Read William Morgan Bible 1588 original edition 2.Corinthiaid 4 Bible Online

2.Corinthiaid 4 - William Morgan Bible 1588 original edition bible

2.Corinthiaid 4

¹Dywydrwydd Paul yn ei swydd. 13 A’r achosion y rhai sy yn peri. [2]Am hynny gan fôd i ni y weinidogaeth hon, megis y cawsom drugaredd, nid ydym yn pallu.

²Eithr ni a ymwrthodasom ddirgelwch gwradwydd, heb rodio yn ddichelgar, nac arfer twyll am air Duw: eithr trwy eglurhâd y gwirionedd yr ydym yn ein canmol ein hun wrth bôb cydwybod dŷn ger bron Duw.

³Ac os yw ein Efengyl ni yn guddiedic, yn y rhai colledig y mae yn guddiedic.

⁴Ym mha rai y dallodd Duw y bŷd hwn feddyliau yr anfyddlonion, rhag tywynnu iddynt lewyrch Efengyl gogoniant Crist, yr hwn yw delw Dduw.

⁵Canys nid ydym yn ein pregethu ein hunain, ond Crist Iesu yr Arglwydd, a ninneu yn weision i chwi er mwyn Iesu.

⁶Canys Duw yr hwn a orchymynnodd i’r goleuni lewyrchu o dywyllwch, [yw] yr hwn a lewyrchodd yn ein calonnau, i roddi goleuni gwybodaeth gogoniant Duw, yn wyneb Iesu Grist.

⁷Eithr y tryssor hwn sydd gennym mewn llestri pridd, fel y bydde ardderchogrwydd y meddiant hwnnw o Dduw, ac nid o honom ni.

⁸Ym mhôb man ein cystuddir, er hynny nid ydym mewn ing: y mae yn gaeth arnom, ond nid ydym yn gwbl heb obaith.

⁹Wedi ein herlid, ond heb ein gwrthod, wedi ein taflu i lawr eithr heb ein difetha.

¹⁰Gan arwain bob amser o amgylch yn y corph, farwolaeth yr Arglwydd Iesu, fel yr eglurer hefyd fywyd Iesu yn ein corph.

¹¹Canys yr ydys yn ein rhoddi ni y rhai ydym yn oestad i farwolaeth er mwyn Iesu, fel yr eglurhaer hefyd fywyd Iesu yn ein marwol gnawd ni.

¹²Ac felly y mae angeu yn gweithio ynom ni, ac enioes ynoch chwithau.

¹³A chan fôd i ni yr vn yspryd ffydd, megis ac y mae yn scrifennedic, credais, ac am hynny y dywedais, ninnau hefyd ydym yn credu, ac am hynny yn dywedwn,

¹⁴Gan ŵybod y bydd i’r hwn a gyfododd yr Arglwydd Iesu, ein cyfodi ninnau hefyd trwy Iesu, a’n gosod gyd â chwi.

¹⁵Canys pôb peth sydd er eich mwyn chwi, fel yr amlhâo yr helaethaf râs trwy ddiolch llawer er gogoniant i Dduw.

¹⁶Am hynny nid ydym yn ymollwng, eithr er llygru ein dŷn oddi allan, er hynny y dŷn oddi mewn a adnewyddir o ddydd i ddydd.

¹⁷O blegit y mae yscafnder ein cystudd yr hwn ni peru ond munyd, yn peri i ni yn rhagorol [gael] rhagorol a thragywyddol bwys gogoniant.

¹⁸Tra nid ydym yn ystyried y pethau a welir ond y pethau ni welir: canys y pethau a welir sy amserol, a’r pethau ni welir sy dragywyddol.