Read William Morgan Bible 1588 original edition 2.Corinthiaid 5 Bible Online

2.Corinthiaid 5 - William Morgan Bible 1588 original edition bible

2.Corinthiaid 5

¹Mor fuddiol yw marwolaeth dduwiol i’r duwiol. 14 Mawredd grâs Duw. 20 Swydd a braint eglwys-wyr. Canys ni a wyddom os daiarol dŷ ein presswylfod a ddotodir, fôd i ni adeilad gan Dduw, [sef] tŷ, nid o waith llaw, [ond] tragywyddol yn y nefoedd.

²Canys am hynny yr ydym yn ocheneidio gan ddeisyfio cael ein gwisco â’n tŷ yr hwn sydd o’r nêf.

³O blegit os gwiscir ni, ni’n ceffir yn noethion.

⁴Canys yn ddiau [nyni] y rhai sy yn y babell hon ydym yn ocheneidio, ac yn llwythog am nad ewyllysiem ein diosc, ond ymwisco, fel y llyngcid yr hyn sydd farwol gan fywyd.

⁵A’r hwn a’n creawdd ni i hyn yw Duw, yr hwn hefyd a roddodd i ni ŵystleidiaeth yr Yspryd.

⁶Am hynny yr ydym bôb amser yn hyderus, ac yn gŵybod, tra fôm gartref yn y corph, ein bôd oddi cartref oddi wrth yr Arglwydd.

⁷Canys wrth ffydd yr ydym yn rhodio, ac nid wrth olwg.

⁸Er hynny yr ydym yn hyderus, ac y mae yn fodlonach gennym fod oddi cartref o’r corph a chartrefu gyd â’r Arglwydd.

⁹Am hynny hefyd yr ydym yn chwennychu pa vn bynnag ai gartref y byddom, ai oddi cartref, fôd yn gymmeradwy ganddo ef.

¹⁰Canys rhaid yw i ni oll ymddangos ger bron brawdle Crist, fel y derbynio pob vn y pethau a [wnaethpwyd] yn y corph, yn ôl yr hyn a wnaeth, pa vn bynnag ai da ai drwg.

¹¹Felly gan i ni ŵybod ofn yr Arglwydd, yr ydym ni yn peri i ddynion gredu, ac ni a wnaed yn hyspys i Dduw, ac yr ydwyf yn gobeithio hefyd ddarfod ein gwneuthur yn hyspys yn eich cydwybodau chwi.

¹²Canys nid ydym yn ymganmol trachefn wrthych, ond yn rhoddi i chwi achos gorfoledd o’n plegit ni, fel y caffoch [beth i atteb] yn erbyn y rhai sy a’u gorfoledd yn yr wyneb, ac nid yn y galon.

¹³Canys os amhwyllo yr ydym, i Dduw yr ydym, ac os bôd yn ein pwyll, i chwi [yr ydym].

¹⁴Canys y mae cariad Crist yn ein cymhell, ni, gan i ni farnu hyn, os bu vn farw tros bawb, yna mai meirw oedd pawb.

¹⁵Ac efe a fu farw tros bawb, fel na bydde i’r rhai byw, na fyddent fyw rhag-llaw iddynt eu hunain, ond i’r hwn a fu farw trostynt, ac a adgyfododd.

¹⁶Am hynny o hyn allan, nid ydym yn adnabod nêb yn ôl y cnawd, ac os buom ni hefyd yn adnabod Crist yn ôl y cnawd, er hynny o hyn allan nid ydym yn ei adnabod ef mwy [felly.]

¹⁷Gan hynny od oes nêb yng-Hrist [y mae efe] yn greadur newydd, yr hên bethau a aethant heibio, wele, gwnaethbwyd pob, peth yn newydd.

¹⁸A’r cwbl sydd o Dduw, yr hwn a’n cymmododd ni ag ef ei hun trwy Iesu Grist, ac a roddodd i ni weinidogaeth y cymmod;

¹⁹Canys Duw yng-Hrist, yn cymmodi y bŷd ag ef ei hun, heb adliwio iddynt eu pechodau, ac a osododd ynom ni air y cymmod.

²⁰Am hynny yr ydym ni yn gennadau tros Grist, megis pe bydde Duw yn ymbil â chwi trwyddom ni: yr ydym yn attolwg i chwi tros Grist, cymmodwch â Duw.

²¹Canys efe a wnaeth yn bechod trosom ni, yr hwn ni adnabu bechod, fel ein gwnelid ni yn gyfiawnder Duw ynddo ef.