Read William Morgan Bible 1588 original edition 2.Corinthiaid 3 Bible Online

2.Corinthiaid 3 - William Morgan Bible 1588 original edition bible

2.Corinthiaid 3

¹I beidio ai ganmol ei hun y mae efe yn dangos fod ei glôd ef iw gweled yn y Corinthiaid. 6 A bod yr Efengyl yn fwy gogoneddus nâ’r gyfraith. Ai dechreu yr ydym ein canmol ein hunain trachefn? ai rhaid i ni fel i eraill wrth lythyrau canmoliaeth attoch chwi, neu canmoliaeth oddi wrthych chwi?

²Ein llythr ni ydych chwi yn scrifennedig yn ein calonnau, yr hwn a ddeallir, ac a ddarllenir gan bôb dŷn:

³Gan fod yn eglur eich bôd chwi yn llythr Crist, yr hwn a roddwyd allan trwy ein gweinidogaeth ni, ac a scrifennwyd, nid ag ingc, ond ag Yspryd Duw byw, nid mewn llechau cerrig, eithr mewn cnawdol lechau y galon.

⁴[1]A chyfryw obaith sydd gennym trwy Grist ar Dduw.

⁵Nid o herwydd ein bôd yn ddigonol o honom ein hunain i feddylio dim megis o honom ein hunain eithr ein digonedd ni sydd o Dduw.

⁶Yr hwn hefyd a’n gwnaeth ni yn weinidogion y Testament newydd, nid i’r llythyren, ond i’r Yspryd: canys y mae y llythyren yn lladd, ond yr Yspryd sydd yn bywhau.

⁷Ac os oedd gweinidogaeth angeu yr hon a argraphwyd â llythyrennau ar lechau yn ogoneddus, fel na alle plant yr Israel edrych yn ŵyneb Moses gan ogoniant ei wyneb-pryd, yr hwn [ogoniant] a ddileuwyd,

⁸Pa fodd nad mwy y bydd gweinidogaeth yr Yspryd mewn gogoniant?

⁹Canys os bu gweinidogaeth colledigaeth yn ogoneddus, mwy o lawer y rhagora gweinidogaeth cyfiawnder mewn gogoniant.

¹⁰Canys yr hyn a ogoneddwyd, ni ogoneddwyd yn y rhan hon, [sef] hyd y perthyn i’r gogoniant ardderchog.

¹¹O blegit os yr hyn a ddeleuid ymmaith oed yn ogoneddus, mwy o lawer [sydd] yr hyn a erys yn ogoneddus.

¹²Felly gan fod gennym gyfryw obaith, yr ydym yn arfer hyfder.

¹³Ac nid ydym ni fel Moses, yr hwn a rodde orchudd ar ei wyneb, rhag i blant Israel edrych ar ddiwedd yr hyn a ddeleuid.

¹⁴Am hynny y caledwyd eu meddwl hwy: canys hyd y dydd heddyw y mae y gorchudd hwnnw yn aros heb ei ddadguddio wrth ddarllen yr hên Destament, yr hwn yng-Hrist a ddynnir ymmaith.

¹⁵Eithr hyd y dydd heddyw pan ddarllenir Moses, y rhoddir y gorchudd ar eu calonnau hwynt.

¹⁶Er hynny pan ymchweler at yr Arglwydd, y tynnir y gorchudd.

¹⁷Yr awron yr Arglwydd yw’r Yspryd, a lle mae Yspryd yr Arglwydd, yno y mae rhydd-did.

¹⁸Eithr edrych yr ydym ni oll, megis medwn drych, ar ogoniant yr Arglwydd ag wyneb agored, ac i’n newidir i’r vnrhyw ddelw, o ogoniant i ogoniant, megis gan Yspryd yr Arglwydd.