Read William Morgan Bible 1588 original edition Rhufeiniaid 15 Bible Online

Rhufeiniaid 15 - William Morgan Bible 1588 original edition bible

Rhufeiniaid 15

¹1 Paul yn eu cyng-hori i gynnal ac i garu pawb ei gilydd wrth siampl Crist. 9 A thrwy vnic drugaredd Dduw yr hon sydd achos iechydwriaeth i’r ddwyblaid. 14 Y mae efe yn dangos ei serch iddynt hwy a’r eglwys. 30 Ac yn dymuno yr vn rhyw ganddynt hwy. Nyni y rhai cedyrn a ddylêm ddwyn gwendid yr ang-hedyrn, ac nid ein boddhau ein hunain.

²Am hynny boddhaed pawb o honom ei gymydog yn yr hyn sydd dda i adeilad.

³Canys Crist nis boddhâodd ei hunan, eithr megis y mae yn scrifennedic: gwradwyddiad y rhai a’th wradwyddasant di, a syrthiodd arnafi.

⁴[12] Canys y pethau a scrifennwyd ym mlaen llaw, er addysc i ni yr scrifennwyd hwy, fel y gallem trwy ammynedd a chyssur yr scrythurau gael gobaith.

⁵A Duw yr ammynedd a’r cyssur a roddo i chwi synnied yr vn peth [bawb] â’i gilydd yn ôl Crist Iesu.

⁶Megis o gytundeb, ac o vn genau y galloch foliannu Duw, a Thad ein Harglwydd Iesu Grist.

⁷O herwydd pa ham derbynniwch bawb eu gilydd, megis y derbynniodd Crist ninnau i ogoniant Duw.

⁸Ac yr wyf yn dywedyd wneuthur Iesu Grist yn wenidog i’r enwaediad er mwyn gwirionedd Duw, er cadarnhau yr addewidion a [wnaethpwyd] i’r tadau.

⁹Ac fel y rhodde y cenhedloedd ogoniant i Dduw am ei drugaredd, fel y mae yn scrifennedig: am hyn i’th gyffessaf ym mhlith y cenhedloedd, ac y canaf i’th enw.

¹⁰A thrachefu y dywed: ymlawenhewch genhedloedd gyd â’i bobl ef.

¹¹A thrachefn, molwch yr Arglwydd yr holl genhedloedd, a chydfolwch ef yr holl bobloedd.

¹²A thrachefn Esaias a ddywed, fe fydd gwreiddin Iesse, a’r hwn a gyfyd i lywodraethu yr cenhedloedd, yn hwnnw y gobeitha y cenhedloedd.

¹³A Duw ’r gobaith a’ch cyflawno o bôb llawenydd a thangneddyf, gan gredu fel eich amlhaer yng-obaith trwy nerth yr Yspryd glân.

¹⁴Ac y mae yn siccr gennif fi fy hun am danoch chwi fy mrodyr, eich bod chwi yn llawn daioni ac yn gyflawn o bob gwybodaeth, ac y medrwch gynghori eu gilydd.

¹⁵Er hynny frodyr mi a scrifennais attoch yn hŷfach, fel vn yn dwyn ar gof i chwi, trwy y grâs a roddwyd i mi gan Dduw,

¹⁶I fod o honof yn wasanaethwr Iesu Grist ym mysc cenhedloedd, gan weithio trwy Efengyl Dduw, fel y bydde offrymmiad y cenhedloedd yn gymmeradwy, wedi ei sancteiddio gan yr Ysyryd glân.

¹⁷Y mae i mi gan hynny a ymlawenychwyf yng-Hrist Iesu, yng-hyfryw bethau, ac a [berthyn] i Dduw.

¹⁸Am na feiddiaf yngen am ddim, a’r nis gwnaeth Crist trwofi i [wneuthur] y cenhedloed yn vfydd ar air a gweithred.

¹⁹Trwy nerth arwyddion a rhyfeddodau gan nerth Yspryd Duw: hyd pan o Ierusalem ac o amgylch hyd Iilyricum y llenwais Efengyl Crist.

²⁰Ac felly gan amgylchu i bregethu’r Efengyl nid lle yr henwid Crist, rhag bod i mi adailad ar sail nêb arall.

²¹Eithr megis y mae yn scrifennedic: y neb ni fynegwyd iddynt am dano ef, ai gwelant ef, a’r rhai ni chlywsant a ddeallant.

²²Am hynny hefyd im lluddiwyd i yn fynych i ddyfod attoch chwi.

²³Eithr yr awr hon (am nad oes i mi le mwy yn yr ardalau hyn, a hefyd bod arnaf chwant er ys llawer o flynyddoedd i ddyfod attoch chwi)

²⁴Pan elwyf i Hispaen, y deuaf attoch chwi: canys yr wyf yn gobeithio wrth fyned heibio y caf eich gweled, a’m hebrwng gennych yno, wedi i mi yn gyntaf gael fyng-wala o honoch.

²⁵Ac yr awr hon yr wyf yn myned i Ierusalem i weini i’r sainct.

²⁶Canys rhyngodd bodd i’r [rhai o] Macedonia ac Achaia, wneuthur rhyw gymmorth i’r sainct tlodion y rai ydynt yn Ierusalem.

²⁷Canys rhyngodd bodd iddynt a’u dyledwŷr ydynt: o blegit os y cenhedloedd a gawsant ran o’u pethau ysprydol hwynt, hwythau hefyd a ddylent weini iddynt bethau cnawdol.

²⁸Yna wedi i mi orphen hyn, a selio iddynt y ffrwyth hwn, mi a ddeuaf heboch i’r Hispaen.

²⁹Ac mi a wn pan ddelwyf attoch, y deuaf â chyflawnder bendith Efengyl Grist.

³⁰Hefyd frodyr yr wyf yn attolwg er mwyn ein Harglwydd Iesu Grist, ac er cariad yr Yspryd, ymegnio o honoch, gyd â mi mewn gweddiau at Dduw trosof,

³¹A’r fy rhyddhau oddi wrth y rhai sydd yn annufydd yn Iudaea, ac i’m gweinidogaeth yr hon sydd iw [gwneuthur] yn Ierusalem, fod yn gymmeradwy gan y sainct.

³²Fel y gallwyf ddyfod attoch mewn llawenydd trwy ewyllys Duw, ac ymlonni gyd â chwi.

³³A Duw’r heddwch [fyddo] gyd â chwi oll. Amen.