Read William Morgan Bible 1588 original edition 1.Corinthiaid 5 Bible Online

1.Corinthiaid 5 - William Morgan Bible 1588 original edition bible

1.Corinthiaid 5

¹Am losc-ach, sef godineb o fewn cyfagos achau, ac am escymmundod. 8 Am gyfeillach â rhai drwg. Mae yr gair yn hollawl, fod yn eich plith odineb, a chyfryw odineb, ac na henwir vn-waith ym mysc y cenhedloedd: [sef] cael o vn wraig ei dâd.

²Ac yr ydych chwi wedi ymchwyddo, ac ni alarasoch yn hytrach, fel y tynnid o’ch mysc chwi y neb a wnaeth y weithred hon.

³Canys myfi yn ddiau fel absennol yn y corph etto yn bresennol yn yr yspryd, a fernais fel pe byddwn bresennol am yr hwn a wnaeth y peth hyn,

⁴Gwedi ichwi ymgynnull, a’m hyspryd inne, yn enw ein Harglwydd Iesu Grist, gyd ag awdurdod ein Harglwydd Iesu Grist,

⁵Ddodi y fath ddyn i Satan, er dinistr ar y cnawd, fel y byddo yr yspryd yn gadwedig yn nydd yr Arglwydd Iesu.

⁶Nid da yw eich gorfoledd: oni wyddoch y sura ychydig lefain yr holl does?

⁷Am hynny glânheuwch yr hên lefein, fel y byddoch chwi does newydd, megis yr ydych ddilefeinllyd: canys Crist ein Pasc ni a aberthwyd trosom ni.

⁸Am hynny cadwn ŵyl, nid â’r hên lefein, na lefein drygioni, ac anwiredd, ond â bara croiw purdeb a gwirionedd.

⁹Mi a scrifennais attoch mewn llythyr, nad ymgymmyscech â godinebwŷr:

¹⁰Ac nid yn hollawl â godinebwŷr y byd hwn, neu â’r cybyddion, neu â’r cribddeil-wŷr, neu ag eulyn addolwŷr, pe felly rhaid fydde i chwi fyned allan o’r byd:

¹¹Ond yn awr mi a scrifennais attoch, na wneloch ymgyfeillach: os bydd neb a henwir yn frawd yn odineb-ŵr, neu yn feddw, neu yn eulyn addolwr, neu yn gabl-ŵr, neu yn feddw, neu yn gribddeiliwr, gyd a’r cyfryw vn ni [ddyllech] fwyta:

¹²Canys beth sydd i mi a farnwyf ar y rhai sy oddi allan? onid y rhai sy i mewn yr ydych chwi yn eu barnu?

¹³Eithr Duw sydd yn barnu y rhai oddi allan, bwriwch ymmaith gan hynny o’ch plith [y dyn] drygionus hwn.