Read William Morgan Bible 1588 original edition 1.Corinthiaid 1 Bible Online

1.Corinthiaid 1 - William Morgan Bible 1588 original edition bible

1.Corinthiaid 1

¹Paul yn annerch y Corinthiaid, ac yn diolch am y grâs a roddase Duw iddynt. 10 Yn dymuno vndeb. 14 Yn dangos y rhai a fedyddiase efe. 18 Beth yw synnwyr bydol i’r Efengyl. Paul yr hwn a alwyd [i fod] yn Apostol Iesu Grist, trwy ewyllys Duw, a’r brawd Sosthenes:

²At eglwys Dduw yr hon sydd yn Corinth, at y rhai a sancteiddiwyd yng-Hrist Iesu, * y rhai a elwir yn sainct gyd â phawb, a alwo ar enw yr Arglwydd Iesu Grist, ym mhob man o’r eiddynt hwy a ninnau,

³Grâs [fyddo] gyd â chwi, a thangneddyf gan Dduw ein Tad, a chan yr Arglwydd Iesu Grist.

⁴[1] I’m Duw yr wyf yn diolch drosoch chwi yn oestad, am y grâs Duw a rodded i chwi yn Iesu Grist,

⁵Am eich cyfoethogi ym mhob peth ynddo ef, mewn pob ymadrodd, a phob gwybodaeth:

⁶Megis y cadarnhauwyd testiolaeth Crist ynoch,

⁷Fel nad ydych chwi yn ddiffygiol o vn dawn gan ddisgwil am ymddangosiad ein Harglwydd Iesu Grist.

⁸Yr hwn hefyd a’ch cadarnhâ chwi hyd y diwedd yn ddiargyoeddus yn nydd ein Harglwydd Iesu Grist.

⁹Ffyddlawn yw Duw trwy yr hwn i’ch galwyd i gymdeithas ei Fab ef Iesu Grist ein Harglwydd ni.

¹⁰Ac yr wyf yn atolwg i chwi frodyr, trwy enw ein Harglwydd Iesu Grist, ar ddywedyd o bawb o honoch chwi yr vn peth, ac na byddo ymbleidio yn eich plith, eithr bod o honoch wedi ymgyssylltu yng-hyd, yn vn feddwl, ac yn vn farn.

¹¹Canys fe ddangoswyd i mi am danoch chwi fy mrodyr, gan y rhai [sy o dŷ] Cloe, fod cynhennau yn eich mysc chwi.

¹²Hyn yr ydwyf yn ei ddywedyd, bod pob vn o honoch yn dywedyd, yr ydwyfi yn eiddo Paul, minne yn eiddo Apollos, minne yn eiddo Cephas, minne yn eiddo Crist.

¹³A rannwyd Crist? ai Paul a groes-hoeliwyd trosoch? neu ai yn enw Paul i’ch bydyddiwyd chwi?

¹⁴Yr ydwyf yn diolch i Dduw, na fedyddiais i neb o honoch, ond Crispus a Gaius,

¹⁵Rhag i neb ddywedyd i mi fedyddio yn fy enw fy hunan.

¹⁶Mi a fedyddiais hefyd dylwyth Stephanas, ac ni wn a fedyddiais i neb arall.

¹⁷Canys ni anfonodd Crist fi i fedyddio, onid i efengylu, nid mewn doethineb ymadrodd, rhag gwneuthur croes Crist yn ofer:

¹⁸O herwydd pregethu y groes, nid yw ond ynfydrwydd gan y rhai colledig, eithr nerth Duw ydyw i ni y rhai sy gadwedig.

¹⁹Canys scrifennedic yw, mi a ddeleuaf ddoethineb y doethion, ac a fwriaf ymmaith ddeall y rhai dehallus.

²⁰Pa le y mae ’r doeth? mae ’r scrifennudd? mae ymholudd y byd hwn? oni wnaeth Duw ddoethineb y byd hwn yn ynfydrwydd?

²¹O blegit gan yn noethineb Duw nad adnabu y byd trwy doethineb mo Dduw, fe welodd Duw yn dda trwy ffolineb pregethiad, gadw y rhai yn credu.

²²O blegit y mae yr Iddewon yn gofyn arwydd, a’r Groeg-wŷr yn ceisio doethineb,

²³Eithr yr ydym ni yn pregethu Crist wedi ei groes-hoelio, i’r Iddewon yn dramgwydd, ac i’r Groeg-wŷr yn ffolineb,

²⁴Ond i’r Iddewon a’r Groeg-wŷr y rhai a alwyd, yn Grist, yn nerth Duw, ac yn ddoethineb Duw.

²⁵Canys ffolineb Duw sydd ddoethach nâ dynion: a gwendid Duw sydd gryfach nâ dynion.

²⁶Chwi a welwch eich galwedigaeth (frodyr) nad llawer o ddoethion yn ôl y cnawd, nad llawer o gedyrn, nad llawer o foneddigion,

²⁷Eithr Duw a etholodd ffol bethau y byd i wradwyddo y doethion, a gwael bethau y byd, a etholodd Duw i wradwyddo y cedyrn.

²⁸A Duw a ddewisodd y pethau distadl yn y byd, a’r pethau dirmygus, a’r pethau nid ydynt[ddim] er deleu y pethau ydynt [beth,]

²⁹Fel na orfoledde vn cnawd ger ei fron ef.

³⁰Eithr yr ydych chwi ô honaw ef yng-Hrist Iesu, yr hwn a ddarfu i Dduw ei wneuthur yn ddoethineh i ni, ac yn gyfiawnder, ac yn sancteiddrwydd, ac yn ymwared.

³¹Fel y mae yn scrifennedig, yr hwn a ymorfoleddo, ymorfoledded yn yr Arglwydd.