Read William Morgan Bible 1588 original edition 2.Corinthiaid 2 Bible Online

2.Corinthiaid 2 - William Morgan Bible 1588 original edition bible

2.Corinthiaid 2

¹Y mae yn dangos fod yr hwn a yscymunasid am loscach neu insest yn beth achos na ddaethe efe attynt hwy. 6 Yn maddeu i hwnnw, gan ewyllysio eu cydundeb hwythau i hynny. 14 Yn diolch am ffynniant yr Efengyl. 17 Ac yn amddeffyn ei athrawiaeth yn erbyn y gau athrawon. Eithr mi a fwriadais hyn ynof fy hunan, na ddelwn attoch trachefn mewn tristwch.

²O blegit as myfi â’ch tristâf chwi, pwy yw’r hwn a’m llawenhâ fi, ond yr hwn a dristawyd gennifi?

³Ac mi a scrifennais hyn ymma attoch, rhag (pan ddelwn) cael o honof dristwch ar dristwch gan y rhai y dylwn ymlawenhau: gan obeithio am danoch oll, fod fy llawenydd i yn llawenydd i chwi oll.

⁴Canys mewn gorthrymder mawr, a chyfyngder calon yr scrifennais attoch â dagrau lawer, nid fel i’ch tristaid chwi, eithr fel y gwybyddech y cariad sy gennif yn enwedig i chwi.

⁵Os gwnaeth nêb dristau, ni wnaeth efe i mi dristau, ond o rann, rhag i mi bwyso arnoch chwi oll.

⁶Digon [yw] cyfryw [ddŷn] y cerydd ymma yr hwn a rodded iddo gan lawer.

⁷Megis yn hytrach yng-wrthwynêb, y dylech chwi faddeu iddo ai ddiddânu, rhag llyngcu y cyfryw gan ormod tristwch.

⁸Am hynny yr ydwyf yn attolwg i chwi, gadarnhau eich cariad arno.

⁹Canys er mwyn hyn hefyd yr scrifennais, fel y cawn ŵybod profedigaeth am danoch, a fyddech vfydd ym mhob peth.

¹⁰I’r hwn yr ydych yn maddeu dim iddo, [yr wyf] finne: canys os maddeuais ddim, i’r hwn y maddeuais, er eich mwyn chwi [y maddeuais], yng-olwg Crist;

¹¹Rhag ein siommi gan Satan: canys nid ydym heb ŵybod ei amcannion ef.

¹²Pan ddaethym i Troas i [bregethu] Efengyl Grist, ac agoryd drŵs gan yr Arglwydd,

¹³Ni chefais lonydd yn fy yspryd am na chefais Titus fy mrawd, eithr gan ganu yn iach iddynt, mi a euthym ymmaith i Macedonia.

¹⁴Ond i Dduw y byddo ’r diolch, yr hwn yn oestad sydd yn peri i ni oroledd yng-Hrist, ac sydd yn eglurhau arogledd ei ŵybodaeth trwyddom ni ym mhôb lle.

¹⁵Canys per-arogl Crist ydym ni i Dduw, yn y rhai cadwedig, ac yn y rhai colledig:

¹⁶I’r naill yr [ydym] yn arogl marwolaeth i farwolaeth, ac i’r lleill, yn arogl bywyd i fywyd, a phwy sydd ddigonol i hyn?

¹⁷Canys nid ydym ni fel y mae llawer, yn gwneuthur twyll am air Duw, eithr megis o burdeb, eithr megis o Dduw, yng-wydd Duw yr ydym yn llefaru yng-Hrist.