Read William Morgan Bible 1588 original edition Rhufeiniaid 16 Bible Online

Rhufeiniaid 16 - William Morgan Bible 1588 original edition bible

Rhufeiniaid 16

¹Wedi annerch llawer, 17 Y mae yn eu rhybyddio i ochelud gau frodyr. 20 Gan weddio a diolch i Dduw trostynt hwy. Yr wyf yn gorchymyn i chwi Phoebe ein chwaer, yr hon sydd wenidog i eglwys Cenchrea:

²Dderbyn o honoch hi yn yr Arglwydd megis y mae yn addas i sainct, a’i chynnorthwyo ym mhob neges y byddo rhaid iddi wrth eich help: canys hi a gynnorthwyodd lawer, a minne hefyd.

³Anherchwch Pryscilla ac Aquila fynghydweith-wŷr yng-Hrist Iesu:

⁴(Y rhai a ddodasant i lawr eu gyddfau eu hunain tros fy mywyd i, i’r rhai nid wyfi yn vnic yn diolch, onid hefyd holl eglwysydd y cenhedloedd)

⁵[Anherchwch] hefyd yr eglwys yr hon sydd yn eu tŷ hwy, anherchwch fy annwyl Epenetus yr hwn yw blaen-ffrwyth Achaia yng-Hrist.

⁶Anherchwch Mair yr hon a gymmerodd boen lawer drosom ni.

⁷Anherchwch Andronicus, ac Iunia fyngheraint a’m cydgarcharorion, y rhai sy hynod ym mhlith yr Apostolion, y rhai oeddynt yng-Hrist cyn nâ myfi.

⁸Anherchwch Amplias fy annwylyd yn yr Arglwydd.

⁹Anherchwch Vrbanus ein cydweith-wr ac Stachys fy annwylyd.

¹⁰Anherchwch Appelles y profedic yng-Hrist, anherchwch y rhai sy o [dylwyth] Aristobulus.

¹¹Anherchwch Herodian fyng-hâr: anherchwch y rhai sy o [dylwyth] Narcissus, y rhai ydynt yn yr Arglwydd.

¹²Anherchwch Triphania a Thriphosa, y rhai a gymmerasant boen yn yr Arglwydd: anherchwch yr annwyl Persis, yr hon a gymmerodd boen lawer yn yr Arglwydd.

¹³Anherchwch Rufus etholedig yn yr Arglwydd, a’i fam ef a minne.

¹⁴Anherchwch Asyncritus, Phlegontes, Herma, Patrobas, Mercurius, a’r brodyr y rhai [sy] gyd ag hwy.

¹⁵Anherchwch Philologus ac Iulia, Nereus a’i chwaer, ac Olympa, a’r holl sainct y rhai ydynt gyd â hwynt.

¹⁶Anherchwch y naill y llall â chusan sanctaidd: y mae eglwys Grist yn eich annerch.

¹⁷Ac yr wyf yn attolwg i chwi frodyr edrych yn graff ar y rhai sy yn peri ang-hydfod a rhwystrau yn erbyn yr athrawiaeth a ddyscasoch ac ymogelwch rhagddynt.

¹⁸Canys y rhai sy gyfryw nid ydynt yn gwasanaethu yr Arglwydd Iesu Grist, eithr eu boliau eu hunain, a thrwy eiriau têg, a gweniaith yn twyllo calonnau y rhai diddrwg.

¹⁹Canys eich vfydd-dod chwi a ddaeth ar llêd at bawb ôll: yr wyf yn llawen gan hynny am danoch, ac etto mi a ewyllysiaf eich bod yn ddoethion tu ag at ddaioni, ac yn ddiniwed tu ag at ddrygioni.

²⁰A Duw y tangneddyf a sathr Satan tann eich traed heb o hir: Gras ein Harglwydd Iesu Grist fyddo gyd â chwi.

²¹Y mae Timotheus fyng-hydweith-wr a Lucius, ac Iason, a Sosipater fyng-heraint yn eich annerch.

²²Yr ydwyfi Tertius yn eich annerch yn yr Arglwydd, yr hwn a scrifennodd yr Epistol hwn.

²³Y mae Gaius fy lletteu-wr a’r holl eglwys yn eich annerch: y mae Erastus gorchwiliwr y ddinas yn eich annerch, a’r brawd Quartus.

²⁴Grâs ein Harglwydd Iesu Grist a fyddo gyd â chwi oll. Amen.

²⁵Iddo ef yr hwn a ddichon eich cadarnhau, yn ôl fy Efengyl a phregethiaid Iesu Grist, gan ymddadcuddiad y dirgelwch, yr hwn oedd gyfrinachol er yn oes oesoedd:

²⁶(Ac ar yr awr hon a eglurhawyd, ac a gyhoeddwyd ym mhlith yr holl genhedloedd trwy scrythurau’r prophwydi, wrth orchymyn y tragywyddol Dduw er mwyn vfydd-dod ffydd)

²⁷I Dduw [meddaf] yr vnic ddoeth, bydded y gogoniant trwy Iesu Grist yn oes oesedd. Amen. Terfyn Epistol Paul at y Rhufeiniaid, yr hwn a scrifennwyd o Corinth, ac a anfonwyd gyd â Phoebe, yr hon oedd wenidog yr eglwys yn Cenchrea.