Read William Morgan Bible 1588 original edition 1.Corinthiaid 8 Bible Online

1.Corinthiaid 8 - William Morgan Bible 1588 original edition bible

1.Corinthiaid 8

¹Am aberth i’r eulynnod neu y gau-dduwiau, 9 am gydwybod wan. Ac am y pethau a offrymmer i eulynnod, ni a ŵyddom fod gan bawb o honom ŵybodaeth, gwybodaeth sydd yn chwyddo, a chariad sydd yn adailadu.

²Eithr os yw neb yn tybyed ei fod yn gwybod dim, ni ŵyr efe etto ddim fel y dyle ŵybod.

³Ond od oes neb yn caru Duw, fe a adweinir hwn ganddo ef.

⁴Am fwyta yr hyn a aberthir i eulynnodd: ni a ŵyddom nad yw eulyn ddim yn y byd, ac nad oes vn Duw onid vn.

⁵Canys er bod rhai a elwir yn dduwiau, yn y nef, ac yn y ddaiar (megis y mae duwiau lawer, ac arglwyddi lawer)

⁶Er hynny, nid oes i ni ond vn Duw, [sef] y Tad, o ba vn y mae pob peth, a ninnau ynddo ef: ac vn Arglwydd Iesu Grist trwy yr hwn [y mae] pob peth, a ninnau trwyddo ef.

⁷Ond nid yw yr ŵybodaeth [hon] gan bawb, canys rhai a chanddynt gyd-ŵybod o’r eulyn hyd y pryd hyn, sydd yn bwyta fel peth a aberthwyd i’r eulyn, ar felly gan fod eu cydwybod yn wan yr halogir hi.

⁸Eithr nid yw bwyd yn ein gwneuthur yn gymmeradwy gan Dduw, canys os bytâwn nid ydym ni ddim helaethach, ac onis bytâwn nid ydym ni ddim prinnach.

⁹Ond gochelwch rhag i’ch rhydd-did chwi fod yn dramgwydd i’r rhai sy weiniaid.

¹⁰Canys os gwêl neb dydi yr hwn wyt â gwybodaeth cennit yn eistedd i fwyta yn nheml yr eulynnod, onid ydys yn cadarnhau ei gydwybod ef, ac yntef yn wan, i fwyta y pethau a aberthwyd i eulynnod?

¹¹Ac a ddifethir trwy dy wybodaeth di y brawd gwan, tros yr hwn y bu Crist farw?

¹²Felly trwy bechu yn erbyn y brodyr, a chan guro eu gwan gydwybod hwynt, yr ydych chwi yn pechu yn erbyn Crist.

¹³Ac am hynny os fy mrawd a ymrwystra er bwyd, m fwytâf fi gig fyth, rhag i mi beri i’m brawd ymrwystro.