Read William Morgan Bible 1588 original edition 2.Corinthiaid 11 Bible Online

2.Corinthiaid 11 - William Morgan Bible 1588 original edition bible

2.Corinthiaid 11

¹Ei serch ef i’r Corinthiaid, 5 ardderchogrwydd ei swydd ef, 9 a’r boen a gafodd efe ynddi hi. Och na oddefech ychydig fy anghallineb, eithr hefyd goddefwch fi.

²Canys eiddigus wyf am danoch, ag eiddigedd duwiol: o blegit darperais chwi i vn gŵr, i’ch rhoddi chwi megis morwyn bûr i Grist.

³Ac yr wyf yn ofni rhag megis y twyllodd y sarph Efa trwy ei chyfrwysdra, felly bôd llygru eich meddyliau chwithau i fyned oddi wrth y semlrwydd sydd yng-Hrist.

⁴O blegit, os yr hwn a ddaw a bregetha Iesu arall, [amgen] nâ ’r vn a bregethasom ni, neu os derbynniwch amgen Yspryd nac a dderbynniasoch, neu amgen Efengyl nac a dderbynniasoch, têg y gallasech ei ddioddef.

⁵Canys yr ydwyf yn meddwl, na bum yn ôl i’r Apostolion pennaf.

⁶Ac os fy môd yn anghymmen o ymadrodd, etto nid wyf felly mewn gwybodaeth, eithr yn eich plith chwi nyni a eglurhawyd yn hollawl ym mhôb dim.

⁷A wneuthum i fai i mi ymostwng fy hun fel y derchefid chwi? ac am i mi bregethu i chwi Efengyl Grist yn rhâd?

⁸Eglwysi eraill a espeiliais gan gymmeryd cyflog [ganddynt] i’ch gwasanaethu chwi.

⁹A phan oeddwn yn bresennol gyd â chwi, ac arnaf eisieu, ni ormesais ar neb, canys yr hyn oedd arnaf ei eisiau, a gyflawnodd y brodyr a ddaethant o Macedonia, ac ym mhôb dim yr ymgedwais, ac yr ymgadwaf heb bwyso arnoch.

¹⁰Y mae gwirionedd Crist ynof, na argaeir y gorfoledd hyn yn fy erbyn yng-wledydd Achaia.

¹¹Pa ham? ai am nad charaf chwi? Duw a’i gŵyr.

¹²Eithr yr hyn yr wyf yn ei wneuthur, hynny a wnaf: fel y torwyf ymmaith achlysur oddi wrth y rhai sy yn ewyllysio cael achlysur, fel y ceffid hwy yn gyffelyb i ni, yn yr hyn y maent yn gorfoleddu ynddo.

¹³Canys y cyfryw gau Apostolion sy weithwyr twyllodrus, wedi ymrithio yn Apostolion Crist.

¹⁴Ac nid rhyfedd, o blegit y mae Satan yntef yn ymrithio yn angel goleuni.

¹⁵Gan hynny nid mawr yw, er ymrithio ei weinidogion ef, fel gweinidogion cyfiawnder, y rhai y bydd eu diwedd yn ôl eu gweithredoedd.

¹⁶Trachefn meddaf, na thybied neb fy môd yn ffôl: os amgen cymmerwch fi fel ffôl, fel y gallwyf finne hefyd orfoleddu ychydig.

¹⁷Yr hyn yr wyf yn ei ddywedyd nid ydwyf yn ei ddywedyd yn ôl yr Arglwydd, eithr megis o anghallineb yn hyn o sylwedd gorfoledd.

¹⁸Gan fôd llawer yn gorfoleddu o herwydd y cnawd, minne a orfoleddaf hefyd.

¹⁹[4]Canys yr ydych yn diodef ffyliaid yn llawen, gan fod eich hun yn synhwyrol.

²⁰Canys goddefwch yn caethiwe vn chwi, pe bai vn i’ch llyngcu, pe bai vn yn ddwyn oddi arnoch, pe bai vn yn ymdderchafu, os bydd vn i’[ch] llwyr-fwytta, pe tarawe vn chwi ar eich wyneb.

²¹Am amharch yr ydwyf yn dywedyd: megis ein bod yn weiniaid: eithr ym mha beth bynnag y bydd neb yn hyf (yr wyf yn dywedyd yn ffôl) hyf wyf inne hefyd.

²²Hebræaid ydynt, felly finne: Israeliaid ydynt, felly finne: hâd Abraham ydynt, felly finne.

²³Gweinidogion Crist ydynt (yr ydwyf yn dywedyd yn ffôl) mwy wyfi: mewn poen yn amlach, mewn archollion dros fesur: yng-harchar yn amlach, ym [mron] angeu yn fynych.

²⁴Gan yr Iddewon bum-waith y derbyniais ddeugain gwialennod ond vn.

²⁵Tair gwaith i’m curwyd â gwiail; vnwaith i’m llabyddiwyd, tair gwaith y torrodd llong arnaf, nôs a dydd y bum yn y dyfn-fôr;

²⁶Mewn teithiau y bum yn fynych, ym mheryglon llif-ddyfroedd, ym mheryglon lladron, ym mheryglon fyng-henedl [fy hun,] ym mheryglon gan y cenhedloedd, ym mheryglon yn y ddinas, ym mheryglon yn yr anialwch, ym mheryglon ar y môr, ym mheryglon ym mhlith brodyr gau,

²⁷Mewn blinder a lludded, mewn anhunedd yn fynych, mewn newyn a syched, mewn ympryd yn fynych, mewn annwyd a noethni.

²⁸Heb law y pethau [sy yn digwydd] oddi allan, y mae yr ymosod beunyddol arnaf, [sef] y gofal tros yr hôll eglwysi.

²⁹Pwy sy wann, nad wyf finne wann? pwy a dramgwyddir, na loscwyf finne?

³⁰Os rhaid i mi orfoleddu, mi a orfoleddaf yn y pethau sy yn perthyn i’m gwendid.

³¹Duw, a Thâd ein Harglwydd ni Iesu Grist yr hwn sydd fendigedig yn oes oesoedd, a ŵyr nad wyf yn dywedyd celwydd.

³²Yn Damascus llywiawdr y bobl dann frenin Aretus a barodd wilio dinas y Damasciaid, gan ewyllysio fy nal i:

³³A thrwy ffenestr i’m gollyngwyd ar hyd y mur mewn basged, ac y diengais o’i ddwylaw ef.