Read William Morgan Bible 1588 original edition Rhufeiniaid 3 Bible Online

Rhufeiniaid 3 - William Morgan Bible 1588 original edition bible

Rhufeiniaid 3

¹1 Wedi i Paul addef fod peth rhagorfraint i’r Iddewon. o blegit rhydd a dianwadal addewid Duw. 9 Y mae efe yn profi wrth yr scrythurau fôd yr Iddewon a’r cenhedloedd yn bechaduriaid. 21 A bôd eu cyfiawnhad hwy trwy râs, nid trwy weithredoedd. 31 Ac er hynny na ddidymmwyd y ddeddf a’r gyfraith. Pa ragoriaeth gan hynny sydd i’r Iddew? neu pa fudd fydd o’r enwaediad?

²Lawer ym mhôb rhyw fodd: canys yn gyntaf ymddyriedwyd iddynt hwy am eiriau Duw,

³O blegit beth os anghredodd rhai, a wna eu anghredyniaeth hwy ffydd Dduw yn ddirym?

⁴Na atto Duw, eithr bydded Duw yn gywir,* a phôb dyn yn gelwyddoc: megis yr scrifennwyd, fel i’th gyfiawnhauer yn dy eiriau, ac y gorfyddech pan i’th farner,

⁵Eithr os ein anwiredd ni chenmyl wirionedd Duw, pa beth a ddywedwn? a ydyw Duw yn anghyfiawn. yr hwn sydd yn dwyn digofaint; (dywedyd yr ydwyf fel dŷn)

⁶Na atto Duw: pe amgen, pa fodd y barna Duw y byd?

⁷Canys os bu gwirionedd Duw helaethach trwy fyng-helwydd i iw ogoniant ef, pa ham mwyach i’m bernir inne fel pechadur?

⁸A nid (megis ein ceblit, ac megis y dywed rhai ein bôd yn dywedyd) gwnawn ddrwg, fel y dêl da o honaw, y rhai sy gyfiawn eu barnedigaeth.

⁹Beth am hynny? a ydym ni fwy rhagorol? nac [ydym] ddim: canys profasom eusus fôd pawb, yr Iddewon a’r Groeg-wŷr tann bechod.

¹⁰Megis y mae yn scrifennedig, nid oes yn gyfiawn gymmaint ag vn.

¹¹Nid oes nêb yn deall, nid oes nêb yn ymgais â Duw.

¹²Gwyrâsant oll, hwy a aethant oll yn anfuddiol, nid oes nêb yn gwneuthur daioni, nac oes nêb.

¹³Bedd agored yw eu gwddf: twyllasant â’u tafodau, gwenwyn lindis sydd tann eu gwefusau hwynt.

¹⁴Y rhai y mae eu genau yn llawn melldith a chwerwedd.

¹⁵Buan yw eu traed i ollwng gwaed.

¹⁶Destruw, ac aflwydd sydd ar eu ffyrdd.

¹⁷Ac nid adnabuont ffordd tangneddyf.

¹⁸Nid oes ofn Duw ger bron eu llygaid.

¹⁹Gwyddom hefyd mai pa bethau bynnac a ddywed y ddeddf, mai wrth y rhai sy tann y ddeddf y dywed hi: fel y caeêr pôb genau, ac fel y byddo yr holl fyd tann [farn] Duw.

²⁰Am hynny gan weithredoedd y cnawd ni chyfiawnheuir vn cnawd yn ei olwg ef, o blegit gan y ddeddf y [mae] adnabod pechod.

²¹Ac yr awr hon yr eglurwyd cyfiawnder Duw heb y ddeddf, gan gael testiolaeth gan y ddeddf a’r prophwydi.

²²Sef cyfiawnder Duw trwy ffydd Iesu Grist i bawb, ac ar bawb a gredant: canys nid oes gwahaniaeth.

²³O blegit pawb a bechasant, ac a ydynt yn ôl am ogoniant Duw.

²⁴A hwy a gyfiawnheuir yn rhâd trwy ei râs ef, trwy’r prynnedigaeth sydd yng-Hrist Iesu.

²⁵Yr hwn a osodes Duw yn iawn trwy ffydd yn ei waed ef, i ddangos ei gyfiawnder ef trwy faddeuant y pechodau a oeddent gynt,

²⁶Trwy ddioddefiad Duw i ddangos y pryd hynny ei gyfiawnder, fel y bydde efe yn gyfiawn, ac yn cyfiawnhau y nêb sydd o ffydd Iesu.

²⁷Pa le gan hynny [y mae] yr gorfoledd? ef a gaewyd allan. Trwy pa ddeddf? ai [deddf] y gweithredoedd? na-gê, eithr trwy ddeddf ffydd.

²⁸Yr ydym ni yn meddwl gan hyn, fod yn cyfiawnhau dyn trwy ffydd heb weithredoedd y ddeddf.

²⁹Ai i’r Iddewon y mae Duw yn vnic, onid i’r cenhedloedd hefyd? yn wir [y mae] efe i’r cenhedloedd hefyd.

³⁰Canys vn Duw ydyw yr hwn a gyfiawnhâ yr enwaediad o’r ffydd, a dienwaediad trwy ffydd.

³¹Am hynny a ydym ni yn gwneuthur y ddeddf yn ddirym trwy’r ffydd? na atto Duw: yr ydym yn hytrach yn cadarnhau y ddeddf.