arall, y mae wedi ei gynnwys yn grynno yn yr ymadrodd hwn, câr dy gymydog fel ti dy hun.

¹⁰Cariad ni wna ddrwg i’r cymydog, * am hynny cariad yw cyflawnder y ddeddf.

¹¹A hynny gan weled yr amser, [ei bod] hi weithian yn bryd i ddeffroi o gyscu: canys yr awr hon y mae ein iechydwriaeth yn nês nâ phan gredasom.

¹²Y nôs a aeth heibio, a’r dydd sydd yn nesau, am hynny bwriwn ymmaith weithredoedd y tywyllwch, a gwiscwn arfau y goleuni.

¹³Rhodiwn yn weddus [megis wrth] liw dydd: nid mewn cyfeddach a meddwdod, nid mewn cydorwedd ac anlladrwydd, nid mewn cynnenn, a chenfigen:

¹⁴Eithr gwiscwch am danoch yr Arglwydd Iesu Grist, ac na fydded eich gofal tros y cnawd er mwyn porthi ei chwantau.