Read William Morgan Bible 1588 original edition 1.Corinthiaid 3 Bible Online

1.Corinthiaid 3 - William Morgan Bible 1588 original edition bible

1.Corinthiaid 3

¹Paul yn ceryddu anghytundeb. 8 Yn cyffelybu yr Apostolion i lafurwyr. 11 A phregethiad yr Efengyl i adailadaeth. A myfi (frodyr) ni allwn lefaru wrthych megis wrth rai ysprydol, ond megis rhai cnawdol, ac megis plant bychain yng-Hrist.

²Rhoddais laeth i chwi iw yfed, ac nid bwyd, am na’s gallech [amgen,] ac ni’s gellwch etto.

³Canys cnawdol ydych chwi etto: canys tra fyddo yn eich plith chwi genfigen, ac ymryson a chynhennau, ond ydych chwi yn gnawdol, ac yn rhodio yn ddynol?

⁴Canys tra dywedo vn, myfi ydwyf eiddo Paul, arall, myfi wyf eiddo Apollos, ond ydych chwi yn gnawdol?

⁵Canys, pwy yw Paul? pwy yw Apollos? ond gweinidogion trwy y rhai y credasoch, a [hynny] fel y rhoddes yr Arglwydd i bawb?

⁶Myfi a blennais, Apollos a ddyfrhaodd, ond Duw a roddes y cynnydd.

⁷Felly nid yw yr hwn sydd yn plannu ddim, na’r hwn sydd yn dyfrhau, ond Duw yr hwn sydd yn rhai y cynnydd.

⁸Eithr yr hwn sydd yn plannu, a’r hwn sydd yn dyfrhau ydynt vn, a phob vn a dderbyn ei briod wobr ei hun yn ôl ei lafur ei hun.

⁹Canys cyd-weithwŷr i Dduw ydym ni, chwithau ydych lafur-waith, ac adeiladaeth Duw.

¹⁰Yn ôl grâs Duw, yr hwn a ddodwyd i mi, megis pen-saer celfydd, gosodais i y sail, ac y mae arall yn goruwch-adailadu, ond edryched pawb, pa wedd y mae yn goruwch-adailadu.

¹¹Canys ni all neb osod sail arall, amgen nâ’r hwn a osodwyd, yr hwn yw Iesu Grist.

¹²Os adailada neb ar y seiliad hwn, aur, arian, meini gwerthfawr, coed, gwair [neu] sofl,

¹³Gwaith Pawb a amlygir: canys y dydd a’i dengys: o blegit gan y tân y dadcuddir, a’r tân a brawf waith pawb, pa fath sydd arno.

¹⁴Os gwaith neb yr hwn a oruwch-adailado efe a erys, efe a dderbyn wobr.

¹⁵Os llysc gwaith neb, efe a gaiff golled, eithr efe a fydd cadwedic, ond er hynny megis trwy dân.

¹⁶Oni ŵyddoch chwi, mai teml Dduw ydych, a bod Yspryd Duw yn aros ynoch?

¹⁷Os llygra neb deml Dduw, Duw a lygra hwnnw: canys sanctaidd yw teml Dduw yr hon ydych chwi.

¹⁸Na thwylled neb ei hunan, od oes neb yn eich mysc yn tybied ei fod ei hun yn ddoeth yn y byd hwn: bydded ffol fel y byddo ddoeth.

¹⁹Canys doethineb y byd hwn [sydd] ffolineb gyd â Duw, o herwydd scrifennedic yw, y mae efe yn dal y doethion yn eu cyfrwystra.

²⁰Ac eil-waith: y mae yr Arglwydd yn adnabod meddyliau y doethion mai ofer, ydynt.

²¹Am hynny, na orfoledded neb mewn dynion, canys pob peth oll sydd eiddoch chwi.

²²Os Paul, os Apollos, os Cephas, os y byd, os bywyd, os angeu, os pethau presennol, os pethau a ddaw y maent yn eiddoch chwi oll,

²³A chwithau yn eiddo Crist, a Christ yn eiddo Duw.